AMOS 4:1 - Sura' Madatu

¹ Tananni talinga te kada iate, e sapi Basan, tu untorroi buntu Samaria tu umpandasa to bongko sia umpakario-rio to mase-mase, tu ma’kada lako puangmi mikua: Benkanni angki mangiru’-iru’.

AMOS 4:1 ပူးပေါင်းရင်းမြစ်များ

1 DATU 16:24

Naallimi tu tanete Samaria da’dua talenta salaka dio mai Semer, nabangunni tu kota dao tanete iato, nasangai Samaria, napasikona sanganna Semer, puangna tanete iato.

AYUB 20:19

Belanna napakario-rio tu to bitti’ sia nasa’biangan bang, sia napanglo’do’i tu misa’ banua, apa tae’ nakullei umbangunni.

AYUB 24:4

Iatu to mase-mase nasuale dio mai lalanna, sia iatu to makario-rio lan tondok membuni nasang.

PA’PUDIAN 12:5

Iamotu mintu’ to ma’kada nakua: Lilaki la kipopatalo! Sia pudukki umpangeaikan; mindapara tu la umparentakan?

PA’PUDIAN 140:12

Iatu to pa’palele bekoan tae’ anna marendeng lan lino, sia la naula’ sumpu kamandasan tu to masa’ga’, anna sabu’i,

PA’PUDIAN 22:12

Da Mitoyanganna’, pa merrandanmo tu kamaparrisan, belanna tae’ misa’ to pantunduan.

SARAMBU PEADA’ 22:7

Iatu to sugi’ umparenta to bongko, sia iatu to kaindanan la napotosandang to umpaindanni.

TOMANGADA’ 4:1

Kutiro pole’omi tu mintu’ pa’pakario-rio tu dipogau’ lan naarrang matanna allo, tiromi tu uai matanna mintu’ to dipakario-rio, namoi misa’ tae’ tau umpakatanai tu tau iato mai; rampe dio tu to ma’pakario-rio den kakuasan – namoi misa’ tae’ tau umpakatanai tu tau iato mai.

TOMANGADA’ 5:8

Maupa’ sia tu tondok lan mintu’nato, ke denni misa’ datu, tu ungkanandai lakoan padang.

YESAYA 28:1

Upu’ allona tu makota matampona to malangona Efraim sia bunga-bunga malayu, napobelo maramba’ dao ulunna lombok malompo masapi, tu natongkonni to natumang uai anggoro’.

YESAYA 5:8

Upu’ allona tu to umpasirapi’-rapi’ banua sia to umpasikande-kande pa’lak, naurunganni tae’mo pa’pa’lakan sia kamu mannamo tau lan tondok.

YESAYA 56:12

(Ma’kadami nakua): Maikomi, angku alangkomi uai anggoro’, anta iru’ pangiru’ mepamalango; susite allo totemo, susi dukato masiang, mandu pole’pa marua’na.

YESAYA 58:6

Tangiaraka te tu puasa Kuporai kumua: bukai tu pepungo kadake sia ko’karanni tu pepori ayoka, musua marampa’i male tu mintu’ to dipandasa, ammu rebong-rebongi tu mintu’ ayoka?

YEREMIA 50:11

Moi parannu-rannukomi sia unnarrak-arrak, e mintu’ pangrampa mana’Ku, moi mekkondong-kondongkomi susitu anak sapi lan lu to’ riu kamban sia ma’mehe’-mehe’ susi darang laki,

YEREMIA 50:27

Ba’tai tu mintu’ sapi lakinna, da’ito namale ditunu. A’a dikka’ tu tau iato mai, belanna nalambi’mo tu allona sia attu kadiukunganna.

YEREMIA 51:34

Napepuraimo’ nakande Nebukadnezar, datu Babel, sia nasanggangna’ napatorrona’ susi kandean lo’bang; naampello’na’ susito a’ganna ula’ naga; napa’pediaran saponnona tambukna tu mai kande mammi’ku namane untumpuna’.

YEREMIA 6:6

Belanna susimo kadanNa PUANGna mintu’ ma’dandan maritik: Lellengi tu garonto’ kayu, pabendanni tu ba’tu pira-pira benteng la dinii urrarii Yerusalem; iamote tu tondok naponnoi kabuttokan sia pa’pakario-rio manna lan.

YEREMIA 7:6

iake tae’i ammi pakario-rio to sae tang sia pia biung sia baine balu sia tang umpatibollo rarana to tang kasalan dio inan iate sia iake tae’i mipengkaolai tu kapenomban senga’, tu la umpabu’tuangkomi kamandasan,

YEHEZKIEL 18:12

umpakario-rio to mandasa sia to mase-mase, mangrampa, tae’ napasule apa dipa’pentoean, na mentiro lako rapang-rapang dipodeata sia umpogau’ apa megallian,

YEHEZKIEL 22:12

Lan tangngamu den tu to ungkande pappe’ sia unneloranni tu tau umpatibollo rara; mupalaku tu denne’ sia musanta’ tu denne’ sia muperarai sia mupakario-rio tu padammu rupa tau, apa iatu Aku tae’mo mukilalaiNa’, kadanNa Puangta PUANG.

YEHEZKIEL 22:27

Mintu’ pangulunna tau iato mai susi bang guruk undaka’ bang pialanna, tu umpatibollo rara sia ussanggang tau, kumua anna mesaro kadake.

YEHEZKIEL 22:29

Iatu tau lan tondok ma’paruku sia mangrampa; umpandasa to bongko sia to mase-mase sia umpakario-rio to sae unnea katonganan.

YEHEZKIEL 22:7

Lan lu tangngamu dipamatuna tu mai indo’ sia ambe’; sia lan lu tangngamu dipakario-rio tu to sae, sia lan lu kotamu dibala’-bala’ tu pia biung sia baine balu.

YEHEZKIEL 34:16

Iatu mai pa’dena la Kudaka’ sia iatu pusanna la Kupasule; iatu dibangkeinna la Kubimbin sia iatu masakinna la Kupamatoto’, apa iatu malompona sia iatu mawatangna la Kusanggangi. La Kukambi’ susi sipatunna dipogau’.

YEHEZKIEL 39:18

Iatu duku’na mintu’ to lalong la mikande sia rarana mintu’ arungna lino la miiru’, iamotu domba laki, anak domba, bembe’ laki, sapi laki, patuoan malompo nasang dio mai Basan.

YOËL 3:3

Sia naloterei tu taungKu nataa-taa, sia misa’ pia muane napassaroan baine bualang, sia misa’ pia baine nabalukan belanna uai anggoro’, kumua nama’din mangiru’.

AMOS 3:1

Tananni talinga te kada, tu Napokada PUANG diona a’gammi e to Israel, iamotu diona mintu’ pa’rapuan tu mangka Kusolan lan mai tondok Mesir, tu nakua:

AMOS 3:3

Ma’dinraka tu tau sola dua lumingka, ke tae’i nasituru’?

AMOS 5:11

Belanna ullullu’komi to bongko sia miparuku la umbenkomi pamengan, iamotu gandung, iamoto moi ammi bangun banua batu dipa’, tae’ duka ammi la unnii, moi ammi garagai pa’lak anggoro’ ballo, tae’ duka ammi la unniru’i tu uai anggoro’na.

AMOS 6:1

Upu’ allona tu to tang matangkin dao Sion sia ussa’ding kalena marampa’ dao buntu Samaria, to la’bi’na bangsa ditonno’ dio lu mintu’ bangsa, tu nanii to Israel rampo mengkanorong.

AMOS 6:6

Tu unniru’ uai anggoro’ lan mai balubu sia umperruda’ minna’ tu mandu melo, apa tae’ mipalan penaai tu karo’pokanna Yusuf!

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

KADIBILANGAN 21:33

Sepangmi to tau iato, anna ma’palulako Basan: malemi tu Og, datu Basan, umpessitammui, la ia la mintu’ taunna, la urrarii dio Edrei.

PA’TOLE 24:14

Da mupandasai tu to sumaro, tu kaasi-asi sia kalala’, la iatu mai siulu’mu, la iatu to sae, tu torro lan tondokmu, lan kotamu.

PA’TOLE 28:33

Iatu bura padangmu sia bura rangka’mu la nakande misa’ bangsa tang mutandai; tontong bangko dipakario-rio sia dilullu’.