AYUB 1:5 - Sura' Madatu

⁵ Ianna upu’omo tu allona pa’maruasan, natambaimi Ayub tu mai anakna, anna pamaseroi; attu iato mela’bik tongan millik, anna pennoloanni pemala’ ditunu pu’pu’ tu mai anakna simisa’-misa’i, belanna natangnga’ Ayub lan penaanna, kumua umbai umpogau’mo kasalan tu anakku sia tang umbilangmo Puang Matua lan penaanna. Susimoto tu tontong na pogau’ Ayub.

AYUB 1:5 ပူးပေါင်းရင်းမြစ်များ

KADADIAN 22:3

Melambi’mi millik tu Abraham, nalapikki tu keledainna anna solanni tu solana da’dua sia iatu Ishak, anakna, sia napiak tu kayu la napantunuan pemala’ ditunu pu’pu, anna ke’de’ male lako to’ inan mangka Napokadanni Puang Matua.

KADADIAN 6:5

Natiro PUANG tu kakadakeanna tolino lendu’ tongan kapuana, sia tontong bang kelok tu karangan inaanna;

KADADIAN 8:20

Nagaragami Nuh tu misa’ inan pemalaran nanii memala’ lako PUANG, anna alai dio mai mintu’ patuoan tang dipemalianna sia manuk-manuk tang dipemalianna anna pemalaran pantunu pu’pu’ dao inan pemalaran iato.

1 DATU 18:31

Naalami Elia tu batu sangpulo dua, pada tu bilangan sukunna anakna Yakub, tu mangka narampoi kadanNa PUANG, Nakua: Israel tu la sangammi.

1 DATU 21:10

Ammi paunno’ko’ da’dua to bulituk untingoi, la ussa’bii kumua: Umpa’kada solangi Puang Matua sia datu. Solanni lako salian kota, ammi tumbui batu samatena.

1 DATU 21:13

Attu iato saemi tu tau da’dua, iamotu to bulituk, unno’ko’ untingoi, anna sa’bii te to bulituk sola duai tu Nabot dio olona to buda, nakua: Ia tinde Nabot umpa’kada solangi Puang Matua sia datu. Nasolammi tau iato mai lako salian kota, anna tumbui batu samatena.

NEHEMIA 12:30

Usseroimi kalena tu mintu’ tominaa sia to Lewi, namane usseroi tu to buda, sia mintu’ babangan sia rinding tembo’.

AYUB 1:11

Apa iake Mie’te’i tu limamMi, amMi pata’pai tu mintu’ ianan napoapa, ma’apai nala tang mempayan sorong boko’ dio mai Kalemi?

AYUB 1:4

Biasa tu mai anakna muane umpogau’ pa’maruasan, sisonda-sonda lan banuanna, sia natambai tu mai anak daranna tallu kumande sia mangiru’ sola.

AYUB 2:9

Ma’kadami tu bainena ungkuanni, nakua: Tang tilelukparokoka lan kapengkaolammu? Sorong boko’moko dio mai Puang Matua, ammu mate.

AYUB 27:10

Ma’dinraka umpoparannu To umpoissan angge maritik, sia metamba la massambayang langngan Puang Matua, lan mintu’ attu?

AYUB 41:25

Napasolo’i penaa tu mintu’ matandena, sia undatui mintu’ olo’-olo’ matampo.

AYUB 42:8

Iamoto alami pitu sapi laki sia pitu domba laki, mimale lako Ayub, taungKu, ammi penoloanni sia pemalaranni la mipopemala’ ditunu pu’pu’, anna taungKu Ayub umpassambayangangkomi, belanna ia manna tu passambayangna la naala penaangKu, angKu pobannangi, tang umparampoikomi tu apa kadake, belanna iatu kamu tae’ misusi taungKu Ayub, mangkamokomi umpokada tang maloloNa’.

AYUB 6:14

Minda-minda umpadapa kamamasean dio mai sangmanena, iamo tang umpalan penaa ungkasiri’ To umpoissan angga maritik.

AYUB 8:4

Umbai kasalammo tu mai anakmu lako Puang, iamoto Naparampoi poleanna tu kapatodo-tintinganna.

PA’PUDIAN 5:3

Tananni talinga tu pengkamoyaku, o Datungku, o Kapenombangku, belanna mati’ Kalemi kunii malaku.

KATASSURAN 18:12

Naalami Yitro, matusanna Musa tu pemala’ ditunu pu’pu’ sia pemala’ pangrere’ napennoloan lako Puang Matua; nasae tu Harun sola mintu’ to matua-tua to Israel kumande sola matusanna Musa dio oloNa Puang Matua.

KATASSURAN 19:10

Ma’kadami tu PUANG lako Musa, Nakua: Maleko lako to buda, ammu pemaseroi tu tau iato mai te allo iate sia masiang; la nabusukki tu pakeanna.

KATASSURAN 24:5

Nasuami tu ba’tu pira to mangura to Israel, umposara’i tu pemala’ ditunu pu’pu sia umpemalaran sapi laki napopemala’ kasalamaran lako PUANG.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

YEREMIA 4:14

Seroi tu penaaammu, e Yerusalem, ammu makarimman; sangapapara tu tangnga’ sala tonang lan penaammu?

YEHEZKIEL 14:14

sia iake denni dio te tau tallu, iamotu Nuh, Daniel na Ayub, manassa kalena manna tu ma’din narampanan tete dio kamaloloanna, kadanNa Puangta PUANG.

LUKAS 1:75

sikambi’miki’ kamaseroan sia kamaloloan, dio oloNa lan mintu’ allo katuoanta!

LUKAS 18:7

Tae’raka nala umpakaloloi Puang Matua tu kara-karana mintu’ to Napilei, tu napalakunna nametamba-tamba lako keallo kebongi sia maremparaka ungkilalai tu tau iato?

YOHANES 11:55

Tonna iato mandappi’mo tu allo pa’gauran Pasana to Yahudi, sia buda tu to inde to dio mai umpadoloi male lako Yerusalem ke tae’pi nalambi’i tu pa’gauran Pasa, kumua nalao umpemaseroi kalena.

PENGGAURANNA RASULU’ 21:26

Nasolammi Paulus tinde tau, na iatonna masiangna to usseroimi kalena sola, natama Banua Kabusungan umpa’peissananni tu kamala’biranna allo kamaseroanna, anna pantan dipemalaran tu pemala’na.

PENGGAURANNA RASULU’ 8:22

Iamoto mengkatoba’ko dio mai tu kakadakeammu, sia massambayangko langngan Puang, dipa’dei sia manii tu kasalan natuntun penaammu.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

2 KORINTUS 11:2

Belanna mangimburuna’ lako kalemi umpopangimburu kapangimburuanNa Puang Matua, apa mangkamokomi kupasitumaean misa’ muane, la kupatingo butung misa’ anak dara masero lako Kristus.

EFESUS 6:18

Tontongkomi massambayang lan mintu’ attu tete dio Penaa, umpotete mintu’ pangando sia passambayang, sia dikua ammi lambi’i tu iannato, la marea-reakomi umpengkullei sia umpassambayangan mintu’ to masallo’,

1 SAMUEL 16:5

Mebalimi nakua: Melo sia! Iatu kasaeangku te la memala’ lako PUANG. Seroimi tu kalemi anta male sola memala’. Napamaseromi tu Isai sola tu mintu’ anakna muane, natambai memala’ sola.