AYUB 16:4 - Sura' Madatu

⁴ Ma’din dukana’ ma’kada susi kamu, ke susinna kamu narampoi kamandasan susi aku; la kutolorangkomi kada mammi’ sia kuiling-ilingangkomi ulu.

AYUB 16:4 ပူးပေါင်းရင်းမြစ်များ

2 DATU 19:21

Inde sia tu kada Napokada PUANG diona datu iato, Nakua: Iatu simbolong manik, iamo anak dara Sion, untapa’ko sia untelle-telleko; iatu anak dara Yerusalem unniling-iling dio boko’mu.

AYUB 11:2

Ma’dinraka tu kada la’bi tang dipebalii, sia to umbeloi kadanna la ditonganan?

AYUB 16:5

Pudukku la umpabatta’ penaammi sia pa’pakatanangku la umpamaringankomi.

AYUB 35:16

iamoto nama’kada layuk tu Ayub umpokada kada tang kebattuan sia ma’kada tang paissan umpebudai kadanna.

AYUB 6:14

Minda-minda umpadapa kamamasean dio mai sangmanena, iamo tang umpalan penaa ungkasiri’ To umpoissan angga maritik.

PA’PUDIAN 109:25

Sia nabe’semo’ tau iato mai, iake natirona’ unniling-ilingmi.

PA’PUDIAN 22:7

Apa aku te balina’ misa’ kalinting, tangia tolino, misa’ pa’be’seanna tolino, sia nakagi’gi’ to kamban.

PA’PUDIAN 22:8

Minda-minda untirona’ nabe’sena’, sia nabellu’ina’ anna unniling-iling, nakua:

PA’PUDIAN 44:14

Mitananmokan pa’be’seanna mintu’ bali lembangki, sia pa’telleanna sia parumbasanna to untama tikuikan.

SARAMBU PEADA’ 10:19

Lan kabudanna kada dipokada tae’ natang den tu sala, apa minda-minda unta’tan lilana, iamo misa’ to unnampui tangnga’ melo.

TOMANGADA’ 10:14

Sia ia duka tu tobaga umpabuda kadanna – apa iatu tolino tae’ natandai tu apa la dadi, anna iatu apa la dadi undinna, mindara la umpaissanni?

YESAYA 37:22

iamote tu kada Napokada PUANG diona datu iato, nakua: Iatu simbolong manik, iamo anak dara Sion, untapa’ko sia untelle-telleko; iatu anak dara Yerusalem unniling-iling dio boko’mu.

YEREMIA 18:16

naurunganni napopendadi apa napotiramban tau tu tondokna sia tontong dadi misa’ apa natelle tau; minda-minda ullendu’i la tiramban sia unniling-iling.

YEREMIA 48:27

Tang mutelle-telleraka tu to Israel; dikabu’tuiraka sola to boko, muurunganni unniling-iling, ke mulambi’ kadaoi tu diona a’ganna?

BATING 2:15

Mintu’ to lendu’ lalan massala’pa-la’pa diona a’gammu. Ma’telle-telle sia unniling-iling diona a’ganna anak dara Yerusalem, nakua: Iamoraka te tu kota tu disanga sundun kamaballoanna, tu napopaiman mintu’ issinna lino?

ZEFANYA 2:15

Iamote tu kota kasode-sode bang, tu tang untandai kamasussan, tu ma’kada lan penaanna nakua: Aku mannari, na moi misa’ tae’ tu senga’na. Umba nakua anna mempadang lo’bangmo, sia napoinan kapelayoan olo’-olo’ masuru! Minda-minda lendu’ inde to dio mai la ma’uik-uik untelle-tellei sia nadullu-dullu.

MATIUS 7:12

Iamoto apa-apa tu miporai la napogau’ tau lako kalemi, ten dukato la mipogau’ lako; belanna iamoto tu natuntunna Sukaran aluk sia sura’na nabi-nabi.

ROMA 12:15

Pada parannukomi to parannu; sia pada tumangi’komi to tumangi’.

1 KORINTUS 12:26

Iake misa’ lesoan kale mapa’di’, mintu’i ussa’dinganni, sia iake misa’ lesoan kale dipakala’bi’, mintu’i pada-pada parannu.