AYUB 3:13 - Sura' Madatu

¹³ Ianna susito la mamma’na sia ma’pakari’pina’, sia la matindona’, angku rapa’

AYUB 3:13 ပူးပေါင်းရင်းမြစ်များ

AYUB 10:21

ke tae’pi angku male sia tang sule lako tondok kamalillinan sia kapittukan,

AYUB 10:22

lako tondok lillinan parrak, tu nanii, kapittukan sia nanii atoran tang ma’rundunan, sia nanii arrang susito kamalillinan.

AYUB 14:20

Misau’ sia Mipandasa sae lakona, iamoto namale, Mipopembali tu lindona sia Misua male.

AYUB 16:22

Belanna sidi’ bangri tu taun la sae, angku olai tu lalan, tu tae’ angku la unnolai sule.

AYUB 17:13

Iake kukampai tu lino tomate susito banuangku, sia kuballa’ tu inan mamma’ku lan kapittukan,

AYUB 19:25

Apa kutandai, kumua iatu To mangla’bakku tuo, anNa ma’katampakanna la bendan dao to’ barra’-barra’.

AYUB 19:27

tu aku kalena la untiroi tu kupomelona, sia matangku la untiro Puang, tangia to senga’ dio mai Puang; iatu apa-apa lan ba’tengku lendu’ tongan mamali’na.

AYUB 21:13

Sipeupu’ allo katuoanna tu kamauparanna, sia marampa’ mengkalao rokko lino tomate.

AYUB 21:23

Iatu misa’ tomate lan kamawatangan tang lelukna, iatu penaanna rapa’ tongan sia manaman;

AYUB 21:26

Pada sumpandan lan to’ barra’-barra’, sia ulli’-ulli’ ussamboi tu tau iato.

AYUB 24:19

Susito pealloan sia kamalassuan unnamma’ ambun makko, anna pa’de, susi dukato tu lino to mate unnampello’ to kasalan.

AYUB 24:20

Iatu pa’tambukanna indo’na tae’mo nakilalai tu tau iato, sia napokande mammiran ulli’, tau iato tae’mo tau unningaranni, iatu kakelokan dilelleng susito misa’ kayu.

AYUB 26:5

Ma’parondo tu bombo tomate diong to’ uai, sia to umpa’tondokki inan iato.

AYUB 26:6

Iatu lino tomate tibungka’ lako Puang sia iatu bambana mukkun tae’ sambona.

AYUB 3:12

Ma’apai napeagina’ pangrian, ma’apai napeagina’ susu, angku ma’din ma’susu?

AYUB 34:22

Tae’ naden len kamalillinan ba’tu lillinan parrak, tu nanii to umpogau’ kakelokan ma’din membuni.

AYUB 7:21

Ma’apari amMi tang umpagarri’ri tu kapatodo-tintingangku? sia ma’apari amMi tang umpa’dei tu kakelokangku? Belanna madomi’na’ sumpandan lan to’ barra’-barra’; attu iato la Midaka’na’, apa ta’demo’.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

YEHEZKIEL 32:27

Iatu to tibambang dio lu to tang disunna’i, tae’ namatindo sisola to lalong, tu mengkalao rokko lino to mate situang pa’bunona, sia napadiong tau to’ ulunna tu pa’dangna sia iatu kakadakeanna diong sola bukunna. Tonganna iatu katirambanan diona to lalong iato lan lu lino to tuo.