AYUB 24:5 - Sura' Madatu

⁵ Manassa susi bang to keledai lampung, lan padang pangallaran tassu’ male lako pengkaranganna, undaka’ kande; padang aak umpadenanni kande tu anakna.

AYUB 24:5 ပူးပေါင်းရင်းမြစ်များ

KADADIAN 16:12

Iatu pia iato la susi keledai lampung, sia la unnea mintu’ tau, anna mintu’ tau la unnea dukai: la ma’tondok sitingoan naninna mintu’ siulu’na.

KADADIAN 27:40

sangadinna pa’dangmuri la munii tuo sia la mengkaunanko lako adimmu. Sia la dadi undinna, ke umberong-berongko, la mulendokan tu ayokana dao mai sokkongmu!

AYUB 12:6

Marampa’ tu tendana to ma’pakario-rio sia manaman tu to umpare’dek ara’Na Puang Matua, mintu’ tu to morai ungkuasai Puang Matua.

AYUB 24:14

Iake la berre’i allo ke’de’mi tu to papatean sia napatei tu to makario-rio sia mase-mase, sia iake bongi susi bang misa’ to boko.

AYUB 24:6

Lan pa’lak nanii unnala kande, sia urruruk bua anggoro’ nasala tau.

AYUB 5:5

Iatu to karorian napurai nakande tu pegandungna, sia moi lan to’ duri naala duka, sia to ma’rang ungkailui tu apanna.

PA’PUDIAN 104:23

Sunmi tu tau lako to’ pengkaranganna, sia masara’ sae lako makaroen.

SARAMBU PEADA’ 4:16

Belanna tae’ namamma’ tu tau iato mai, ke tae’pi napogau’ kadakena; sia tae’ natikkaru’du’ ke tae’pi nasongkan tau misa’.

YEREMIA 2:24

E keledai pangala’ tu biasa dio lu padang pangallaran, ussurru’ angin natarru’ kamoraianna; mindara ma’din la undampai tu kakurasanna? Mintu’ tu undaka’i damo namasussa, belanna naapparan ke bulan kakurasannai.

HOSEA 7:6

Apa napamalassu tu penaanna tete dio pa’pakena butung to dapo’; moi anna mamma’ situ’turan bongi tu to unggaragai roti, melambi’o to malassu bang tu dapo’ susi api ma’lana-lana.

HOSEA 8:9

Belanna malemo lako Asyur. Iatu misa’ keledai lampung messarak ia, apa Efraim umpatassu’ pamengan la napa’gau’ – salan.

MIKHA 2:1

Upu’ allona tu mintu’ to umparri-parri kakelokan sia untampa kakadakean dao inan katindoanna; iake masiangmi dio mai napalalomi, belanna nakulle limanna umpogau’i.

ZEFANYA 3:3

Mintu’ arungna dio lu tangngana susi bang singa umburrung-burrung, mintu’ to ma’paolainna salu susi bang, guruk ke bongi, tu tang massesa sae lako melambi’na.

YOHANES 18:28

Nabaami tau tu Yesu dio mai Kayafas lako banua pangra’tasan kara-kara, to melambi’ iato. Iatu to Yahudi tae’ nalao tama banua pangra’tasan kara-kara, kumua da nakasambanan, sangadinna la ma’din duka ungkande Pa’pasa.

PENGGAURANNA RASULU’ 23:12

Iatonna masiang dio mai, sipatamma’mi ba’tu pira-pira to Yahudi, pada ussumpa kalena kumua, tae’ nala kumande sia mangiru’ ke tae’pi napatei tu Paulus.