AYUB 14:1 - Sura' Madatu

¹ Iatu tolino tu nadadian baine, tang masae lako tu allo katuoanna sia nabossa kamagiangan.

AYUB 14:1 ပူးပေါင်းရင်းမြစ်များ

KADADIAN 3:17

Ma’kadami Puang lako tolino: Belanna muperangiimo tu kadanna bainemu ammu kandei tu bua kayu Kupasanangko, kumua da mukandei, iamoto la narua tampak ropu te kuli’na padang mutumang, anna situangpi kamaparrisan angge tuomu mumane ungkandei tu burana.

KADADIAN 47:9

Mebalimi tu Yakub lako Firaun: Iatu taun kamempueangku saratu’ tallungpulomo taunna. Sidi’mora naponno nasang kamasussan tu katuoangku, tae’ napada katuoanna to doloku tonna mempue.

2 DATU 4:19

Nakuami lako ambe’na: O indo’! ulungku, ulungku! Ma’kadami tu ambe’na lako misa’ taunna, nakua: Solanni lako indo’na.

AYUB 10:20

Tang sidi’raka tu allo katuoangku? Eloranna’, angku perasai kaparannuan sidi’,

AYUB 15:14

Umbara nakua tu tolino, anna masero, sia anna malolo tu mai to nadadian misa’ baine?

AYUB 25:4

Umbara la nakua tu misa’ tolino malolo dio oloNa Puang Matua, ba’tu umbara nakua la masero tu to nadadian misa’ baine?

AYUB 25:5

Tiromi, moi bulan tae’ namarorrong tu arrangna, sia iatu bintoen tae’ namasero tu dukkunna dio pentiroNa Puang;

AYUB 5:7

Apa iatu tolino dadi la unnappa’ kamasussan, susi lelatu sipettia’-tiaran kendek langngan.

AYUB 7:1

Tang mandu mara’ta’raka tu tolino dao kuli’na padang, tang susiraka allona tosumaro tu katuoanna?

AYUB 7:6

Kamatirasanna alloku losong anna panikuan, sia madomi’ sae lako upu’na sia tae’ tu dirannuan.

AYUB 8:9

Iake kita to dadi sangmai’ki’, moi misa’ apa tae’ taissan; belanna susito bayo-bayo tu allo katuoanta dao kuli’na padang.

AYUB 9:25

Manassa iatu alloku lendu’ matira’na na iatu pesua dipopa’dondo, tarru’ liu bang anna tae’ natiroi tu melona.

PA’PUDIAN 39:5

O PUANG, paissananna’ tu lampakku, sia sangapara lambe’na tu sunga’ku, angku issanni tumba katangmarendenganna a’gangku.

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

PA’PUDIAN 51:5

Belanna kutandai tu salaku, sia iatu kasalangku tontong bang dio lindoku.

PA’PUDIAN 89:47

O PUANG, sangapapoKomi la tontong bang membuni, sia sangapapi la dukku susi api tu kasengkeamMi?

TOMANGADA’ 2:17

Iamoto kukagi’gi’mi te katuoan iate, belanna kadake dio pentiroku tu pengkarangan dipogau’ lan naarrang matanna allo; iatu mintu’nato tae’ gai’na sia susiki’ to unnula’ angin.

TOMANGADA’ 2:23

Ke ungkarangi pengkaranganna lan mintu’ allo katuoanna situang kamasussan sia karossoan, sia moi mabongi tae’ narapa’ penaanna? Ia duka tu apa iato tae’ gai’na.

YEREMIA 20:18

Ma’apai angku tassu’ lan mai pa’tambukan la umperasai kamaparrisan sia kamandasan sia la natonangi kamasirisan tu mai alloku sae lako upu’na?

MATIUS 11:11

Tonganna tongan Kukua mati’, kumua iatu mintu’nato dadi dio mai baine, tae’ bangpa misa’ duka bendan, tu mandu madaoan anna Yohanes Pa’dio’; apa iatu madiongna lan Parenta Suruga, iamoto tu mandu madaoan na ia.