AMOS 4:9 - Sura' Madatu

⁹ Kuparampoimokomi kamalangkoan sia pasian tu mintu’ pa’lakmi sia pa’lak anggoro’mi Kupamalayu iatu kayu arami sia kayu saitunmi nakande batik pa’kande. Moi susito, tae’ duka mimengkatoba’ lako Kaleku, kadanNa PUANG.

AMOS 4:9 ပူးပေါင်းရင်းမြစ်များ

1 DATU 8:37

Iake ra’pak padangi lan tondok iato ba’tu denni ropu, ba’tu pasianni ba’tu langkoi tu gandung, ba’tu denni batik sola nango; ba’tu napapusa’i ualinna tu tau iato mai lan lu mintu’ kota dio lu tondokna, ke saei tu sala umbanna parri’ ba’tu saki,

2 OSSORANNA DATU 6:28

Iake ra’pak padangi lan tondok iato, ba’tu denmi ropu, ba’tu pasianni ba’tu langkoi tu gandung, ba’tu denni batik sola nango, ba’tu napapusa’i ualinna tu tau iato mai lan mintu’ kota dio lu tondokna, ke saei tu sala umbanna parri’ ba’tu saki;

YESAYA 1:5

Apapa gai’mi diada’? Belanna samemboko’-boko’mi bangmo. Mintu’ ulummi sipa’dikan, sia puru’mo tu penaammi.

YESAYA 50:11

E kamu sola nasang tu to umpopa’laka-laka api sia to umpasakka’ tinaran padurru’, da’ito mimale tama to’ dukku apimmi sia tama to’ dama’ mipopa’laka-laka. Iatu iannato la dadi lako kalemi lu dio mai Kaleku, ammi sumpandan situang pa’di’.

YESAYA 9:12

Belanna tae’ anna mengkatoba’ te bangsa iate lako To umpa’dikki sia tae’ anna daka’i tu PUANGna mintu’ ma’dandan maritik.

YEREMIA 3:10

Iatonna mangka tu mintu’ apa iato, tae’ duka namorai tu Yehuda, sangbainena, iamoto tang maruru’, bulo lollong sule lako Kaleku, sangadinna naangga’-angga’i bangri, kadanNa PUANG.

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

HOSEA 11:5

Tae’raka pa’tangngaranna sule lako Mesir? Manassa Asyur la undatui, belanna manoka mengkatoba’ tu tau iato mai.

YOËL 1:4

Iatu apa nasesa batik pa’benga’, nakande batik pa’kande; iatu apa nasesa batik pa’kande’ nakande batik pa’ampello’; iatu apa nasesa batik pa’ampello’ nakande batik pa’kasopu.

YOËL 1:7

Iatu garonto’ anggoro’Ku napopendadi apa megiangan sia kayu araKu nasa’pek-sa’pek, napekuli’i tu mintu’ pa’pakna sia natibe; iatu mai tangkena sibusammo.

YOËL 2:25

La Kubenkomi tu sondana bura padang lan mintu’ taun, nanii umpurai tu mintu’na nakande batik pa’kande, tu batik pa’ampello’, batik pa’kasopu sia batik pa’benga’, iamo tu surodadu kambanKu tu Kupasae lako kalemi.

AMOS 4:6

Apa iatu Aku, Kubenkomi kamaseroan isi lan lu mintu’ kotami sia kapu’duran roti lan lu mintu’ inanmi. Moi susito, tae’ duka mimengkatoba’ lako Kaleku, kadanNa PUANG.

AMOS 4:8

Iatu tau lan da’dua ba’tu tallu kota tipa’re’ba-re’ba male lako misa’ kota la unniru’ uai, apa tontong ma’rang. Moi susito, tae’ duka mimengkatoba’ lako Kaleku, kadanNa PUANG.

HABAKUK 3:17

Moi anna tae’ namenta’bi tu garonto’ ara, anna tang membua tu garonto’ anggoro’, sia moi tae’ nama’pakarannu-rannu tu bua garonto’ saitun; moi anna tae’ napakendek burana tu mai pa’lak, sia diula’i tu domba lan mai bala sia tae’ tu sapi lan lu bontong,

HAGAI 2:17

tonna tae’pa nadadi mintu’ apa iato; iake saemi tu tau lako patuku gandung, tu duangpulo suka’na, apa denri pessangpulo; iake saei lako pa’parran anggoro’ la untimbai pellimangpulo lan mai inan iato, apa denri penduangpulo.

MALEAKHI 3:11

Iake susito la Kutampakki ropu tu batik londong, ammi pomeloi, kumua da na sanggangi tu bura padangmi sia kumua iatu garonto’ anggoro’ dio pa’lakmi tae’ nala tang menta’bi’ lako kalemi, kadanNa PUANGna mintu’ ma’dandan maritik.

PA’TOLE 28:22

PUANG la umpata’paiko saki rangke, lalla’, lassu, kele sia baloke’, kamalangkoan, kamalayuan sia pasian; iamoto tu la urrampoiko, ammu mangsan.

PA’TOLE 28:42

Iatu mintu’ to’ kayummu sia bura padangmu la napoapa batik.