AMOS 4:12 - Sura' Madatu

¹² Iamoto la Kupasusi dukako to, e Israel. Belanna la Kupasusikoto, – la ma’parandanko la sitammu Kapenombammu, e Israel.

AMOS 4:12 ပူးပေါင်းရင်းမြစ်များ

YESAYA 32:11

Ma’rundedekomi, e baine tang magiang, ma’paganggangkomi, e kamu to mangin-mangin! Lendokanni tu pakeammi, sia ma’kale-kalekomi, ammi ma’dodo karoro’.

YESAYA 47:3

La dikambelangi tu kalemu sia la kakitanan tu kasirisammu. La ma’papakkanniNa’ na moi misa’ tau tae’ Kukatirinnai.

YESAYA 64:2

susi api undukkui ranga’-ranga’ sia ten to api umpopa’kalimbuang uai la umpa’peissananni tu sangamMi lako mintu’ ualimMi, kumua anna ma’parondo mintu’ bangsa dio oloMi,

YEREMIA 5:22

Tae’raka mila ungkataku’Na’, kadanNa PUANG, tae’raka mila ma’parondo dio oloKu, tu umpadadi bungin naposapa’ tasik, sia napokatonan tontong tu tang nalendu’i? Moi umbassan-bassan tu bombangna, tang nalambi’ duka lako, moi mematu-matu, tae’ duka naleanni.

YEHEZKIEL 13:5

Tae’ milapa’ len kalo’tok dio rinding tembo’, ba’tu umbangun rinding tembo’ untikui to Israel, kumua anna kullei bendan tu tau iato mai lan kasirarian, ke allonai PUANG.

YEHEZKIEL 22:30

Kudaka’mo tu misa’ tau dio lu tau iato mai, tu la umpabendan rinding tembo’ sia la bendan ullapa’i tu lo’po’ rinding tembo’ iato, tu la napomelona tondok, naurungan tae’mo Kusanggangi, apa tae’ bang Kuappa’.

HOSEA 13:8

La Kudammak tu tau iato mai susito beruang sisayuran anakna, Kuserekki tu barangkangna, angKu ampello’i susito singa birang, anna olo’-olo’ dio lu padang umbesse-besei.

AMOS 2:14

Attu iato iatu mai to malinta’ tang nabelamo umpallaian kalena, iatu to mawatang tang nakullemo umpalalo kamabukuanna sia tu to lalong tae’mo nakullei ullendokan sunga’na.

MATIUS 24:44

Iamoto la marea dukakomi, belanna iatu Anak rampan dilino la sae lan attu tang mikapang-kapang.

MATIUS 5:25

Madomi’ko umpemeloanni penaa tu balimmu, ke diopoko lu lalan sola; da’ anna baako balimmu lako to mangra’ta’ kara-kara, nasorong pole’oko to mangra’ta’ kara-kara lako sapiri, ammu dipatama pa’tarungkuan.

KADA OMBO’ LAKO RASULU’ YOHANES 3:3

Iamoto, kilalai umba nakua tu mangkanna mutarima sia murangi; karitutui to sia mengkatoba’ko. Iake tae’i mumarea, la saeNa’ butung to boko, sia tae’ mukapangi tu attungKu sae ullaoiko.