AMOS 8:2 - Sura' Madatu

² Ma’kadami tu Puang, Nakua: Apara mutiro, e Amos? Mebalimo’, kukua: Den misa’ baka ponno bua matasak. Ma’kadami tu PUANG lako kaleku, Nakua: Nalambi’mo tu ma’katampakanna Israel, taungKu, Tae’mo Kula ullendu’i lenni.

AMOS 8:2 ပူးပေါင်းရင်းမြစ်များ

KADADIAN 6:13

Iamoto anNa ma’kada tu Puang Matua lako Nuh kumua: Nalambi’mo tu ma’katampakanna mintu’ tolino situru’ pangra’ta’Ku, belanna ia te lino naponnoimo kamasa’garan. Tonganna la Kusabu’i tu tau iato mai sola te lino!

YESAYA 28:4

Na iatu bunga-bunga malayu, napobelo maramba’ dao ulunna lombok malompo masapi, la susi bua ara matasak dolo, ke tae’pi anna attu pebua-kayuan; natirona sia tau, ta’pa naala anna sussu’i.

YEREMIA 40:10

Na iatu aku, manassa la torrona’ dio Mizpa, susito maraa dio tingayona to Kasdim, tu sae lako kaleta; apa iate kamu, mebua anggoro’komi sia mebua-buakomi sia urrampunkomi minna’ sia patamai pa’paniammi, ammi torro lan lu mintu’ kotami, tu la minii tontong torro.

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

BATING 4:18

Attu iato nabasamiki’ matanna tau iato mai, ke mentengkaoki’, naurungan tae’mo tama’din umpolalan rante malona’ta; upu’mo allota sia sumpumo sumandakta, manassa, upu’mo allota!

YEHEZKIEL 12:23

Iamoto ma’kadako lako tau iato mai: Inde sia tu kadanNa Puangta PUANG Nakua: La Kutappui tu pa’parunde iate sia tae’mo nala umpoparundei tau lan Israel, sangadinna ma’kadako lako tau iato mai kumua: Mandappi’mo tu attunna sia iatu kadipalandaranna mintu’ patiro mendeata!

YEHEZKIEL 29:8

Iamoto, inde sia tu kadanNa Puangta PUANG, manassa la Kupata’paiko misa’ pa’dang, angKu sabu’i tu mintu’ tau sia olo’-olo’ dio mai kalemu,

YEHEZKIEL 3:10

Ma’kadami lako kaleku Nakua: E ma’rupa tau, iatu mintu’ kada tu la Kupokadangko, la mupariba’tang tongan sia la mupalanda’ tongan tama pa’perangimmu.

YEHEZKIEL 3:7

Apa tae’ namorai umperangiiko to Israel, belanna tae’ namorai umperangiiNa’ belanna mintu’ to Israel makarra’ nasang batu kidena sia ma’penaa battuk.

YEHEZKIEL 7:6

Rampomo tu katampakanna; iatu katampakanna rampomo! Malimbangummo la urrampoiko. Tiromi, rampomo!

YEHEZKIEL 8:12

Ma’kadami lako kaleku Nakua: E ma’rupa tau, mutiromoraka tu apa napogau’ mintu’ pekaamberan to Israel lan kalillinanna pantan lan lu bilikna, nanii patta? Belanna nakua lan penaanna: Tae’ Natiroki’ PUANG. Natampemo PUANG tu tondok iate.

YEHEZKIEL 8:17

Ma’kadami lako kaleku Nakua: Mutiromoraka to, e ma’rupa tau? Tae’paraka nasilasa tu penggauran megallian napogau’ to Yehuda, tu napogau’ indete, naurungan dukai tu tau iato mai umponnoi kamasa’garan tu tondok iato sia nenne’ umpa’dikki penaangKu? Tiromi, iatu tau iato mai untoe tangke anggoro’ sikandappi’ illongna.

YEHEZKIEL 8:6

Ma’kadami lako kaleku Nakua: E ma’rupa tau, mutiroraka tu apa napogau’ tau iato mai, iamotu mintu’ apa tarru’ megallian, tu napogau’ to Israel inde te, Kuurunganni umparukui torro mambela dio mai inan maindanKu? Apa la mutiropa tu ba’tu pira-pira apa tarru’ megallian.

HOSEA 9:7

Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.

AMOS 7:8

Attu iato ma’kadami tu PUANG lako kaleku Nakua: Apara mutiro, e Amos? Ma’kadamo’ kukua: Misa’ batu petimbang. Ma’kadami tu Puang Nakua: La Kupalako taungKu, to Israel, tu batu petimbang; tae’mo Kula ullendu’i lenni.

AMOS 8:1

Susite tu apa napatiroanna’ Puangta PUANG: Tiroi, den misa’ baka ponno bua matasak.

MIKHA 7:1

Upu’ alloku, belanna iatu a’gangku susi ke attu pangalan bua, sia susi ke attu ungkatote bua anggoro’; moi sanglise’ bua anggoro’ tae’mo la dikande, ba’tu moi sanglise’ bua ara tae’ dukamo, tu kukaduangi.

ZAKHARIA 5:2

Mekutanami lako kaleku nakua: Apara tu mutiro? Mebalimo’ kukua: Untirona’ misa’ sura’ tilulun mettia’, tu duangpulo siku landona na sangpulo siku babana.