AYUB 10:9 - Sura' Madatu

⁹ Kilalai, kumua losso’ pitti’ tu Mikombong angku dadi, sia morairoKomika umpasulena’ angku dadi barra’-barra’?

AYUB 10:9 ပူးပေါင်းရင်းမြစ်များ

KADADIAN 2:7

Nakombongmi PUANG Kapenomban tu tolino dio mai litak, Napamurru’i tama to’tok illongna tu penaa napotuo, susimoto tu tolino mendadi misa’ a’gan tuo.

KADADIAN 3:19

La to’dopi tu ma’pu’mu, mumane ungkande kandemu, sae lako sulemu pole lako litak, belanna dio mai dinii unnalako. Apa litakko, dadi la sule lako dukako litak!

AYUB 10:10

Tae’ raka Mibolloanna’ susitu bumbungan sia Mipasusina’ to dadi’ makko,

AYUB 17:14

angku ma’kada lako panglamunan, kukua: Kamu tu ambe’ku, sia lako ulli’ kukua: Kamu tu indo’ku sia anak darangku,

AYUB 33:6

Manassa, iake dio oloNa Puang Matua, samaki’, aku duka ditampana’ dio mai losso’ pitti’.

AYUB 34:15

manassa attu iato mintu’ apa kepenaa pada-pada la ka’tu sunga’na, sia la sule tu tolino lako barra’-barra’.

AYUB 4:19

ondongpi iatu to untorroi banua litak, tu diparandanganni barra’-barra’, tu to dirimpi’ susi busung anna mate.

AYUB 7:21

Ma’apari amMi tang umpagarri’ri tu kapatodo-tintingangku? sia ma’apari amMi tang umpa’dei tu kakelokangku? Belanna madomi’na’ sumpandan lan to’ barra’-barra’; attu iato la Midaka’na’, apa ta’demo’.

AYUB 7:7

Kilalai iatu katuongku sangpenaanri; sia iatu matangku tae’mo nala untiroi tu melona.

PA’PUDIAN 103:14

Belanna Naissan tu garaganta, sia Nakilalai kumua kita te losso’ bangri.

PA’PUDIAN 104:29

IamMi buni lindoMi, tirambanmi, sia iamMi alami tu penaanna, matemi, anna sule lako litak.

PA’PUDIAN 106:4

Kilalaina’, o Puang, sitinaya tu kamasorokamMi lako taumMi, sia tollongina’ kasalamaran lu mai Kalemi.

PA’PUDIAN 22:15

Aku te butungna’ uai tibollo, sia iatu mai bukungku silesangan; sia ia duka tu penaangku butung to panti’, lollo’ lan ba’tangku.

PA’PUDIAN 25:18

Tiromi tu kamaparrisangku sia kamapa’dirangku, sia pa’deimi tu mintu’ kasalangku.

PA’PUDIAN 78:39

Belanna nakilalai tu diona tau iato mai kumua a’gan batang kale, tu butung rambu pa’de poton, sia tae’mo nabu’tu sule.

PA’PUDIAN 89:47

O PUANG, sangapapoKomi la tontong bang membuni, sia sangapapi la dukku susi api tu kasengkeamMi?

PA’PUDIAN 90:3

Kamumo umpasule tolino lako litak, Mikua ma’kada: Sulekomi, e mintu’ ma’rupa tau.

TOMANGADA’ 12:7

sia iatu litak sule rokko padang, susi a’gan dolona, sia iatu penaa sule lako Puang Matua, tu mangka ungkamaseanni.

YESAYA 45:9

Upu’ allona tu to sisarangnga’ To tumampana, susi bangri to misa’ bibang dio lu to’ bibang. Ma’apari nala ma’kada tu pitti’ lako to ma’tampa, kumua: Apara mutampa? ba’tu nakua tu panggaragammu: Tae’ nakelima?

YESAYA 64:7

Sia tae’mo misa’ tu to ussa’bu’ sangamMi sia umpamukkun kalena la la’ka’ lako Kalemi; belanna Mibuniangkan tu lindoMi, sia Mipopa’elo’nakan lako kuasanna mintu’ kakadakeangki.

YESAYA 64:8

Apa totemo, o PUANG, Kamumo tu Ambe’ki; pitti’kan te, na Kamu tu To tumampaki, sia kami sola nasang panggaraga limamMikanni.

YEREMIA 18:6

Tae’raka Kuma’din umpogau’i lako kalemi susite to ma’tampa kurin iate, e to Israel? KadanNa PUANG. Tonganna susi losso’ pitti’ lan limanna to tumampa kurin, susi dukamokomi to lan limangKu, e to Israel.

ROMA 9:21

Tang umpoinaaraka inaanna tu to tumampa kurin unggaragai tu losso’ pitti’, sanglemun napopennapa keangga’ na iatu senga’na napopennapa tang keangga’?

2 KORINTUS 4:7

Apa iate apa mala’bi’ iato den dio kaleki lan misa’ pa’pannian litak, anna manassa tu kalosongan kuasanna kumua lu dio mai Puang Matua, tangngia lu dio mai kaleki.