AYUB 2:2 - Sura' Madatu

² Ma’kadami tu PUANG lako deata bulituk Nakua: Umbara tu munii sae? Mebalimi tu deata bulituk lako PUANG nakua: Sulena’ salamba salao sia lu lako lu dio mai lan lino.

AYUB 2:2 ပူးပေါင်းရင်းမြစ်များ

KADADIAN 16:8

Nakuami: E Hagar, kaunanna Sarai, bu’tu umbako nii naumba la muola? Mebalimi: Mallaimo’ dio mai puangku Sarai.

AYUB 1:7

Ma’kadami tu PUANG lako deata bulituk, Nakua: Umbara tu munii sae? Mebalimi tu deata bulituk lako PUANG, nakua: Sulena’ salamba salao sia lu lako lu dio mai lan lino.

AYUB 2:1

Den sangallo saemi tu mai anakNa muane Puang Matua la umpennoloi PUANG sia sae duka tu deata bulituk ussolanni umpennoloi PUANG.

AYUB 2:3

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan ia mengkaolana sia bulo lollongna sia mataku’na lako Puang Matua na umpatoyang kalena dio mai kadake. Sia tang leluk len lan kapengkaolanna, moi ammu naranNa’ ungkadakei sia ussanggang tang kebattuanni.

YOHANES 14:30

Tae’mo nabuda Kuuleleanangkomi, belanna saemo pangulunna lino, natae’ bang dio Kaleku tu la naapanNa’.

2 KORINTUS 4:4

tu mangka napabuta datunna lino tu mata penaanna to tang ma’patongan, kumua da anna kita arrang kamala’biranNa Kristus iamotu rupanNa Puang Matua.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.