AMOS 4:2 - Sura' Madatu

² Umposumpamo kamaseroanNa tu Puangta PUANG, Nakua: Tonganna, manassa narampoikomi attu, ke nariu’komi pekadang bassi langngan sia to torromipa la nariu’ pekan.

AMOS 4:2 ပူးပေါင်းရင်းမြစ်များ

PA’PUDIAN 89:35

Tae’ angKu la umpamatuna basseKu, sia tae’ angKu sondai tu kada sunmo dio randan pudukKu.

PA’PUDIAN 89:36

PissanKu umposumpa kamaseroangKu: Tae’ Kula ungkamorangi len Daud!

YESAYA 37:29

Belanna kapabali-balian masarrangmu lako Kaleku sia kamatampoammu, tu rampomo tama pa’perangingKu, manassa Aku la umpalakoi kale’ke’Ku tu illongmu sia sanga’Ku tu sadangmu, angKu pasuleko lako tu lalan muola sae.

YEREMIA 16:16

La ussuaNa’ to mebale buda, kadanNa PUANG, anna ia untingkanni tu tau iato mai susi bale, undinnato la ussuaNa’ buda to moasu, la unnula’i dao mai mintu’ buntu sia mintu’ tanete, sia lan mai mintu’ kalo’tok batu.

YEHEZKIEL 29:4

La Kupakadangi kadangan tu parangka sadangmu sia la Kupala’ka’ nasang lako sissikmu tu bale lan messarakna salu Nilmu; angKu alako lan mai messarakna salu Nilmu sisola mintu’ bale lan messarakna Nilmu, tu la’ka’ dio sissikmu.

YEHEZKIEL 34:16

Iatu mai pa’dena la Kudaka’ sia iatu pusanna la Kupasule; iatu dibangkeinna la Kubimbin sia iatu masakinna la Kupamatoto’, apa iatu malompona sia iatu mawatangna la Kusanggangi. La Kukambi’ susi sipatunna dipogau’.

YEHEZKIEL 38:4

La saeNa’ unnalako sia la kupakadangi kadangan tu parangka sadangmu, Kupatassu’ko male sola mintu’ surodadummu, iamotu mintu’ darang sia pakkanarang, sakka’ pa’bunona, iamotu misa’ tuntunan kapua, ma’pakolong sia ma’balulang; iatu mintu’ tau iato biasa ma’pa’dang.

AMOS 6:8

Iatu Puangta PUANG mangkamo umposumpa Kalena, KadanNa PUANG, Kapenombanna mintu’ ma’dandan maritik, Nakua: Kukagallimo tu kamatampoanna Yakub sia Kukabiri’mo tu tongkonan layukna; ondongpi la Kusa’biangan tu kota iato sola mintu’ apa lan.

AMOS 8:7

Umposumpa kamala’biranna Yakub tu PUANG Nakua: Tonganna tae’ Kula ungkalupai sae lakona moi misa’ tu penggauranna tau iato mai.