AMOS 3:8 - Sura' Madatu

⁸ Iake umburrung-burrungi tu singa, mindara tang mataku’? Iake ma’kadami tu Puangta PUANG, mindara tang ma’nubua’?

AMOS 3:8 ပူးပေါင်းရင်းမြစ်များ

YESAYA 21:10

E to dilullu’ku sia to dipandasaku, iatu apa kurangi dio mai PUANGna mintu’ ma’dandan maritik, Kapenombanna to Israel, ia dukamo kupokadangkomi.

YESAYA 31:4

Inde sia tu kadanNa PUANG lako kaleku, nakua: Susito misa’ singa ba’tu anak singa umburrungi pealanna, moi anna pomarambai sangtuntunan pangkambi’, tae’ duka natiramban sia tae’ napomataku’i tu kamarambanna tau iato mai –, susi dukamoto tu PUANGna mintu’ ma’dandan maritik la mengkalao rokko buntu Sion sia tanetena la parari.

YEREMIA 20:9

Iake ma’kadana’ kukua: Tae’mo kula ungkilalai tu PUANG sia tae’mo kula ma’kada tete dio sanganNa, dadimi lan penaangku tu susi api dukku, tu ussitutu’i kaleku umpatananni, apa tang kukulle.

YEREMIA 26:12

Apa nakua Yeremia lako tu mintu’ arung sia lako tu mintu’ to buda, kumua: Nasuana’ PUANG ma’nubua’ tu diona banua iate sia kota iate, iamotu mintu’ kada mangkamo mirangi.

YEHEZKIEL 29:21

Attu iato la Kupamu’kuran misa’ tanduk tu to Israel sia la Kupabaraniko ma’kada dio lu tau iato mai. Anna tandai tau iato mai, kumua Akumo tu PUANG.

AMOS 1:2

Inde sia tu kadanna, nakua: Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni mario-rio tu padang kariuanna to mangkambi’ sia marangke tu botto Karmel.

AMOS 2:12

Apa mipairu’mo uai anggoro’ tu mai nasiri sia mipokadan tu mai nabi, kumua da mima’nubua’.

AMOS 3:4

Ma’dinraka tu singa umburrung-burrung lan lu pangala’, ke tae’i tu kandena? Ma’dinraka tu singa mangura gumarau-rau lan mai lo’ko’na, ke tae’i apa nadammak?

PENGGAURANNA RASULU’ 4:20

Belanna kami te ma’apa-apai angki la untorei umpokadai tu apa mangka kikita sia kirangi.

PENGGAURANNA RASULU’ 5:20

Laomokomi mike’de’ lan Banua Kabusungan umpokadai lako to buda mintu’ to kada dipotuo.

PENGGAURANNA RASULU’ 5:29

Apa mebali tu Petrus sia iatu mai rasulu’ nakua: Sipatu tau umpalosongi naturu’ tu Puang Matua na iatu tolino.

1 KORINTUS 9:16

Belanna iake umpa’peissananna’ Kareba-kaparannuan, tae’ kusattuanni, apa iatu iannato inang passanangku; ontongpi masolangna’, ke tae’i kupa’peissananni tu Kareba-kaparannuan.

KADA OMBO’ LAKO RASULU’ YOHANES 5:5

Denmi misa’ dio mai tu mintu’ penatua ma’kada lako kaleku nakua: Da mutumangi’, tiromi, iatu Singa tu lu dio mai sukunna Yehuda, iamo Una’na Daud unnappa’mo kapataloan naurunganni umbungka’i tu sura’ sia iatu pitu ca’na.