AMOS 9:4 - Sura' Madatu

⁴ Sia iake malei dipali’ tu tau iato mai dio tingayona mintu’ ualinna, manassa la Kusua tu pa’dang inde to dio mai umpatei. Sia Kupatontongi matangKu tu tau iato mai la napokadakena, tangia la napomelona.

AMOS 9:4 ပူးပေါင်းရင်းမြစ်များ

KADADIAN 44:21

Mikuammokanni kumua: solanni sae angku tiroi.

2 OSSORANNA DATU 16:9

Belanna iatu matanNa PUANG ma’penunu tiku lao dao te kuli’na padang, la ungkamaseanni kamatotoran minda-minda tu lantuk penaanna lako Kalena. Kabagan tongan te mipogau’, iamoto randuk totemo tae’mo mila ka’tu dirarii.

PA’PUDIAN 34:17

Apa Natiro sengke tu to umpogau’ kakadakean, la umpa’dei lan mai lino tu kadilamban-bayo-bayoanna tau iato mai.

KATASSURAN 14:24

Iatonna dannarimo Natiromi PUANG lan mai lentong api sia gaun tu surodadu to Mesir, anNa patirambanni tu surodadu to Mesir.

YEREMIA 12:12

Dao lu mintu’ tanete rangke lan lu padang pangallaran narampoimo to ma’kasanggang, belanna nasabu’imo pa’dangNa PUANG tu padang randuk dio mai randan sangbalinna sae lako randan sangbalinna, naurunganni moi misa’ tau tae’ namanaman.

YEREMIA 21:10

Belanna iatu lindoKu Kupatingo lako kota iate tang la napomelo, sangadinna la napokadake, kadanNa PUANG, anna disorong tama limanna datu Babel, tu la ussumpunni api.

YEREMIA 24:6

Sia la Kutiro tu tau iato mai tu la napomelona, sia la Kupasule tama tondok iate, sia la Kubangun tang la Kurondonni sia la Kutanan tang la Kudu’dukki.

YEREMIA 39:12

Alai mukampai meloi, da musussai lenni lako, sangadinna apa tu napokada, paturu’i bangi.

YEREMIA 39:16

Malemoko, pokadai te lako Ebed-Melekh, to Etiopia: Inde sia tu kadanNa PUANGna mintu’ ma’dandan maritik, Kapenombanna to Israel: Manassa la Kupopembuamo tu mintu’ kadangKu lako kota iate tu la napokadakena, tangia la napomelona sia allo iate la mutiro.

YEREMIA 44:11

Iamoto, kadanNa PUANGna mintu’ ma’dandan maritik, Kapenombanna to Israel: Tonganna la Kupatingoikomi lindoKu, la umparampoikomi tu kadakena, iamoto angKu pisanni tu mintu’ to Yehuda.

YEHEZKIEL 5:12

Sangtaa tallummi la mate nabaa ra’ba biang sia la narabunni karorian dio lu tangngami; na sangtaa tallummi la songka nakande pa’dang; na sangtaa tallummi pole’o la Kuambo’ lako mintu’ matanna angin sia la Kunonok tu pa’dang dio boko’na tau iato mai.

YEHEZKIEL 5:2

Sangtaa tallunna la muballa api lan tangnga kota, ke purami tu allo kadipatama-limbuanna, iatu taa tallunna la muala, ammu patorroi mumane unta’tak-ta’takki pa’dang tiku lao; na iatu sangtaa tallunna la muambo’ napettiaranni angin, belanna la Kunonok tu pa’dang dio boko’na tau iato mai.

SURA’ KATOMINAAN 17:10

Minda-mindai tu to Israel sia iatu to sae tu nasisolan torro, ke ungkandei rara sala umbanna – manassa la Kupapatui lindoKu la ullaoi tu to mangkamo ungkande rara iato, angKu sabu’i dio mai bangsana.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

AMOS 9:8

Tonganna iatu matanna Puangta PUANG unneai te kadatuan kasalan iate, kumua angKu pisanni dao mai kuli’na padang. Moi nasusito, tae’ duka Kula ussanggangi nasangi tu bati’na Yakub, kadanna PUANG.

ZAKHARIA 8:10

Belanna dolo dio mai attu iato tae’ naappa’ saro ra’ta’na tu tau, tang me’duk tu patuoanna; tae’ kamanamananna to male sia to sae napobua’ uali; ondong pissan Kuroso tu mintu’ tolino nasipakka.