AMOS 9:1 - Sura' Madatu

¹ Kutiromi tu Puang bendan sikandappi’ inan pemalaran, anNa ma’kada, Nakua: Pa’tongi tu parande lentong, naurungan tigoyang tu ampang, sia tessei anna ruai tu ulunna mintu’ tau iato mai; na minda-minda tu torronapa la Kupatei pa’dang. Moi misa’i tu tau iato mai tae’ nala lussu’, sia moi misa’i tu tau iato mai tae’ nala tilendok.

AMOS 9:1 ပူးပေါင်းရင်းမြစ်များ

2 OSSORANNA DATU 18:18

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

PA’PUDIAN 68:21

Iatu Kapenomban, tu kitanna Iamo Puang, tu Kapenomban mekamasei kamakarimmanan, sia iatu PUANG, Puangta urrampanangki’ dio mai kamatean.

PA’PUDIAN 68:22

Ondongpi, la Nabissa’ Puang Matua tu passaronganna mintu’ ualinna, sia kararo ulu kebeluakna to tonang lan kakadakeanna.

YESAYA 30:16

Sangadinna mikua: Tangia, apa tete dio makkanarang angki la matira’; iamo tola mallai dukakomi; mikua: La ussakeikan darang malinta’; iamoto namintu’ tu to unnula’komi la malinta’ duka.

YESAYA 6:1

Iatonna taun namatean datu Uzia, payanmi lako kaleku tu Puang unnisung dao isungan kapayungan masuanggana sia mala’bi’, na iatu Banua Kabusungan nasitutu’i rombe-rombe bayunNa.

YEREMIA 11:11

Iamoto, nakua kadanNa PUANG: Manassa la Kuparampoi kasanggangan tu tau iato mai, natae’ nama’din tu tau iato mai lessu’ dio mai; iake meongli’i tu tau iato mai lako Kaleku, tae’ angKu la umperangii.

YEREMIA 42:16

manassa iatu pa’dang mikataku’, la nalambi’komi sia karorian tu mikataku’, la unnula’komi sia la mate dukakomi dio Mesir.

YEREMIA 48:44

Minda-minda lussu’ dio mai ma’patirambanna, iamo la tobang rokko patuang, sia minda-minda tu ma’din kendek diongmai patuang, iamo la naala poya, belanna Aku te la umparampoi lako kalena, iamotu lako Moab tu taun kadiukunganna, kadanNa PUANG.

YEHEZKIEL 1:28

Susito tindak sarira ditiro, tu paan lan gaun, ke palauranni, susito tu rupanna tu arrang untikui tu api. Susimoto tu rupa dinii umpa’peomboran kamala’biranNa PUANG. Iatongku tiromi to, lumbangmo’ rokko padang, angku rangii misa’ gamara Ma’kada.

YEHEZKIEL 10:4

Kendekmi tu kamala’biranNa PUANG dao mai karubion iato, anna male lako to’ ampang Banua Kabusungan, na iatu tarampak nasitutu’i arrang kamala’biranNa PUANG.

YEHEZKIEL 15:7

La Kupatampa’i lindoKu tu tau iato mai la unnukungi; moi anna tassu’ lan mai to’ api misa’, manassa la nakandeo api misa’. Ammi tandai, kumua Akumo tu PUANG, ke Kupatampa’i lindoKu tu tau iato mai la unnukungi.

YEHEZKIEL 9:2

Tiromi, saemo tu annan muane lu dio mai babangan daona lu, tu ma’palurekkena, pada sitangke pa’buno pasaburanna, naden dio lu tu misa’ muane ma’bayu lamba’ lenang, usselle’ suke passurasan dio aakna; mengkareke’mi tu tau iato mai, anna male bendan lako sa’de inan pemalaran tambaga.

AMOS 3:14

Tonganna iangKu ukungi tu Israel belanna kapatodo-tintinganna, manassa la Kuparampoi duka kasanggangan tu mai inan pemalaran Betel, naurungan dita’takki tu tanduk inan pemalaran, anna tipessambak rokko padang.

AMOS 7:17

Iamoto inde sia tu kadanNa PUANG Nakua: Iatu bainemu la pasandak salu lako rampanan kapa’ lan lu kota, iatu anakmu muane sia anakmu baine la songka nakande pa’dang, sia iatu pa’lakmu la ditaa-taa ulang pesuka’, na iko kalena la mate dio to’ padang tang masero, sia iatu to Israel manassa la male dipali’ lan mai tondokna.

AMOS 7:9

Sangadinna iatu inan madaona Ishak la disanggangi sia iatu mai inan maindanna Israel la diro’pok, sia la ke’de’Na’ unnukungi tu bati’na Yerobeam la umparampoi pa’dang.

HABAKUK 3:13

Tassu’moKomi amMi rampananni tu taumMi, amMi rampananni tu to mangka Mitokko. Miro’pok dao mai tu bubungan banuanna to tang mekaaluk, sia Mitesse tu parandangan banuanna sae lako batu ringki’ diongna lu.

ZEFANYA 1:12

La dadi attu iato, kumua la Kubia’i Kuparessa tu Yerusalem; la Kuukung tu mintu’ muane malompona tu mari’pi bang unniru’ anggoro ponno tainna, sia iatu ma’tangnga’ lan penaanna, nakua: Iatu PUANG tae’ Napogau’ melo sia tae’ Napogau’ kadake.

ZEFANYA 2:14

Inde to dio la nanii torro tu olo’-olo’ sikapan, iamotu mintu’ olo’-olo’, tu biasa torro ma’rampun; la mundan la kayo la membuya dao parande lentongna; perangii umba nakua tu ongngo’na ullendu’i pentiroan; iatu ampangna nalolinni apa tuan, belanna nasanggangi tau tu pareanna kayu arasi’.

YOHANES 1:18

Iatu Puang Matua moi misa’ duka tau tae’pa untiroi; anNa Anak misa, tu diong bantananNa Ambe’, Ia umpa’pepayananNi.

YOHANES 1:32

Nakatottongimi Yohanes nakua: Kukitamo tu PenaanNa Puang Matua songlo’ dao mai langi’ susi bu’ku’, unta’pai.

PENGGAURANNA RASULU’ 26:13

pakalan tonna ma’tangngamo allo, puang, kukitami dio lalan iato tu arrang dao mai langi’, ondong ia parrangna anna allo, pandala-dala untikuina’ sola tu mintu’ to kusolan lumingka.

YOSUA 10:18

Ma’kadami tu Yosua, nakua: Lolinni tu batu kapua lako to’ baba lo’ko’ sia suai tu tau dio babana ungkampai.

KADA OMBO’ LAKO RASULU’ YOHANES 1:17

Iatongku tiromi, songkamo’ rokko to’ lentekNa susito mate. Naremme’mo’ lima kananNa, nama’kada Nakua: Da mumataku’. Akumo tu pamulanna sia ma’katampakanna,

KADA OMBO’ LAKO RASULU’ YOHANES 8:3

Saemi misa’ malaeka’ senga’ nabendan dio sa’de inan pemalaran, untoe puaro bulaan, dibenmi buda kemenian lako, kumua napennoloanni sola pangandona mintu’ to masallo’ dao inan pemalaran bulaan dio olo isungan kapayungan iato.