AYUB 1:6 - Sura' Madatu

⁶ Den sangallo saemi tu mai anakNa muane Puang Matua umpennoloi PUANG sia sae duka tu deata bulituk nasisolan.

AYUB 1:6 ပူးပေါင်းရင်းမြစ်များ

KADADIAN 6:2

natiromi anak Puang Matua tu baine bati’ tolino, kumua melo tu pantarisanna, anna pobainei minda-minda tu naala penaanna.

KADADIAN 6:4

Attu iato den tu tau lan lino kalando kapua naundinnato, tonna rampeimi anak Puang Matua tu baine bati’ tolino, napadadiammi bati’: iamote tu lalong sia kalelean tu sanganna tonna lino dolo.

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

1 OSSORANNA DATU 21:1

Ke’de’mi tu deata bulituk la umpandasa to Israel, iamoto naa’panmi tu Daud, kumua naia’i tu to Israel.

2 OSSORANNA DATU 18:20

Saemi tu misa’ penaa mennolo sia bendan dio oloNa PUANG, anna ma’kada nakua: Aku la unnaranni. Ma’kadami PUANG lako Nakua: Umba la mupakuanni?

AYUB 2:1

Den sangallo saemi tu mai anakNa muane Puang Matua la umpennoloi PUANG sia sae duka tu deata bulituk ussolanni umpennoloi PUANG.

AYUB 2:3

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan ia mengkaolana sia bulo lollongna sia mataku’na lako Puang Matua na umpatoyang kalena dio mai kadake. Sia tang leluk len lan kapengkaolanna, moi ammu naranNa’ ungkadakei sia ussanggang tang kebattuanni.

AYUB 38:7

tonna siarrakan tu mintu’ bintoen melambi’, sia mintu’ anak Puang Matua siangngaran?

PA’PUDIAN 103:20

Pudimi tu PUANG, e mintu’ malaeka’Na, e mintu’ to lalong, tu umpogau’ kadanNa. Sia umperangii kadanNa!

DANIEL 3:25

Ma’kadami nakua: Tiromi, kutiro tu a’pa’ tau tilendokmo tu pungona sumalong lan to’ api, tae’ namatumba len, na iatu ma’penna’pa’na iatu rupanna susi bang anak deata.

ZAKHARIA 3:1

Undinnato Napakitammo’ tu Yosua, tominaa kapua, bendan dio olona Malaeka’Na PUANG, anna bendan tu deata bulituk dio sa’de kananna la umparapa’i.

MATIUS 18:10

Kanandai tonganni, da naden misa’ mitapa’ te to bongko iate. Belanna Kukua mati’, iatu mintu’ malaeka’na lan suruga tontong untiro lindo Ambe’Ku dao suruga.

LUKAS 22:31

Nakuami Puang: E Simon, Simon, lendu’ nakabarinna deata bulituk la unta’piikomi susi barra’,

LUKAS 3:38

anakna Enos, anakna Set, anakna Adam, anakNa Puang Matua.

YOHANES 6:70

Nakuami Yesu mebali lako tinde tau: Tang mangkamorokomika Kupilei te tau sangpulo dua? Apa denkomi misa’ tu deata bulituk.