AYUB 10:2 - Sura' Madatu

² La ma’kadana’ lako Puang Matua: Da Mira’ta’i kumua sipatuna’ diukung; paissannina’, ma’apai Milaoina’.

AYUB 10:2 ပူးပေါင်းရင်းမြစ်များ

AYUB 13:23

Sangapara tu kakelokangku sia kasalangku? Paissannina’ tu kapatodotintingangku sia kasalangku.

AYUB 21:4

Iatu sarroku lu lakoraka tolino? Ma’dinraka kusa’barasan to?

AYUB 33:13

Ma’apai ammi sigaga Puang Matua, anna moi misa’ penggauranNa tae’ Nasondai.

AYUB 40:2

Ma’tambeke’ko susito misa’ muane, la Kukutanaiko, ammu pakilalaNa’.

AYUB 7:20

Iake kasalammo’, la kupatumbari tu Puang, To umpenunu bang tolino? Ma’apari Mipapatui bangna’ passandaMi, naurungan kupomagasamo tu kaleku?

AYUB 9:29

Da’ito angku sala bangmo; ma’apai angku la unta’ka’i punala bang kaleku?

AYUB 9:3

Iake morai tu Puang ussikara-karanni, lan sangsa’bu pekutana moi misa’ tae’ nakullei umpebalii.

PA’PUDIAN 109:21

Apa iatu Kamu, o PUANG Puangku, alanna’ sara’ tete dio sangamMi sia rampananna’ belanna tang tore tu kamasokanamMi.

PA’PUDIAN 143:2

Da Mipasilindoi kadiparessan tu taumMi, belanna moi misa’ rupa tau tae’ malambu’ dio oloMi.

PA’PUDIAN 25:7

Da Mipalan ara’i tu mintu’ kasalangku tongku mangura sia mintu’ kapatodo-tintingangku, sangadinna kilalaina’ sitinaya pa’kamaseamMi, belanna kamasokanamMi, o PUANG.

PA’PUDIAN 27:7

Perangiina’, o PUANG, ke metambana’, katuru-turuina’ sia pebaliina’.

ROMA 8:1

Iamoto totemo tae’mo ukunganna tu to lan Kristus Yesu.