AMOS 3:9 - Sura' Madatu

⁹ Pa’perangianni tu apa iate dao lu mintu’ benteng lan Asdod sia dao lu mintu’ benteng lan tondok Mesir, ammi ma’kada kumua: Sirampunkomi dao mintu’ buntunna Samaria, ammi tiroi tu kamarukkan kapua lan tu tangnga-tangngana sia pa’pakario-rio lan kotana.

AMOS 3:9 ပူးပေါင်းရင်းမြစ်များ

2 SAMUEL 1:20

Da’ mipalelei tu iannato dio lu Gat, sia da’ mipatale’i dio lu mintu’ lalan Askelon, da’ anna parannu-rannu tu mintu’ anak dara to Filistin, sia da’ naunnarrak-arrak tu anak dara to tang disunna’!

SARAMBU PEADA’ 1:13

la taappa’ tu ma’rupa-rupa apa keangga’, iatu banuanta la taponnoi pangrampa;

SARAMBU PEADA’ 11:16

Misa’ baine mabalele unnappa’ kadipangkeran, susi duka tu to lalong unnappa’ kasugiran.

TOMANGADA’ 4:1

Kutiro pole’omi tu mintu’ pa’pakario-rio tu dipogau’ lan naarrang matanna allo, tiromi tu uai matanna mintu’ to dipakario-rio, namoi misa’ tae’ tau umpakatanai tu tau iato mai; rampe dio tu to ma’pakario-rio den kakuasan – namoi misa’ tae’ tau umpakatanai tu tau iato mai.

YEREMIA 31:5

La untanan pole’ko garonto’ anggoro’ dao lu mintu’ buntu Samaria, na iatu to untananni la ungkandei tu buanna.

YEREMIA 46:14

Pa’peissananni lan lu mintu’ Mesir, patale’i dio Migdol, sia patale’ dukai dio Memfis sia Tahpanhes, kumua: ma’pampangangko ammu tumanan, belanna kumandemo tu pa’dang tiku lao.

YEREMIA 50:2

Patale’i dio lu mintu’ bangsa sia pa’peissananni, angka’i misa’ bandera sia pa’peissananni, da mibunii, sia pokadai kumua: Ditalomo tu Babel, sia kasirisanmo tu Bel sia kapussakan tu Merodakh; kasirisan tu rapang-rapang dipodeatanna, sia mintu’ deata megi’giranna.

YEHEZKIEL 36:8

Apa kamu, e mintu’ buntunna Israel, la mentarukkomi sia la mipadenan buammi tu Israel, taungKu, belanna mandappi’mo tu kasaeanna.

YEHEZKIEL 37:22

La Kupamisa’mora bangsa tu tau iato mai lan tondok, dao buntunna Israel, sia misa’mora datu la undatui sola nasangi; tae’mo nala da’dua bangsa sia tae’mo nala dipada’dua kadatuan.

HOSEA 7:1

IangKu la umpakatanai sule tu to Israel, la payan tu kakelokanna Efraim sia kakadakeanna Samaria. Belanna ma’pakena bang: tama bang tu to boko, anna mangrampa tuntunan pa’gora’ dio salian.

AMOS 1:8

Sia la Kusabu’i tu pa’tondokan lan mai Asdod sia iatu tekken kapayungan lan mai Askelon, sia la Kubalik tu limangKu unta’pai Ekron, naurungan iatu mintu’ to Filistin tinampepa la sanggang, kadanNa Puangta PUANG.

AMOS 4:1

Tananni talinga te kada iate, e sapi Basan, tu untorroi buntu Samaria tu umpandasa to bongko sia umpakario-rio to mase-mase, tu ma’kada lako puangmi mikua: Benkanni angki mangiru’-iru’.

AMOS 5:11

Belanna ullullu’komi to bongko sia miparuku la umbenkomi pamengan, iamotu gandung, iamoto moi ammi bangun banua batu dipa’, tae’ duka ammi la unnii, moi ammi garagai pa’lak anggoro’ ballo, tae’ duka ammi la unniru’i tu uai anggoro’na.

AMOS 6:1

Upu’ allona tu to tang matangkin dao Sion sia ussa’ding kalena marampa’ dao buntu Samaria, to la’bi’na bangsa ditonno’ dio lu mintu’ bangsa, tu nanii to Israel rampo mengkanorong.

AMOS 6:3

E kamu, tu ussangai mambelapa tu allo kamandasan, sia umpamareke’ kadera pa’pakario-rio.

AMOS 8:6

kumua angki ma’din unnalli doi’i tu to bongko sia angki allii sangpasang sepatu tu to mase-mase; angki balukan ta’pian sondana gandung!

MIKHA 6:10

Denparaka lan banuanna to tang mekaaluk tu ba’tu pira-pira ianan bu’tu tete dio katangmekaalukan sia epa tang ganna’ tu ditampakki ropu?

1 SAMUEL 5:1

Naalami to Filistin tu pattinNa Puang Matua, nabaai dio mai Eben-Haezer lako Asdod.