AYUB 11:16 - Sura' Madatu

¹⁶ ondongpi tang la mukilalaimo tu kamaparrisan, sia la mukilalai susito uai lolong.

AYUB 11:16 ပူးပေါင်းရင်းမြစ်များ

KADADIAN 41:51

Iatu anak pa’bunga’na Yusuf nasangai Manasye belanna nakua: Napa’deimo Puang Matua lan mai penaangku mintu’ kamaparrisangku sia mintu’ to lan banuanna ambe’ku.

KADADIAN 9:11

Iamote tu basseKu Kutanan lako kalemi kumua, iatu mintu’ menaanna inang tae’mo anna la ussabu’i uai saba’ sia la tae’mo uai saba’ la ussanggangi lino.

AYUB 22:11

Tae’raka mutiroi tu kapittukan sia iatu uai saba’ ussamboiko?

AYUB 6:15

Iatu mintu’ siulu’ku tang manappa’ susito salu’-salu’, susito uai saba’ ullempanni randanan;

SARAMBU PEADA’ 31:7

Da’ito nairu’i anna kalupai tu kakalalaranna sia anna tae’ naingaranni tu kamandasanna.

YESAYA 54:4

Da mumataku’, belanna tae’ ammu kasirisan; da mumaila’, belanna tae’ ammu la matuna, sangadinna la mukalupaimo tu kamatunammu tommu mangura sia tang mukilalaimo tu kadibellerammu tommu balu.

YESAYA 54:9

Susi tonna linona Nuh, susi dukamo a’gangKu totemo; susi sumpaKu kumua tae’mo nala saba’ pole’ tu uai lan lino, susi tonna attunna Nuh, susi dukamo sumpaKu totemo to, kumua tae’mo Kula re’dek lako kalemu sia tae’mo Kula unggarrakko.

YESAYA 65:16

naurunganni minda-minda tu umpalakuan kamasakkean kalena, iamo la umpalakuan kamasakkean kalena ussa’bu’ Kapenomban oto’na kamanapparan lan tondok iato, sia minda-minda tu la massumpa lan te tondok, la massumpa ussa’bu’ Puang Matua oto’na kamanapparan, belanna tae’mo nadikilalai tu kamaparrisan dolona sia Kupasalaimo matangKu.

YOHANES 16:21

Iato ke mangurea’i tu baine, masussa nasa’ding, belanna nalambi’mo attunna; apa ianna dadiammi tu pia, tae’mo nakilalai tu kamaparissan iato, belanna kaparannuanna, apa denmo tau misa’ dadi tama lino.