AYUB 24:1 - Sura' Madatu

¹ Ma’apari natae’ Natempoanni To umpoissan angge maritik tu attu kadiukungan, sia tae’ natiroi to untandai Puang tu allo pa’paolai salunNa?

AYUB 24:1 ပူးပေါင်းရင်းမြစ်များ

KADADIAN 18:17

Nakuami tu PUANG: Ma’apari angKu la umbunianri Abraham tu apa la Kupogau’?

KADADIAN 7:4

Belanna pitung allopa angKu pasae uran tama lino patangpulo allona patangpulo bonginna, na mintu’ angge menono’ tu mangka Kupadadi la Kusabu’i lan mai lino.

AYUB 15:20

Iatu to tang mekaaluk mataku’ lan mintu’ allo katuoanna, sia iatu to ma’pakario-rio lan mintu’ taun tu mangka dilampakanni.

PA’PUDIAN 31:15

Apa mati’ Kalemi kunii sande’, o PUANG! kukua: Kamumo tu Kapenombangku.

PA’PUDIAN 36:10

Belanna dio Kalemi den tu kalimbuang katuoan, sia lan arrangMi kinii untiro kamasiangan.

PA’PUDIAN 9:10

PUANGmo tu napobenteng malangka’ mintu’ to dipakario-rio, Iamo tambakuku lan attu kamandasan.

TOMANGADA’ 3:17

Sipa’kadamo’ kaleku kukua: Puang Matua la umpaolai salu to malambu’ sia to tang malambu’, belanna iatu mintu’ apa sia mintu’ pengkarangan pantan den attunna.

YESAYA 2:12

Belanna mangkamo Napamanassa PUANGna mintu’ ma’dandan maritik tu allo la urrampoi mintu’ to umpamadao penaanna sia to matampo sia mintu’ to ussattuan kalena, kumua anna dipampa lu rokko.

YESAYA 60:22

Iatu bittikna la memba’ka’, naurunganni mendadi misa’ pa’rapuan sia iatu madiongna la mendadi misa’ bangsa kapua; Akumo, tu PUANG la umpogau’i madomi’, ke attunnami.

YEREMIA 46:10

Iamote tu alloNa PUANGna mintu’ ma’dandan maritik, iamo allo pa’pakkan la umpabala’i kakadakeanna mintu’ ualinNa. Iamoto nasamosona tu kandean pa’dang sia malango napobua’ rarana tu tau iato mai, belanna Napogau’mo Puang, iamo PUANGna mintu’ ma’dandan maritik, tu misa’ pemala’ pangrere’ daana lu padang dio randan salu Efrat.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

OBAJA 1:15

Belanna mandappi’mo tu alloNa PUANG la urrampoi mintu’ bangsa; susitu penggaurammu, susi dukamo la dipogau’ lako kalemu, sia iatu penggaurammu la sule langngan ulummu.

ZEFANYA 1:7

Pakappako kalemu dio oloNa Puangta PUANG, belanna mareke’mo tu alloNa PUANG; belanna Napasakka’mo PUANG tu misa’ pemala’ sia Napamarimbangammo tu mintu’ to Natambai.

MATIUS 24:38

Belanna susi bangsia tonna attu la madomi’mo sae uai saba’: kumande-mande bang tu tau, sia mangiru’ sia kebaine sia ma’pakemuane, sae lako allo katamanna Nuh tama lembang.

YOHANES 17:3

Inde sia tu katuoan tontong sae lakona, ke natandaiKomi, o Puang tu misari sia tongan, sia iatu Yesu Kristus tu mangka Misua.

PENGGAURANNA RASULU’ 1:7

Nakuami Yesu lako tinde tau: Tae’ kamu patummi la unnissanni tu attu ba’tu allo, tu Napoissan misa Ambe’ situru’ lalan kuasanNa.

PENGGAURANNA RASULU’ 17:26

Misa’ri Nanii umpabu’tui tu mintu’na bangsana tolino, la untorroi tu mintu’ kuli’na padang, tonna mangka ullampakki tu mintu’ attu tituka’na lino sia katonan pellaoanna,

ROMA 2:5

Apa kamakarrasanna penaammu sia noka mengkatoba’, ammu rampunanni kasengkean tu kalemu sae lako allo kasengkeanNa Puang Matua sia kapayananna ukungan malambu’Na,

1 TESALONIKA 5:1

Apa diona mintu’ attu sia allona, e sangsiulurangku, tae’mo mimanggi’ disurasan.

1 TIMOTIUS 4:1

Apa maleso tongan tu kadanNa Penaa, kumua undinna, la sorong boko’ tu tau pira dio mai kapatonganan, belanna menturu’ lako penaa ma’papusa sia lako ba’tu pira-pira pangadaranna deata masussuk,

1 TIMOTIUS 6:15

Iatu iannato ke attunnamo la Napa’pekitanan Puang ma’kada misa sia tang dilambi’ karongkosanNa. Datunna mintu’ datu sia Puangna mintu’ pekapuangan.

2 PETRUS 2:3

Belanna kabasisi-inaanna nala undaka’ saro dio mai kalemi umpokada kada passede. Masaimo tumaya tu ukungan la urrampoi sia ia duka tu kasangganganna ma’kampa bangmo.