AMOS 8:8 - Sura' Madatu

⁸ Tang bannang dionaraka mintu’na te, anna tiseno te lino, naurunganni ma’pote dibolong tu mintu’ tau untorroi? Tang kendek nasangraka susi Nil sia tise’go’, sia mere sule susi salu Mesir?

AMOS 8:8 ပူးပေါင်းရင်းမြစ်များ

PA’PUDIAN 18:7

Iatongku lan kamatakuran meongli’na’ langngan PUANG, sia mengkamoyana’ lako Kapenombangku. Narangimo tu gamarangku lan banua kabusunganNa, sia rampomo tama talinganNa tu pengkamoyaku.

YESAYA 5:25

Iamoto anna re’dek tu ara’Na PUANG lako taunNa sia Nae’teran lima tu tau iato mai anNa pata’pai, naurunganni tiseno-seno tu mai buntu, na iatu mai batang rabukna tau iato mai butung rumpang situlambenan lako lalan. Moi anna susito iate mintu’na, tae’ anna poradanni kasengkeanNa Puang, sangadinna tontong bangpa tie’te’ tu limanNa.

YEREMIA 12:4

Sangapapira tang la katuoan tu padang sia malayu tu mintu’ tananan dio lu padang? Tete dio kakadakeanna mintu’ to untorroi, anna male nasang tu olo’-olo’ sia manuk-manuk, belanna nakua tau iato mai: Tae’ sia natiroi tu ma’katampakanta.

YEREMIA 46:7

Mindara ia tu saba’ susi salu Nil sia mongngo’ susi salu darra’?

YEREMIA 46:8

Iatu to Mesir saba’mo susi salu Nil sia mongngo’ susi salu darra’, nakua: la ke’de’mo ussitutu’i te lino sia la kusanggang tu mintu’ tondok sia to umpa’tondokki.

YEREMIA 51:29

Attu iato iatu lino ma’parondo sia ma’paganggang, belanna Napalanda’mo PUANG tu tanan penaanNa la ussanggang Babel sia la umpopempadang lo’bangi tu tondok Babel, na moi misa’ tau tae’mo torro lan.

DANIEL 9:26

Sia iake lendu’mi annan pulona ndua minggunna la diputtai tu misa’ to ditokko, moi tae’ apa naposala; sia iatu taunna misa’ arung, tu la sae, la ussanggang kota sia inan maindan, apa ma’katampakanna la nasamboi uai saba’; sia sae lako ma’katampakanna la den kasirarian, iamotu kasanggangan, tu mangka dipamanassa.

HOSEA 10:5

Belanna anak sapi dio Bet-Awen anna selang tu to umpa’tondokki Samaria; ondongpi iatu to buda mario-rio tu diona to, sia silallakan to minaa umpengkaolai rapang-rapang dipodeata, belanna sisayurammo kamala’biranna.

HOSEA 4:3

Iamoto anna makarorrong tu tondok sia mintu’ apa lan silayuan sia sipa’du’dunan, la mintu’ olo’-olo’ dio lu padang, la manuk-manuk dao lu langi’; ondongpi ia duka tu bale lan lu tasik siaangan mate.

AMOS 8:10

Attu iato la Kupopembali passanda bolong tu mintu’ pa’gaurammi sia la Kupopembali bating tu mintu’ naniammi. Attu iato la Kupatambeke’i nasangkomi sanda bolong sia la Kupopa’galettung tu mintu’ ulu. Iatu kapassanda-bolongan la Kupabutung sanda-bolong diona anak tungga’ sia iatu ma’katampakanna la susi allo nanii kamaparrisan.

AMOS 9:5

Tonganna tu Puang, iamo PUANGna mintu’ ma’dandan maritik, tu ungkaka’ kuli’na padang, anna tigega’, naurunganni iatu mintu’ tau untorroi sumarro-marro, sia kendek susi Nil sia mere sule susi salu Mesir,

NAHUM 1:8

Apa tete dio uai saba’ Nasabu’i Puang tu inanna, sia Naula’i tu ualinNa tama kapittukan.

MATIUS 24:30

Namangkato la payan tu tandaNa Anak rampan dilino dao langi’; anna mintu’na bangsa lan lino la umbating, anna kitaI tu Anak rampan dilino sae dao gaun dao mai langi’ umpake kamatotoran sia kamala’biran kapua.