AMOS 4:7 - Sura' Madatu

⁷ Sia Aku duka, tae’mo Kubenkomi uran, tonna tallung bulanpa, namane pegandungan, Kubenmo uran tu misa’ kota, apa iatu kota senga’ tae’; iatu sangteppe’ pa’lak kauranan, na iatu senga’na, tu tae’ nato’doi uran, marangke.

AMOS 4:7 ပူးပေါင်းရင်းမြစ်များ

KATASSURAN 10:22

Iatonna angka’mi Musa tu limanna langngan langi’, saemi tu kapi’tukan lendu’ mapattangna ussamboi tondok Mesir lan tallung allo.

KATASSURAN 10:23

Moi misa’ tau tae’ nasipebayo len sia moi misa’ tau tae’ napandiu dio inanna lan to tallung allo, sangadi lako manna to Israel nanii masero lan mintu’ inan napa’tondokki.

KATASSURAN 8:22

Apa allo iato la Kupasenga’ tu tondok Gosyen, tu napa’tondokki taungKu, kumua da naden tambolik dio, ammu issanni, kumua Akumo, tu PUANG, ma’dioren lan tondok iate.

KATASSURAN 9:26

Ia manna tu padang Gosyen, tu napa’tondokki to Israel, tang narampoi uran batu.

KATASSURAN 9:4

La Napasenga’ PUANG tu patuoanna to Israel anna patuoanna to Mesir, kumua da naden mate moi misa’ tu mintu’ patuoanna to Israel.

YESAYA 5:6

La Kupopempangala’ sia tae’ duka anna la dipetangkei sia la dibingkung, anna duri manna sola a’da’ tuo lan; la Kukuan duka tu salebu’ da anna pato’doi uran.

YEREMIA 14:22

Denraka misa’ tu rapang-rapang dipodeata tu tae’ gai’na dio lu mintu’ bangsa ma’din umpasae uran? Ma’dinraka tu langi’ umpatibarrak uran sae? Tae’raka naKamu, o PUANG, Kapenombangki? Iamoto angki rannuangKomi, belanna Kamu umpadadii tu mintu’nate.

YEREMIA 14:3

Iatu mintu’ to kapuana ussua pa’kurinanna undaka’ uai; iatonna rampomo lako to’ bubun batu, tae’mo uai naapparan, anna sule lo’bang tu tau iato mai umbaa bussona; kasirisan tu tau iato mai sia maila’ anna umbungku’ ulunna.

YEREMIA 14:4

Iatu tau iato mai rosso penaanna diona pa’lakna, belanna tae’ nasae tu uran lan kuli’na padang; iamoto anna masiri’ to tu ma’pa’lak sia umbungku’ ulunna.

YEREMIA 3:3

Iamoto natae’ Napasaei tu uran kamban sia uran tampak; apa iatu lindomu makamban susi lindo baine bualang sia tontongko tang masiri’.

YOËL 2:23

E kamu, mintu’ to Sion, sila’tekangkomi sia parannu-rannukomi tete dio PUANG, Kapenombammi, belanna Nabenkomi to mangada’ lako kamaloloan, ondongpi Napasaeangkomi uran kamban, uran bunga’ sia uran tampak, susi dolona.

ZAKHARIA 14:17

Apa umba-umba tu suku dao kuli’na padang tae’ namale lako Yerusalem la menomba lako olona Datu, iamotu PUANGna mintu’ ma’dandan maritik, manassa tae’ nala sae uran lako kalena.

YOHANES 4:35

Tang mikuaraka: Patang bulanpa napeparean? Tonganna tongan Kukua mati’: Bangunanni tu matammi, tiromi tu mintu’ bela’; belanna matasak nasangmo totemo, pepareannamo.

1 KORINTUS 4:7

Belanna mindara umpalosongko? Sia apara tu diona kalemu tu tang di patarimangko? Sia iake mangkami mutarima, ma’apari ammu sattuan kalemu, butung to tang dipatarimaiko?

PA’TOLE 11:17

Iake susito, iatu kare’dekanNa PUANG dukku ullaoikomi sia Puang untampunni tu langi’, naurungan tang sae tu uran, sia tang membura tu padang sia madomi’komi sanggang lan tondok melo, tu la Nabenkomi PUANG.

YAKOBUS 5:17

Iatu Elia pada bangsia a’ganta, apa lantuk tu passambayangna kumua da nasae uran, tae’mi nasae tu uran dio padang iato tallung taun annan bulanna.

KADA OMBO’ LAKO RASULU’ YOHANES 11:6

Kuasa ia sola duai la untampun langi’, kumua da nasae uran, ke tontongpi sola duai ma’nubua’, sia kuasa sola duai umpopendadi rara uai, sia umparampoi ma’rupa-rupa kasanggangan tu lino pempiran-piran, tu naporainna.