AMOS 4:6 - Sura' Madatu

⁶ Apa iatu Aku, Kubenkomi kamaseroan isi lan lu mintu’ kotami sia kapu’duran roti lan lu mintu’ inanmi. Moi susito, tae’ duka mimengkatoba’ lako Kaleku, kadanNa PUANG.

AMOS 4:6 ပူးပေါင်းရင်းမြစ်များ

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

1 DATU 18:2

Malemi tu Elia la umpa’petiroan kalena lako Ahab. Attu iato karorian pannang dio Samaria.

2 DATU 4:38

Undinnato sulemi tu Elisa lako Gilgal, tonna karorian lan tondok iato. Iatonna marassan tu mintu’ passikola nabi unno’ko’ dio tingayona, ma’kadami lako taunna nakua: Patonangngi tu kurin kapua, ammu tolloranni utan tu mai passikola nabi.

2 DATU 8:1

Ma’kadami Elisa lako tu baine mangka napatuo anakna, nakua: Ke’de’moko ammu male sola to lan banuammu, sia mempue umba-umba nii musanga melo, belanna Napasaemo PUANG tu karorian. Dadi tonganmo lan tu tondok pitung taun.

2 OSSORANNA DATU 28:22

Iatonna lan kapussakanna, datu Ahas ia duka bangsiato, tu tontong tang maruru’ lako PUANG.

YESAYA 26:11

O PUANG, tie’te’ tu limamMi, apa tae’ anna mengkilala; apa la mengkilala sia masiri’ diona kamakaritutuamMi lako bangsa iato. Ondongpi iatu api ungkande to umbaliKomi, la ungkande duka tau iato mai.

YESAYA 3:1

Belanna manassa Puang, PUANGna mintu’ ma’dandan maritik la ullendokanni dio mai Yerusalem sia Yehuda tu apa naposande’ sia naposissarean tau, mintu’ kande napopamuntu sia mintu’ uai;

YESAYA 9:12

Belanna tae’ anna mengkatoba’ te bangsa iate lako To umpa’dikki sia tae’ anna daka’i tu PUANGna mintu’ ma’dandan maritik.

YESAYA 9:13

Iamoto anna sangallo bangri la Nanii PUANG unta’takki dio mai to Israel, la ulu, la ikko’, la tangke koroma, la tille.

YEREMIA 14:18

Iake tassu’na’ lako padang, dio tu mintu’ to mangka nakande pa’dang. Sia iake tamana’ kota, lan tu to la mate mannamo napobua’ karorian! Ondongpi la nabi la to minaa lu lako lu dio mai lan lu tondok sia tae’mo apa natandai.

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

YEHEZKIEL 14:21

Apa inde sia tu kadanNa Puangta PUANG Nakua: Moi angKu patamai Yerusalem te a’pa ukungan masarrang, iamotu pa’dang, karorian, olo’-olo’ masuru na ra’ba biang la ussabu’i tolino sia olo’-olo’ lan mai,

YEHEZKIEL 16:27

Apa manassa Kue’te’mo tu limangKu unneako, Kupasosso’mo tu taa dipamanassangko sia Kusorongko lako pa’poraianna to ungkabiri’ko, iamotu anak dara to Filistin, tu masiri’ diona kedo mesirisammu.

HOSEA 11:5

Tae’raka pa’tangngaranna sule lako Mesir? Manassa Asyur la undatui, belanna manoka mengkatoba’ tu tau iato mai.

HOSEA 5:15

La maleNa’, angKu sule lako inangKu, sae lako ussa’dingna salana sia undaka’ oloKu; ianna kapussakan tu tau iato mai, manassa la mamali’ tonganmo penaanna umpeagi’Na’.

YOËL 1:16

Tae’raka naka’tu tu mintu’ kande dio mai pentirota? Sia ka’tu dukamo tu kaparannuan sia la’tek lan mai banuanNa Kapenombanta.

SURA’ KATOMINAAN 26:23

Moi natete dio te kadipandasammi, ke tae’pi mimengkatoba’ sule sia tontongkomi unneaNa’,

SURA’ KATOMINAAN 26:26

Iake Kuparoto’i tu roti mipopamuntu, la sangpulo baine untunui tu rotimmi lan misa’ dapo’ sia ditimbang tu rotimmi, ke dipasulei, ammi kandei, apa tae’ ammi dia’.

HAGAI 2:17

tonna tae’pa nadadi mintu’ apa iato; iake saemi tu tau lako patuku gandung, tu duangpulo suka’na, apa denri pessangpulo; iake saei lako pa’parran anggoro’ la untimbai pellimangpulo lan mai inan iato, apa denri penduangpulo.

PA’TOLE 28:38

La mubaa tu banne buda lako pa’lak, apa sidi’ri tu mupupu, belanna pura nakande batik.

KADA OMBO’ LAKO RASULU’ YOHANES 2:21

Mangkamo Kutempoan kumua anna mengkatoba’, apa tae’ namorai mengkatoba’ dio mai tu gau’ salana.

RUT 1:1

Iatonna linona mintu’ to parengnge’ ma’parenta, denmi misa’ karorian lan tondok. Attu iato ke’de’mi misa’ muane dio mai Betlehem, lili’na Yehuda, sola bainena sia anakna muane da’dua la torro to sae dio padang marantena Moab.