AMOS 4:5 - Sura' Madatu

⁵ Padukkuanni api tu pemala’ pa’pudian dio mai roti diragii sia petambanni tu pemala’ tanning inaa sia pa’peissananni tu iannato! Belanna iamo pa’poraiammi to, e to Israel, kadanNa Puangta PUANG.

AMOS 4:5 ပူးပေါင်းရင်းမြစ်များ

PA’PUDIAN 81:12

Apa iatu taungKu noka umperangiiNa’, sia tae’ naporaiNa’ to Israel.

YESAYA 1:1

Iamote tu patiro mendeatanna Yesaya anakna Amos, tu natiro diona Yehuda sola Yerusalem tonna linona Uzia, Yotam, Ahas sia Hizkia, datunna to Yehuda.

YESAYA 1:11

Apara gai’na lako Kaleku tu kabudanna pemala’ pangrere’mi? kadanNa PUANG; nabossaMo’ tu mai pemala’ domba laki ditunu pu’pu’ sia iatu mai lompona anak sapi dipelompoi. Tae’ angKu kaduangi rara sapi laki ba’tu domba, ba’tu bembe’ laki.

YEREMIA 7:10

ammi mane sae umpennoloiNa’ lan banua iate, tu dinii unggente’ sangangKu, mikua: Tilendokmokan! kumua ammi pogau’i te mintu megallianna?

YEREMIA 7:9

Umba nakua? Bokomokomi sia papatean sia pasandak salu lako rampanan kapa’ sia umpalao sumpa tang tongan sia memala’komi lako Baal sia mengkaola lako kapenomban, tu tang mitandai –

HOSEA 9:1

Da musende-sende, e Israel, ammu mela’tek-la’tek, susi mintu’ bangsa, belanna sorong boko’moko dio mai Kapenombammu sia pasandak salu lako rampanan kapa’, ammu kamorai saro gau’ sala dao lu mintu’ panglulluran gandung.

HOSEA 9:10

Kukabu’tuimo tu Israel susi bua anggoro’ dio padang pangallaran; iatu nene’ to dolomi Kutiro susi bua ara bunga’, iamotu pamulanna dio garonto’ ara. Apa tau iato mai male lako Baal-Peor, sia mengkaola lako deata mesirisan; iamoto megallian tu tau iato mai susitu apa nakamali’.

SURA’ KATOMINAAN 23:17

La umbaakomi da’dua roti pemala’ disorong ditarima sule; roti iato ta’pung manisak digaraga, diala duang taan sangpulona epa, diragii anna ditunu, iamotu bunga’ pealammi, la dipennoloan lako PUANG.

AMOS 5:21

Kukabiri’ sia Kupamatuna tu pa’gaurammi sia tang Kuporai unnudukki tu bau allo kapuammi.

AMOS 5:22

Ondongpi, moi ammi pennoloan pemala’ ditunu pu’pu’ lako Kaleku, sia kande dipemalarammi, tae’ kuporai sia iatu pemala’ kasalamarammi, iamotu sapi malompo inang tae’ duka Kula untiroi.

MATIUS 15:9

Tae’ bua’na to tau iato umpenombaiNa’, belanna umpa’pangadaran panganna napondok tolino.

MATIUS 23:23

Upu’ allomi, e pandita Sura’ sia to belo puduk! Belanna ianna dipa’sangpulo tu kamangi sia salasi sia dintan, sangtaanna mipennoloan, apa mipasalai tu ma’iringanna lan Sukaran aluk, susinna tu katonganan sia kamamasean sia kamarurusan. Iari ia to tu sipatu dipogau’ sia iatu senga’na da duka nadipaboko’i penaa.

MATIUS 6:2

Iamoto, iammu bengan pa’kamasean, da mupa’petendenganni tu iannato dio tingayomu, susitu napogau’ to belo puduk lan banua pa’kombongan sia dio lu lalan, kumua anna tendengi tau. Tonganna tongan Kukua mati’, inang naala dolomo tu poleanna.

ROMA 1:28

Tu belanna manoka untandai Puang Matua lan pangingaranna Napopa’elo’nami Puang Matua lako pa’pasirundunan megi’giran anna umpogau’ tang sipato’na;