AMOS 7:12 - Sura' Madatu

¹² Undinnato ma’kadami tu Amazia lako Amos nakua: E to patanda-tandan! mallaiko madoi’ lako tondok Yehuda; inde to dio la munii ungkande roti sia ma’nubua’.

AMOS 7:12 ပူးပေါင်းရင်းမြစ်များ

2 OSSORANNA DATU 16:10

Re’dekmi ara’na tu Asa lako te to patanda-tandan, anna patamai pa’tarungkuan, belanna tarru’ sengke lako Hanani diona tu iannato. Sia ba’tu pira-pirapa tu pa’tondokan napa’dikki Asa attu iato.

YESAYA 30:10

Nakua lako mintu’ to pakita-kita: Da mipakita; sia lako mintu’ to patanda-tandan: Da mipatandangkanni tu tonganna, pokadangkanni tu apa kiporai sia pakitangkanni tu apa unnaran-narankan.

YESAYA 56:11

Sia asu iate soko, tae’ natandai dia’; iatu tau iato mai iamoto mangkambi’ tang makaritutu, pada unturu’ kalena lalanna, pada umparinaa kalena sarona, tae’ misa’i dipasalian rinding.

YEHEZKIEL 13:19

MipamatunaNa’ dio tingayona taungKu kumua ammi appa’ dalle sisikan ba’tu pirang-pirang raku’ sia ba’tu pirang-pirang sasa’ roti, la ungka’tu sunga’na tau, tu tae’ nasipatu la mate sia la ungkarimmanni sunga’na tau, tu tae’ nasipatu la tuo, belanna mimo’rangi tu taungKu, tu morai umperangii mo’rang.

AMOS 2:12

Apa mipairu’mo uai anggoro’ tu mai nasiri sia mipokadan tu mai nabi, kumua da mima’nubua’.

AMOS 7:11

Belanna susite tu kadanna Amos nakua: Iatu Yerobeam la mate nakande pa’dang sia iatu to Israel manassa la male dipali’ lan mai tondok –

MALEAKHI 1:10

Melo ke den misa’ tau dio kalemi, tu untutu’ ba’ba, kumua da mipadukku punala bang api dao inan pemalarangKu! Tae’ nakalo’komi penaangKu, kadanNa PUANGna mintu’ ma’dandan maritik, sia tae’ Kuporai tu pemala’ natangke limammi.

MATIUS 8:34

Sangsunammi tu mintu’ pa’tondokan umpellambi’i Yesu; iatonna tiromi, mengkamoya-moyami lako kumua anNa soro’ lan mai lili’na tondokna.

LUKAS 13:31

Iatonna allo iato saemi ba’tu pira to Farisi umpellambi’i Yesu, nakua: Ke’de’moKomi, mallaimoKomi indete, belanna la morai Herodes umpateiKomi.

PENGGAURANNA RASULU’ 16:39

Saemi unnaran-naranni sola duai; anna solanni lako salian napalakui kumua anna soro’ lan mai tondok iato.

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.

1 KORINTUS 2:14

Apa iatu to umbudanan mentolinona tae’ natarimai tu apa lu dio mai PenaanNa Puang Matua, belanna iatu apa iato nasanga pa’popetaa lako kalena, sia tae’ nabelai untandai, belanna apa iato la ditimbang dio a’gan mempenaa.

1 PETRUS 5:2

kambi’i tu mintu’ dombaNa Puang Matua tu mitage’na, da anna susito diparuku sangadinna la sanning penaa situru’ pa’poraianNa Puang Matua; sia da anna butung la morai mesaro bu’tu kadake, sangadinna naturu’ penaa kalebu;

1 SAMUEL 2:36

La dadi undinna kumua minda-minda tu torronapa lan banuammu, la sae anna tukku menomba lako kalena umpalaku doi’ sangbatu salaka ba’tu roti sangbatu, anna ma’kada nakua: Popengkarangna’ dikka’ lan misa’ pengkarangan katominaan, angku ma’din ungkande roti sangsuakan.

1 SAMUEL 9:9

Iatonna dolo-dolona dadi ada’mo dio lu to Israel, ke laoi tau ungkutanai Puang Matua, nakuami: Talao lako to patanda-tandan, belanna iatu to disanga nabi totemo, disanga to patanda-tandan dolo-dolona.