AYUB 3:16 - Sura' Madatu

¹⁶ Ba’tu ma’apai anna tae’ angku dadi mangura, tu ditanan, susitu pia’-pia’ tu tang untiropa masiang?

AYUB 3:16 ပူးပေါင်းရင်းမြစ်များ

AYUB 10:19

Iake susito susina’ to tae’pa kudadi; tongku tassu’ dio mai pa’tambukanna indo’ku, angku ta’pa male dilamun.

AYUB 3:15

ba’tu sisola tu mai arung, tu sugi’ bulaan, tu umpangannai salaka banuanna.

AYUB 3:17

Dio tu nanii to tang mekaaluk untorroi kamarukkan, inde to nanii melayo tu to tang mabukumo.

PA’PUDIAN 58:8

Melo ke be’ko’i tu tau iato mai susi uai mere, iake umpessumpiranni tinaranna, melo ke bussui.

PA’PUDIAN 58:9

Melo ke lollo’i susi suso marassan menono’, susi anak dadi sala tang untiropa allo.

TOMANGADA’ 4:3

Sia kumua losong pole’pa ia upa’na na mintu’ tau iato tu to tae’pa nadadi sia tae’pa natiroi tu penggauran kadake tu dipogau’ lan naarrang matanna allo.

TOMANGADA’ 6:3

Iake pessaratu’i tu tau kianak sia tuo ba’tu pirang-pirang taun, na iatu kamala’biranna pada tande umuru’na, apa tae’ nadipedia’i tu penaanna diona tu melona sia tae’ nadikamayai ke dilamunni – manassa nakua kadangku: La’biran iatu pia dadi mangura na iatu tau iato.

1 KORINTUS 15:8

Na ma’katampakanna umpa’pekitanan dukami Kalena lako kaleku, butung lako misa’ pia dadi mangura.