AMOS 5:7 - Sura' Madatu

⁷ O! tu to umpopembali apsantin tu kamalamburan sia umpentibean kamaloloan rokko padang.

AMOS 5:7 ပူးပေါင်းရင်းမြစ်များ

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

PA’PUDIAN 36:3

Belanna naa’panmo ia kasalan tu penaanna, diona kaungkanassan, kumua sipatu la dikabiri’ tu kakadakeanna.

SARAMBU PEADA’ 21:7

Iatu penggauran masa’ga’na to tang mekaaluk urriu’ bangi male, belanna manokamo tu tau iato umpogau’ tonganna.

YESAYA 1:23

Iatu tedong pariu’mu pabali-balimo sia sibaa to bokomo; pantan ungkaduangi pamengan sia unnanga’ pappe’, tae’ anna pasipatui patunna tu pia biung sia tae’ naperangii kara-karana baine balu.

YESAYA 10:1

Upu’ allona tu mintu’ to umpatassu’ parenta tang malambu’ sia to massura’ tu umpalao pesua matana’,

YESAYA 46:12

PerangiiNa’, e to matampo penaanna, to toyang dio mai kamaloloan.

YESAYA 5:20

Upu’ allona tu to unggente’i melo tu kadake sia kadake nagente’ melo; malillin nasanga masiang na masiang nasanga malillin; sia mapai’ nasanga matanik na matanik nasanga mapai’.

YESAYA 5:7

Iatu pa’lak anggoro’Na PUANGna mintu’ ma’dandan maritik iamotu bati’na Israel na iatu mintu’ to Yehuda iamo misa’ tananan Naposende; untayan parenta malambu’, apa to’doan raraora; umpeagi kamalamburan, apa kamarukkanora narampoi.

YEHEZKIEL 18:24

Apa ianna balik dio mai gau’ malambu’na tu to malambu’, anna umpogau’ tang malambu’ unturu mintu’ apa megallian, tu napogau’ to tang mekaaluk – la tuoraka? Moi misa’ tu mintu’ apa malambu’ mangka napogau’ tae’mo nala dibilang. Belanna diona katangmarurusan tu mangka napalalo sia diona kasalan mangka napogau’, iamoto nala mate.

YEHEZKIEL 3:20

Sia iake denni to malambu’ tibalik dio mai kamalamburanna naumpogau’ kelokna, angKu padenanni tu misa’ katitodoan, la mate; belanna tae’ mupakilalai, la mate tu tau iato lan kasalanna, sia iatu mai penggauran melo napogau’, tae’mo anna dipaalai bilangan, apa iatu rarana Kupa’tuntunniko.

YEHEZKIEL 33:18

Iake memboko’mi tu to malambu’ dio mai gau’ malambu’na, ianna pogau’ tang malambu’, manassa la napomate tu iannato.

HOSEA 10:4

Tau iato mai ma’kada tang kebattuan: umpalao sumpa tang tongan sia untanan punala basse. Sia la bu’tu tu ukungan susi lelating tuo lan lu gorri’ pa’lak.

AMOS 2:3

sia la Kusabu’i tu to ma’parentana lan mai sia la Kupatei tu mintu’ arungna sola to ma’parentana, – kadanNa PUANG.

AMOS 3:10

Ondongpi tae’ naissanni umpogau’ malambu’na, kadanNa PUANG, iamo tu to umpasipapa’ pa’pandasa sia pa’pakario-rio lan mintu’ bentengna.

AMOS 6:12

Ma’dinraka tu mai darang ma’dondo dao lu buntu batu ba’tu ma’dinraka tu tasik natengko tau sapi? Apa kamu umpopembali rasunni tu salunna sia umpopembali apsantinni tu kamalamburan?

MIKHA 3:9

Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

HABAKUK 1:4

Iamoto natangkan kepatu tu Sukaran aluk sia tae’mo napayan len tu salunna, belanna iatu to tang mekaaluk untikui to malambu’, iamoto napayan tibalik sule tu salunna.

ZEFANYA 1:6

sia mintu’ tau iato mai, tu umboko’i PUANG sia tae’ nadaka’ PUANG sia tae’ nareke’ Puang la mekutana.

PA’TOLE 29:18

Iamoto da naden dio lu kamu tu muane ba’tu baine, ba’tu pa’rapuan ba’tu suku, tu sorong boko’ penaanna totemo dio mai PUANG, Kapenombanta, la umpenombai deatanna bangsa iato; da miden misa’ mentaruk tu la umpaden ipo ba’tu apsantin