AYUB 2:9 - Sura' Madatu

⁹ Ma’kadami tu bainena ungkuanni, nakua: Tang tilelukparokoka lan kapengkaolammu? Sorong boko’moko dio mai Puang Matua, ammu mate.

AYUB 2:9 ပူးပေါင်းရင်းမြစ်များ

KADADIAN 3:12

Mebali tu tolino: Napa te baine Miparondonganna’ tu umbenna’ bua kayu iato angku kandei.

KADADIAN 3:6

Natiromi tinde baine, kumua melo la dikande tu bua kayu iato sia dipora’dik untiroi, ondongpi iamo misa’ kayu sipatu dikaduangi la umpabu’tu kamanarangan, naalami tu buanna nakandei sia naben duka muanena, anna kandei sola.

1 DATU 11:4

Belanna iatonna matuamo tu Salomo, napasepangmi mintu’ bainena tu penaanna umpenombai kapenomban senga’, naurunganni tae’mo nalantuk tu penaanna lako PUANG, Kapenombanna, susi Daud, ambe’na.

2 DATU 6:33

Marassan bangsia sipa’kada-kada tau iato mai, ta’kala saemi tu pesua lako kalena. Nakuami tu datu: Manassa mandu tongan tu kamandasan naparampoangki’ PUANG! Apara gai’ku urrannuampa PUANG?

AYUB 1:11

Apa iake Mie’te’i tu limamMi, amMi pata’pai tu mintu’ ianan napoapa, ma’apai nala tang mempayan sorong boko’ dio mai Kalemi?

AYUB 2:10

Apa mebali lako bainena nakua: Susiko misa’ to maro-maro ma’kada; ia mannaraka tu melona la tatarima dio mai Puang Matua, anna kadakena tae? Lan te mintu’nate tae’ tu kada sala sun dio pudukna Ayub.

AYUB 2:3

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan ia mengkaolana sia bulo lollongna sia mataku’na lako Puang Matua na umpatoyang kalena dio mai kadake. Sia tang leluk len lan kapengkaolanna, moi ammu naranNa’ ungkadakei sia ussanggang tang kebattuanni.

AYUB 2:5

Apa iake Mie’te’i tu limamMi, amMi pata’pai tu bukunna sia duku’na, ma’apai nala tang mempayan sorong boko’ dio mai Kalemi?

AYUB 2:8

Naalami tu bibang sangti’pek nakarrukki tu kalena, anna unno’ko’ lan to’ au.

SURA’ KATOMINAAN 24:11

Iatu muane ma’indo’ to Israel iato umpa’kada solangi tu Sanga, nama’tampak ropu; nasolammi tau lako Musa. Iatu indo’na disanga Selomit, anakna Dibri, to ma’suku Dan.

MALEAKHI 3:14

Ma’kadakomi mikua: Tae’ gai’na tu mengkaola lako Puang Matua; apara tapomaupa’ ungkaritutui tu parentaNa sia iake lolangki’ ma’pote dibolong dio oloNa PUANGna mintu’ ma’dandan maritik?

TO PARENGNGE’ 14:17

Apa lan to pitung allo tu tau ma’marua’-rua’, tumangi’ bang tu bainena lako. Iatonna allo ma’pempitu napokadami tu battuananna tu karrume iato lako bainena, belanna naparuku-ruku tongan. Attu iato napokada tu battuananna karrume iato lako solana.