AYUB 1:3 - Sura' Madatu

³ Iatu apanna pitungsa’bu tu domba sola bembe’, tallungsa’bu tu unta, limaratu’ ayokana tu sapi, na limaratu’ keledai birang, sia buda tongan tu mai pa’dua’na, iamoto na iatu muane iato sugi’ lallang na iatu mai mintu’na pa’tondokan dio rampe matallo.

AYUB 1:3 ပူးပေါင်းရင်းမြစ်များ

KADADIAN 12:16

Dibenmi apa tu Abram belanna diona baine iato; naampuimi Abram tu domba sia sapi sia keledai sia kaunan muane sia kaunan baine sia keledai birang sia unta.

KADADIAN 12:5

Nasolammi Abram tu Sarai, bainena, sia iatu Lot, pa’anakanna sia mintu’ iananna, tu mangka napasinu’du sia mintu’ tau, to tau kullena dio tana Haran, ke’de’mi sola nasangi la male lako tana Kanaan; rampomi lako tana Kanaan.

KADADIAN 13:6

Tae’ anna alai padang tu tau iato mai, ke torroi sisola, belanna lendu’ budanna tu patuoanna, iamoto anna tae’ nama’din la torro sola.

KADADIAN 24:35

Napasundun rongko’ tonganmo PUANG tu puangku, naurunganni tarompo’mo, naben PUANG ba’tu sangapa budanna domba, bembe’ sia sapi, salaka, bulaan, kaunan muane baine, unta sia keledai.

KADADIAN 25:6

Apa lako anak tang nabolai naben pa’pakatana, mangkato nasua nasangmi mallai dio mai Ishak, anakna; tonna tuopa tu Abraham nasuai lako rampe matallo, lako Padang matallo.

KADADIAN 29:1

Ke’de’mi tu Yakub inde to dio mai, ma’palulako padang to rampe matallo.

KADADIAN 32:14

Iamotu bembe’ birang duaratu’ na bembe’ laki duangpulo, na domba birang duaratu’ na domba laki duangpulo,

KADADIAN 34:23

Iatu mintu’ patuoanna sia mintu’ barang apanna sia mintu’ tu nalaainna tang la tapobarang apaoparaka undinna? podo ke taturu’i tu pa’porainna, anta torro sola.

2 SAMUEL 12:2

Iatu sugi’na unnampui bu’dak domba sia bembe’ sola sapi.

1 DATU 4:30

naurungan iatu kakinaanna Salomo mandu kapua anna kakinaanna to dio lu rampe matallo sia mintu’ kakinaanna to Mesir.

2 DATU 15:20

Iatu mintu’ doi’ napalaku Menahem dio mai to Israel, iamotu dio mai mintu’ to sugi’, anna benni datu Asyur, silimangpulo sikele’ salaka ke misa’oi tau. Mangkato sulemi tu datu Asyur tae’ natorro lan tondok iato.

2 DATU 3:4

Iatu Mesa, datu to Moab, umpatuo domba; napa’kasianammi lako datu to Israel tu anak domba saratu’ sa’bu sola bulu domba laki saratu’ sa’bu.

1 OSSORANNA DATU 27:30

Iatu pangulunna mintu’ unta, iamotu Obil, to Ismael; na pangulunna mintu’ keledai birang, iamotu Yehdeya, to Meronot.

2 OSSORANNA DATU 26:10

Sia nabangun dukapa tu ba’tu pira-pira menara lan padang pangallaran sia buda bubun nabo’bok, belanna unnampui buda sapi sia domba na bembe’, la diong Padang Merrantena la dao Padang Rante membuntunna; sia to ma’pa’lakna sia to ma’pa’lak anggoro’na dao lu buntu sia dio lu padang malompo, belanna naporai datu tu lakoan padang.

2 OSSORANNA DATU 32:29

Nabangunni tu ba’tu pira-pira kota ditambakuku sia napopemba’ka’ kalle-kallean tu domba sola bembe’ sia sapi, belanna Nakamasei Puang Matua ianan makamban.

AYUB 1:10

Tang Kamu Kalenaraka tu urrinding pala’i sia banuanna sia mintu’ ianan napoapa tiku lao? Sia Mipamasakke tu bura rangka’na sia kerangngan tongan tu mai barang apanna lan tondok.

AYUB 1:4

Biasa tu mai anakna muane umpogau’ pa’maruasan, sisonda-sonda lan banuanna, sia natambai tu mai anak daranna tallu kumande sia mangiru’ sola.

AYUB 21:28

ammi ma’kada kumua: Umbamira tu banuanna to paa iato? Sia umbamira tu tenda natorroi to tang mekaaluk?

AYUB 29:25

Iake naalai penaangku male untollongi unno’ko’na’ dio to’ inan melo, unnisungna’ susi misa’ datu dio lu to’ to buda, susi misa’ to umpakatana to mario-rio.

AYUB 31:25

iangku parannumo, belanna makambanmo tu iananku sia iatu bura rangka’ku kuposugi’ lallangmo;

AYUB 31:37

Iatu mintu’ tengkaku la kupoissan dio oloNa Puang, la kureke’ tu Puang butung misa’ datu.

AYUB 42:10

Napopembalimi PUANG tu dalle’na Ayub, tonna mangka umpassambayanganni tu sangmanena, Nakamasei PUANG tu Ayub Napopanglokkon tu mintu’ apa mangka naampui dolona.

AYUB 42:12

Napamasakkemi PUANG tu katuoan undinna Ayub losong na iatu dolona; naappa’ pole’ sangpulo a’pa’ sa’bu tu domba sola bembe’; unta annan sa’bunna, sapi sangsa’bu ayokanna, na keledai birang sangsa’bu.

SARAMBU PEADA’ 10:22

Iatu kamasakkean dio mai PUANG mepasugi’, tang narangnganni kaparrukan mengkarang.

YEREMIA 49:28

Inde sia tu diona Kedar sia diona kadatuanna Hazor, tu natalo Nebukadnezar, datu Babel. Nakua kadanNa PUANG: Ke’de’komi ammi male ullaoi Kedar sia sanggangi tu mintu’ suku dio rampe matallo!

KADIBILANGAN 23:7

Naparandukmi tu Bileam umpokadai tu kada peada’na, anna ma’kada nakua: Dio mai Aram, nanii ussolanna’ Balak, datunna Moab, dio mai ma’buntunna rampe matallo, nakua: Malekomi mai, mitampakanna’ ropu tu Yakub, sia malekomi mai ullangdo Israel.

TO PARENGNGE’ 6:3

Iake mangambo’oi tu to Israel, saeomi tu to Midian sia to Amalek sia iatu mai suku dio mai rampe matallo ullaoi.

TO PARENGNGE’ 6:5

Ke’de’mi tu tau iato mai umbaa patuoanna sia tendana, saemo susi batik budanna; tang dikemba’ dibilang la taunna la untana, sae ussanggangi padang,

TO PARENGNGE’ 7:12

Iatu mintu to Midian sia to Amalek sia mintu’ suku dio mai matallo ma’tenda diong lu lombok, lendu’ budanna susito batik, sia iatu untana tang dikemba’ dibilang, iatu budanna susi bang to karangan dio lu biring tasik.

TO PARENGNGE’ 8:10

Attu iato diomo lu Karkor tu Zebah sola Salmuna sisola surodadunna, agi-agi den sangpulo lima sa’bu tau; iamotu mintu’ surodadu torropa dio mai mintu’ suku rampe matallo; na iatu dipateinna den saratu’ duangpulo sa’bu tu to manakkamo untakin pa’dang.

1 SAMUEL 25:2

Denmi dio Maon misa’ tau tu den pallaoanna dio Karmel. Iatu tau iato lendu’ ia sugi’na; unnampui domba tallungsa’bu sia bembe’ sangsa’bu; marassan unggontingi bulu dombana dio Karmel.

1 SAMUEL 27:9

Ianna taloomi Daud to tondok iato, tae’ napatuoi tu muane ba’tu baine sia narampa tu mintu’ domba sia sapi sia keledai sia unta sia tamangkale, anna sule mennolo lako Akhis.