AMOS 7:16 - Sura' Madatu

¹⁶ Iamoto, perangii tu kadanNa PUANG. Ma’kadako mukua: Da muma’nubua’ diona ukungan diparampo lako Israel sia da mupalolong kada diona ukunganna bati’na Ishak.

AMOS 7:16 ပူးပေါင်းရင်းမြစ်များ

1 DATU 13:1

Pakalan saemi misa’ taunNa Puang Matua tete dio kadanNa PUANG dio mai Yehuda lako Betel, tonna marassan bendan tu Yerobeam dio olo inan pemalaran la untunu pemala’.

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

2 DATU 14:24

Napogau’mi tu apa kadake dio pentiroNa PUANG, sia tae’ naboko’i tu mintu’ kasalan napa’pesuan Yerobeam, anakna Nebat, lako to Israel umpogau’i.

YESAYA 30:10

Nakua lako mintu’ to pakita-kita: Da mipakita; sia lako mintu’ to patanda-tandan: Da mipatandangkanni tu tonganna, pokadangkanni tu apa kiporai sia pakitangkanni tu apa unnaran-narankan.

YEHEZKIEL 13:2

E ma’rupa tau, ma’nubua’ko unneai tu mai nabi to Israel, tu ma’nubua’ ammu ma’kada lako to ma’nubua’ unturu’ tanan penaanna, kumua: Perangii tu kadanNa PUANG.

YEHEZKIEL 16:35

Iamoto, e bualang, tananni talinga tu kadanNa PUANG.

YEHEZKIEL 20:46

E ma’rupa tau, mentingo lu sau’ko, palolongko kadammu sau’ lili’ Lo’na lu sia ma’nubua’ko unnea mempangala’na, iamotu padang Lo’na lu.

YEHEZKIEL 21:2

E ma’rupa tau, mentingoko lako Yerusalem, palolongko kadammu ullaoi mintu’ inan maindan sia ma’nubua’ko ullaoi tondok to Israel,

AMOS 2:12

Apa mipairu’mo uai anggoro’ tu mai nasiri sia mipokadan tu mai nabi, kumua da mima’nubua’.

AMOS 7:13

Apa dio Betel da’mo muma’nubua’, belanna iate inan iate inan maindanna kadatuan sia inan kemenombanna tondok.

MIKHA 2:6

Da mima’nubua’, nakua tau iato mai ma’nubua’ ungkuanni: tae’ nama’din tau ma’nubua’ diona apa iato. Tae’ bang upu’na tu kada ma’ta’tan.

PA’TOLE 32:2

Iatu pangadarangku la to’do ten to uran, iatu kadangku to’do-to’do susito ambun, susi uran kamban unta’pai riu maluna, sia susito uran bara’ unta’pai mennutanna,

1 SAMUEL 15:16

Nakuami Samuel lako Saul: Kappakomi, angku pokadangkomi tu kadanNa PUANG, tu rampo lako kaleku sangmai’ bongi. Mebalimi Saul lako, nakua: Pokadami.