AYUB 17:4 - Sura' Madatu

⁴ Belanna Puang untampunni tu paissan penaanna; iamoto natae’ Mieloranni patalo tu tau iato.

AYUB 17:4 ပူးပေါင်းရင်းမြစ်များ

2 SAMUEL 15:31

Attu iato napokadami tau lako Daud nakua: Iatu Ahitofel dio lu sola tu to sipakulu-kulu Absalom. Nakuami Daud: O PUANG, padampai tu pa’timbanganna Ahitofel.

2 SAMUEL 17:14

Nakuami Absalom sia mintu’ to Israel: Iatu pa’timbanganna Husai, to Arki melo na pa’timbanganna Ahitofel. Apa inang pangelorannamo PUANG susito, belanna la Nadampa tu pa’timbanganna Ahitofel, kumua anNa pasaeanni kasanggangan PUANG tu Absalom.

2 OSSORANNA DATU 25:16

Apa marassan bangsia sipa’kada, nakuami datu lako: Naangka’rokomika tau pa’bisaranna datu? Kappakomi, apa gai’mi la napatei tau? Kappami tu nabi sia ma’kada nakua: Kuissanmo, kumua Nalampak dukamo Puang Matua la ussanggangikomi, belanna penggauran susimmi te sia tae’ miperangii tu pa’pakilalangku.

AYUB 12:20

Napopa’loko-lokomo tu to manarang umbuang kada, tu mai to naposande’ tau, sia untaeran tu tangnga’ melona to matua.

AYUB 17:5

Minda-minda umpasala sangmanena undaka’ saro bu’tu kadake, la malayu bang matanna tu anakna.

YESAYA 19:14

Natua’mo PUANG tama ba’tengna tau iato mai tu misa’ inaa ma’pasaling, naurunganni umpapusai tu to Mesir lan mintu’ penggauranna, sangtinti to malango umpentombang luana.

MATIUS 11:25

Iatonna iato umpakendekmi pa’pudian tu Yesu, Nakua: O Ambe’, Puangna langi’ na lino, KupudiKomi, belanna Misamboan to paissan sia to manarang te ianna te, anna lako pia Minii umpasomboi.

MATIUS 13:11

Mebalimi sia Nakua ungkuanni tu tau: Iatu kamu dibenkomi pa’kamasean la unnissanni tu rasia diona Parenta Suruga, apa iatu mati’ tau tae’ ia dikamaseanni.

ROMA 11:8

Susitu disura’, nakua: Naben Puang Matua penaa ma’turu-turu mamma’, sia mata tang la pakita, sia talinga tang la parangi sae lako te allo iate.

1 KORINTUS 1:20

Naumbamira tu to manarang? Umbamira tu pandita Sura’? Umbamira tu to umpelalan bang apa dadi lan te attu iate? Tae’raka Napopendadii Puang Matua pa’popetaa tu kakinaanna te lino?