AMOS 8:3 - Sura' Madatu

³ Allo iato iatu mintu’ nanian lan Banua Kabusungan la membali kasumarroan, kadanNa Puangta PUANG. La makamban tu batang rabuk. Umba-umba nii Puang tu umpasilentenanni. Kappakomi.

AMOS 8:3 ပူးပေါင်းရင်းမြစ်များ

PA’PUDIAN 39:9

Rampananna’ dio mai mintu’ salaku, sia da Mipatulangdanna’ napotombonan dollok to baga.

YESAYA 37:36

Attu iato tassu’mi tu Malaeka’Na PUANG, Napateimi tu surodadunna to Asyur saratu’ karua pulona llima sa’bunna. Iatonna millik tu tau melambi’, natiroi tu mintu’nato, batang rabuk mannamo.

YEREMIA 22:18

Iamoto nakua kadanNa PUANG tu diona Yoyakim, anakna Yosia, datu Yehuda: Tae’ nala umbatingi tau susite: Oo dikka’ siulu’ku muane! ba’tu: Oo dikka’ siulu’ku baine!; sia tae’ duka nala umbatingi tau susite: Oo dikka’ puang! ba’tu: Oo dikka’ to kabarre-alloan!

BATING 2:10

Mintu’ to matua-tuanna anak dara Sion ma’pakappa unno’ko’ diong padang; sia nabubu’i barra’-barra’ tu ulunna, sia ma’pote dibolong. Natukku rokko padang tu mintu’ anak dara Yerusalem.

YOËL 1:11

Bangngo ara’na tu mintu’ to lako padang sia sumarro tu mintu’ to ma’palak anggoro’ diona gandung sia dalle sisikan, belanna iatu bura padang tallanmo.

YOËL 1:13

Ma’tambeke’komi sia unnurrukkomi, e kamu mintu’ to minaa; sumarrokomi e mintu’ to untoe pentoean dio inan pemalaran; maikomi ammi ma’bongi ma’pote dibolong, e kamu to untoe pentoeanna Kapenombangku, belanna iatu kande dipemalaran sia pemala’ pantedok dipatoyang dio mai banuanNa Kapenombammi.

YOËL 1:5

Pana’dingkomi, e to pa’malangoan ammi tumangi’, sia sumarrokomi, e pangiru’ uai anggoro’ diona uai anggoro’ ba’ru, belanna disintakkimo dio mai pudukmi.

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

AMOS 4:10

Kuparampoimokomi tu ropu, susi dio Mesir. Kupateimo pa’dang tu mintu’ to mangurammi, anna dirampa tu darangmi. Sia Kupasongngonnimo bubosi tu illongmi lan mai to’ tendami. Moi susito, tae’ duka mimengkatoba’ lako Kaleku, kadanNa PUANG.

AMOS 5:16

Iamoto, inde sia tu kadanNa PUANG, Kapenombanna mintu’ ma’dandan maritik, iamotu Puang, nakua: Dio lu mintu’ tana lapang nanii tau umbating, sia dio lu mintu’ batatta ma’kada tu tau nakua: A’a, a’a! Natambai tau tu to ma’pa’lak anna ma’pote dibolong sia nakua lako to manarang umbating: la unnurruk-urrukkomi.

AMOS 5:23

Patoyangi dio mai Kaleku tu arrak naniammu, tae’ Kuporai urrangii tu oni dandimmu.

AMOS 6:4

E kamu, tu matindo dao inan katindoan gading, sia melundan-lundan dao bale-balemi, sia ungkande anak domba dio mai tuntunan domba sia anak sapi lan mai lantang sapi.

AMOS 6:5

Tu unnarrak-arrak unturu’ oni dandi sia ma’tangnga’-tangnga’ unggaragai oni-onian, susi Daud.

AMOS 6:8

Iatu Puangta PUANG mangkamo umposumpa Kalena, KadanNa PUANG, Kapenombanna mintu’ ma’dandan maritik, Nakua: Kukagallimo tu kamatampoanna Yakub sia Kukabiri’mo tu tongkonan layukna; ondongpi la Kusa’biangan tu kota iato sola mintu’ apa lan.

AMOS 8:10

Attu iato la Kupopembali passanda bolong tu mintu’ pa’gaurammi sia la Kupopembali bating tu mintu’ naniammi. Attu iato la Kupatambeke’i nasangkomi sanda bolong sia la Kupopa’galettung tu mintu’ ulu. Iatu kapassanda-bolongan la Kupabutung sanda-bolong diona anak tungga’ sia iatu ma’katampakanna la susi allo nanii kamaparrisan.

NAHUM 3:3

Na iatu darang metteba’, sia mintu’ tu pa’dang pandila-dila sia mintu’ doke dukku-dukku; lendu’ budanna tau dipatei sia buda tu to mate, sia tae’ upu’na tu batang rabuk, anna potitodoanni tau iato mai.

ZEFANYA 1:7

Pakappako kalemu dio oloNa Puangta PUANG, belanna mareke’mo tu alloNa PUANG; belanna Napasakka’mo PUANG tu misa’ pemala’ sia Napamarimbangammo tu mintu’ to Natambai.