AYUB 2:3 - Sura' Madatu

³ Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan ia mengkaolana sia bulo lollongna sia mataku’na lako Puang Matua na umpatoyang kalena dio mai kadake. Sia tang leluk len lan kapengkaolanna, moi ammu naranNa’ ungkadakei sia ussanggang tang kebattuanni.

AYUB 2:3 ပူးပေါင်းရင်းမြစ်များ

KADADIAN 6:9

Iamote tu ulelean diona Nuh. Iatu Nuh misa’ to malambu’ penaanna sia tae’ sayuanna dio mintu’na tau attu iato, na iatu Nuh la’ka’ bang lako Puang Matua.

2 SAMUEL 20:20

Mebalimi Yoab, nakua: Nadipatoyang-toyangmora dio mai kaleku la ussanggangi sia ussabu’i!

AYUB 1:1

Lan tondok Us den misa’ tau, disanga Ayub, tau iato mengkaola tongan sia bulo lollong sia mataku’ lako Puang Matua na umpatoyang kalena dio mai kadake.

AYUB 1:11

Apa iake Mie’te’i tu limamMi, amMi pata’pai tu mintu’ ianan napoapa, ma’apai nala tang mempayan sorong boko’ dio mai Kalemi?

AYUB 1:6

Den sangallo saemi tu mai anakNa muane Puang Matua umpennoloi PUANG sia sae duka tu deata bulituk nasisolan.

AYUB 1:8

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan mengkaolana, bulo lollongna sia mataku’na lako Puang Matua sia umpatoyang kalena dio mai kadake.

AYUB 13:15

Moi Namorai tu Puang umpateina’, tontong duka kurannuan; ondongpi iatu gau’ku moraina’ untongananni dio oloNa.

AYUB 2:2

Ma’kadami tu PUANG lako deata bulituk Nakua: Umbara tu munii sae? Mebalimi tu deata bulituk lako PUANG nakua: Sulena’ salamba salao sia lu lako lu dio mai lan lino.

AYUB 2:4

Apa mebali tu deata bulituk lako PUANG, nakua: Kuli’ dipasondana kuli’ sia mintu’ apa naampui tau la nasorong belanna katuoanna.

AYUB 9:17

Iamo, tu ummangsannina’ tete dio angin bara’, sia umpakerangan bangkeku moi tae’ Napobannang.

AYUB 9:20

Moi angku tongan, pudukku kalena urra’ta’i tu kasalangku, moi angku tang sala, Puang kalena umpasalana’.

PA’PUDIAN 26:1

Pa’pudianna Daud. O PUANG, sanda tongannina’, belanna lolang malolomo’, sia lantukna’ ungkatappa’i PUANG.

PA’PUDIAN 37:37

Palan ara’i tu to sallo’ penaanna sia tiroi tu to bulo lollong, belanna iatu to ungkabarii kamarampasan la membati’.

PA’PUDIAN 41:12

Naindeto kunii unnissanni kumua Miporaina’, ke tae’i napoparannu paimanni ualingku tu kasanggangangku.

SARAMBU PEADA’ 11:8

Iatu to malambu’ la dirampanan lan mai kapussakan, na iatu to tang mekaaluk tama ussondai.

SARAMBU PEADA’ 13:6

Iatu kamaloloan ungkaritutui to tang sayuan, apa iatu katangmekaalukan umbambangan tokadake gau’na rokko kasanggangan.

SARAMBU PEADA’ 14:2

Minda-minda ma’kedo bulo lollong, ungkataku’ PUANG, apa minda-minda tu unnola lalan kelok tang umpakala’bi’ Puang.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

SARAMBU PEADA’ 16:17

Iatu patunna to bulo lollong iamotu untoyangan kalena dio mai kakadakean; sia minda-minda ungkaritutui lalanna, iamo ungkanandai katuoanna.

YOHANES 9:3

Nakuami Yesu mebali: Tae’ ia na iate tau te umpogau’ kasalan; sia tae’ ia na to matuanna, sangadinna kumua anna payan dio kalena tu penggauranNa Puang Matua.

FILIPI 3:12

Tangia kumua inang kulambi’mo, ba’tu sundunmo, apa kupembelai unnula’i, kubela duka sia manii ulla’ka’i tu apa kupobannangmo Nala’ka’i Kristus Yesu.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

1 PETRUS 1:7

kumua anna kalantukan kapatonganammi tu disudi – tu mandu keangga’ na iatu bulaan la sanggang moi anna disudi api – la payan kumua umpabu’tu kapudian sia kamala’biran anna kadipangkeran, ke attunnamo sombo tu Yesu Kristus,

1 PETRUS 5:10

Puang Matua oto’na mintu’ pa’kamasean tu mangka untambaikomi tete dio Kristus mentama kamala’biran matontonganNa, ke mangkamokomi umperasai kamaparrisan lan attu sangattu’, Ia duka la umpasundunkomi sia umpabantangkomi sia umpamatoto’komi sia umparandangannikomi.