AYUB 12:7 - Sura' Madatu

⁷ Apa mekutanako lako mintu’ olo’-olo’, anna ada’iko; sia lako manuk-manuk dao langi’, anna pamanassangko.

AYUB 12:7 ပူးပေါင်းရင်းမြစ်များ

KADADIAN 1:21

Napadadimi Puang Matua tu bale kapua sia mintu’ olo’-olo’ sisayoan, tu sibi’tokan lan to’ uai, situru’ a’ganna, sia mintu’ manuk-manuk kepani’ situru’ a’ganna. Natiroi Puang Matua, kumua melo.

KADADIAN 1:25

Napadadimi Puang Matua tu mintu’ olo’-olo’ marira situru’ a’ganna, sia mintu’ patuoan situru’ a’ganna sia mintu’ olo’-olo’ mendonglo’ dao kuli’na padang situru’ a’ganna. Natiromi Puang Matua, kumua melo.

AYUB 12:6

Marampa’ tu tendana to ma’pakario-rio sia manaman tu to umpare’dek ara’Na Puang Matua, mintu’ tu to morai ungkuasai Puang Matua.

AYUB 12:8

Ba’tu ma’kadako lako kuli’na padang, anna ada’iko, sia melo ke bale diong tasik unnuleleanni lako kalemu.

AYUB 8:10

Tang la naada’irokoka tu tau iato sia tang la napokadanrokoka, sia la umpatassu’ kada lan mai ba’tengna?

SARAMBU PEADA’ 30:24

Inde sia tu a’pa’ bittikna dao kuli’na padang, apa lendu’ ia kinaanna;

SARAMBU PEADA’ 6:6

E pong tukkunan, maleko lako to’ sirrin, pemarangai tu lalanna ammu kinaa;

YESAYA 1:3

Iatu sapi natandai iatu puangna sia iatu keledai natandai iatu palunganna puangna, apa iatu Israel tae’ paissanna, sia iatu taungKu tae’ inaanna.

YEREMIA 8:7

Moi anna tambolang dao lu langi’ untandai tu attunna sia bu’ku’ sola kaluppini’ na kaloko’ ungkilalai duka attu karampoanna, sangadinna taungKu manna tu tang untandai katongananNa PUANG.

ROMA 1:20

Belanna tempon dio mai tipamulanna angge maritik, mintu’na a’gan tang dikitanNa, iamotu kamatotoran sia Kapuangan tontongNa sae lakona, ma’din nakanassa tangnga’ dio panampaNa; iamoto natae’ nabelai undakaran posanga kalena,