AYUB 17:9 - Sura' Madatu

⁹ Moi nasusito iatu to malambu’ umpatontong lalanna, sia minda-minda tu masero limanna la kerangan tu kamatotoranna.

AYUB 17:9 ပူးပေါင်းရင်းမြစ်များ

KADADIAN 20:5

Tang Abraham kalenaraka umpokadanna’ susite, kumua: Iate baine, siulu’ku? sia ia duka kalenamo tu baine iato ma’kada susite kumua: Iate muane siulu’ku. Mangkamo kupogau’ tu iannato naturu’ bannang pute sia lima mapindanku!

2 SAMUEL 3:1

Masaimo tu kasirarianna rapunna Saul na rapunna Daud, apa samasai-sainna samatoto’-toto’na tu Daud, na iatu rapunna Saul samoro’-moro’na.

AYUB 22:30

Ia duka tu to kasalan manassa Natundui Puang, sia tete dio kadiseroianna limammu ammu ma’din dikarimmanni.

AYUB 27:5

La toyang dio mai kaleku tu la ussanda tongannikomi; sae lako ka’tunna sunga’ku tae’ angku rampanan kadangku, kumua tae’ kukasalan len.

AYUB 27:6

Kupatontong unnakui tu kamaloloangku sia tae’ kurampananni; iatu penaangku moi misa’ alloku tae’ napasalai.

AYUB 31:7

Ianna sumepang tu tengkaku dio mai lalan tongan, sia iatu penaangku unturu’ kamailuanna matangku, sia iake denni kadisayuan le’ke’ dio limangku,

AYUB 33:9

Maserona’ aku, tae’ kapatodo-tintingangku, malinona’ sia tae’ kakelokangku;

PA’PUDIAN 11:3

Iake mintu’i parandangan disaeran, apapa tu la napogau’ to malambu’?

PA’PUDIAN 24:4

Iamotu to masero pindan limanna sia sallo’ penaanna, tu tang ungkabarii tang kebattuanna, sia tang umpalao sumpa tang tongan.

PA’PUDIAN 26:6

Kubasei tu limangku tanda tasikku masero pindan, kumane ullilingi inan pemalaramMi, o PUANG!

PA’PUDIAN 73:13

Manassa tae’ gai’na tu penaa maputeku kukaritutui, sia umbasei limangku dio mai mintu’ kedo sala.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

PA’PUDIAN 84:7

Iake unnolai lombok rangke natuoi tallubeke, nabilang kumua padang nasitutu’i kalimbuang boba, sia nasakka’i rongko’ bunga’ uran.

PA’PUDIAN 84:8

Samambelanna naola, sabatta’-batta’na, la umpennoloi Puang Matua dio Sion.

SARAMBU PEADA’ 10:25

Iake saei tu talimpuru’ nalendu’ ma’kasanggang, la pa’de tu to tang me- kaaluk, apa iatu to malambu’ bendan butung misa’ parandangan maton- tongan.

SARAMBU PEADA’ 10:30

Iatu to malambu’ tae’ nala tibendon len sae lakona, apa iatu to tang mekaaluk tae’ nala untorroi kuli’na padang.

SARAMBU PEADA’ 14:16

Iatu to kinaa mataku’ sia toyang dio mai kakadakean, apa iatu to baga untengkai bang salunna, apa napomanaman duka.

SARAMBU PEADA’ 4:18

Apa iatu lalanna to malambu’ susito arrang bu’tu melambi’, samasai-sainna saparrang-parrangna sae lako masiangna tongan.

MARKUS 7:2

Iatonna tiroi ba’tu pira-pira tu anak gurunNa ungkande roti anna tae’ namasero limanna, iamotu tae’ namembase dolo,

YAKOBUS 4:8

Perreke’i tu Puang anNa reke’ dukakomi. Basei tu limammi, e to kasalan, sia pemasallo’i tu penaammi, e to ma’ranga’-ranga’ penaanna.

1 PETRUS 1:5

tu Narinding pala’ kuasanNa Puang Matua tete dio kapatonganan lu lako kamakarimmanan tu diparandan la dipasombo, ke attu ma’katampakanna.

1 YOHANES 2:19

Messarakmo dio mai kaleta tu tau iato mai, apa inang tangia solata, belanna iake solatai tae’ nasalai tang mari’pi ussisolangki’; apa messarak ia anna payan kumua tae’ na ia nasang solata.