AMOS 6:4 - Sura' Madatu

⁴ E kamu, tu matindo dao inan katindoan gading, sia melundan-lundan dao bale-balemi, sia ungkande anak domba dio mai tuntunan domba sia anak sapi lan mai lantang sapi.

AMOS 6:4 ပူးပေါင်းရင်းမြစ်များ

KADADIAN 37:25

Mangkato nno’ko’mi sola nasangi la ungkande roti. Nabangunammi tu matanna anna tiroi, tu to ma’patteke’ unta, to Ismael lu dio mai Gilead sibaa untana napatteke’i lite sia pebangki’ sia kamanian, la ma’palulako Mesir.

ESTER 1:6

Kulambu lenang, wol sia sampin lango-lango dipori ulang lenang sia sampin lango-lango makaseda, tu dipale’ke’ dio kapukan salaka, tu dio lentong marmar mabusa; na ba’tu pira-pira inan mamma’ bulaan sia salaka dipatorro diong sali marmar maido sia marmar mabusa, sia batu mattiarra sia batu sanda rupanna.

PA’PUDIAN 73:7

Lombon tu matanna napobua’ lompona, sia tarru’ ponno tangnga’ matampo tu penaanna.

YESAYA 22:13

Apa tiromi, tontong bang tu kasende-sendean sia kamaruasan, untunu sapi sia urrere’ domba, ammi ungkande duku’ sia unniru’ anggoro’, mikua: Maikomi anta kumande sia mangiru’, belanna masiang matemiki’.

YESAYA 28:1

Upu’ allona tu makota matampona to malangona Efraim sia bunga-bunga malayu, napobelo maramba’ dao ulunna lombok malompo masapi, tu natongkonni to natumang uai anggoro’.

YEREMIA 16:8

Sia da mutama banua pa’maruasan la unno’ko’ kumande sia mangiru’ sola tu tau iato mai.

YEHEZKIEL 16:49

Inde sia tu kakadakeanna Sodom, sangbainemu, iamotu tuo sola anakna baine situang kamatampoan, kasebaran sia kamanamanan, anna masalio bang, apa tae’ anna tundui lenni tu mai to mandasa sia to mase-mase.

YEHEZKIEL 23:41

Sia unno’ko’ko dio inan mamma’ ballo, sia sakka’mo tu meda dio tingayo inan mamma’ iato, tu munii umpatorro dupaKu sia minna’Ku dao.

AMOS 3:12

Inde sia tu kadanNa PUANG Nakua: Susi ke misa’ to manglaa unnalai da’dua buku bi’ti’ ba’tu sangira’ talinga lan mai sadang singa, susi dukato tu to Israel la dirampanan, iamotu to torro dio Samaria, tu unno’ko dao tetuk inan katindoan sia dao sambo malamma’na bale-bale.

AMOS 8:3

Allo iato iatu mintu’ nanian lan Banua Kabusungan la membali kasumarroan, kadanNa Puangta PUANG. La makamban tu batang rabuk. Umba-umba nii Puang tu umpasilentenanni. Kappakomi.

MIKHA 6:12

Iatu mai to sugi’na untambuk kamasa’garan sia iatu pa’tondokanna ma’kada tang tongan sia iatu lilana lan sadangna nanii pa’pakena.

LUKAS 16:19

Den misa’ to sugi’ ma’pakean melo ma’sambu’ lango-lango sia sampin ballo, ma’marua’-rua’ bang kiallo-kiallo sia manaman bang katuoanna.

YAKOBUS 5:5

Mangkamokomi tuo ma’pemammi’ lan te lino, sia masua’ kumande; umpelompoi bangpokomi kalemi, naallo pa’reresammo.