AMOS 9:7 - Sura' Madatu

⁷ Tae’raka mipada to Etiopia lako Kaleku, e to Israel? kadanNa PUANG. Tae’raka kumangkamo ussolanni tu to Israel sun lan mai tondok Mesir sia to Filistin dio mai Kaftor sia to Aram dio mai Kir?

AMOS 9:7 ပူးပေါင်းရင်းမြစ်များ

2 DATU 16:9

Napasituru’mi datu Asyur tu palakuanna Ahas, anna male tu datu Asyur urrarii tu kota Damsyik, nataloi, anna pali’i tu tau lan lako Kir, sia napatei tu Rezin.

2 OSSORANNA DATU 14:12

Napatalomi PUANG tu mintu’ to Kusyi dio tingayona Asa sia to Yehuda, naurungan mallai tu to Kusyi.

2 OSSORANNA DATU 14:9

Ke’de’mi tu Zerah, to Kusyi, ullaoi tu tau iato mai, ussolan surodadunna sangsa’bu sa’bunna na talluratu’ kareta. Rampomi lako Maresa.

KATASSURAN 12:51

Iatonna allo ia bangsiamoto Nasolanni PUANG tu mintu’ to Israel lan mai tondok Mesir unturu’ mintu’ kaponanna.

YESAYA 20:4

Ten dukamoto tu Asyur la nasole’ male tu to Mesir dirampa sia tu to Etiopia diali’, to mangura to matua, tang ma’bayu sia tang ma’sepatu sia kakitanan tu palongko’na, tu napomasiri’na to Mesir.

YESAYA 22:6

Belanna naangkarammo Elam tu tambila, sia sakka’mo Aram tu kareta sia tau sia pakkanarang, sia napatassu’ Kir tu mai balulang.

YESAYA 43:3

Belanna Akumo, PUANG, Kapenombammu, To maserona Israel, Pela’bakmu; Kusorong tu Mesir, Etiopia sola Syeba la dipasondana ulla’bakko.

YEREMIA 13:23

Ma’dinraka tu misa’ to Etiopia ussondai kuli’na, ba’tu arimau buluh umpopembali bongana? Susi dukamoto umba la mikua umpogau’ melo, tu inang biasamokomi umpogau’ kadake?

YEREMIA 47:4

ke saemi tu allo kadisangganganna mintu’ to Filistin sia iake disabu’i tu mintu’ to la untundui Tirus sola Sidon, tu torronapa; belanna PUANG la umpisanni tu to Filistin, iamotu to torropa dio lebukan Kaftor.

HOSEA 12:13

Iatu Yakub mallaimo lako padang Aram, sia iatu Israel dikurinni, la urrampanni kapa’ tu misa’ baine, sia belanna la urrampanni kapa’ tu misa’ baine, anna mangkambi’ domba.

AMOS 1:5

La Kule’to tu salli’na Damsyik sia la Kusabu’i tu pa’tondokan lan mai Bikeat-Awen sia iatu to untoe tekken kapayungan lan mai Bed-Eden, sia iatu pa’tondokanna Aram la dipali’ lako Kir, – kadanNa PUANG.

AMOS 2:10

Sia mangkamokomi Kusolan lan mai tondok Mesir sia Kuanta’komi lan padang pangallaran patangpulo taunna, kumua ammi pomana’i tu tondok to Amori.

PA’TOLE 2:23

Iatu to Kaftor, tu sae dio mai Kaftor, ussanggangmo to Awi, tu ma’kampong sae lako Gaza, anna ma’tondok dio ussondai tu tau iato.