AMOS 5:3 - Sura' Madatu

³ Belanna inde sia tu kadanNa Puangta PUANG: Iatu tau lan kota sun massa’bu, la saratu’mora tinampe, na iatu to sun ma’ratu’, la sangpulomora tinampe dio lu bati’na to Israel.

AMOS 5:3 ပူးပေါင်းရင်းမြစ်များ

PA’PUDIAN 144:14

Sangapaoi anna iatu sapinta la kianak rundun taun sia tang su’pik anakna, sia anna tae’ uali ullaoiki, sia ullo’do’ki’ sia tae’ kamarukkan dirangi lan lu tutu lalanta.

YESAYA 1:9

Iakenna tang untampeangki’ banne PUANGna mintu’ ma’dandan maritik, manassa sangtintimiki’ Sodom, sia baliki’ Gomora.

YESAYA 10:22

Belanna, moi anna iatu bilanganna bangsamu, e Israel, susito karangan dio biring tasik, ia manna tibalik sule tu torronapa; inang tilampakmo tu kasanggangan situang kamaloloan lempan.

YESAYA 6:13

Ke denpi taa sangpulona lan, la disanggangi dukapa. Ten to kayu tarpin sia jati dilemponni, den siapa tu garempongna, susi dukamoto tu garempongna tau iato mai, iamo misa’ banne masero.

YEHEZKIEL 12:16

Apa dio mai tau iato mai tae’mora napira la Kupatilendokpa dio mai kandean pa’dang, karorian na ra’ba biang, kumua anna tuna’i tau iato mai tu mintu’ penggauran megallianna dio lu mintu’ bangsa tu nanii rampo lako; anna tandai bangsa iato kumua Akumo tu PUANG.

AMOS 6:9

Attu iato, iake den sangpulo muane torro lan misa’ banua, – la mate.

ROMA 9:27

Sia napetamban duka Yesaya tu diona to Israel nakua: Moi anna susi bungin diong tasik tu bilanganna to Israel, torrona manna la dikarimmanni.

PA’TOLE 28:62

La sidi’morokomi torro, moi ammi mangkamo buda susi bintoen dao langi’ – belanna tae’mo muperangii tu gamaranNa PUANG, Kapenombammu.

PA’TOLE 28:63

Susi kanaalanna penaanNa PUANG umpogau’ melona lako kalemi sia la umpamakambankomi, susi dukamoto la naala penaanNa PUANG la ussanggangkomi sia ummangsannikomi; sia la unnali’komi lan mai tondok, tu muala mupoapa.

PA’TOLE 4:27

La Napatisambo’-sambo’komi PUANG dio lu mintu’ sangpetayanan, ammi torromora tang pira dio lu bangsa, tu la Nanii umpali’komi PUANG.