AMOS 3:7 - Sura' Madatu

⁷ Manassa tae’ Napogau’i Puangta PUANG tu mintu’ apa, ke tae’pi Napasamboi tu pa’timbanganNa lako taunNa, iamotu mintu’ nabi.

AMOS 3:7 ပူးပေါင်းရင်းမြစ်များ

KADADIAN 18:17

Nakuami tu PUANG: Ma’apari angKu la umbunianri Abraham tu apa la Kupogau’?

KADADIAN 6:13

Iamoto anNa ma’kada tu Puang Matua lako Nuh kumua: Nalambi’mo tu ma’katampakanna mintu’ tolino situru’ pangra’ta’Ku, belanna ia te lino naponnoimo kamasa’garan. Tonganna la Kusabu’i tu tau iato mai sola te lino!

2 DATU 22:13

Malekomi umpekutanangki’ timbanganNa PUANG, iamotu aku sia to buda sia mintu’ to Yehuda diona mintu’ kada lan te sura’ iate, tu diapparammo, belanna mandu tu kare’dekanna ara’Na PUANG, tu ma’lulu-lulu lako kita, belanna tae’ naperangii nene’ to dolota tu mintu’ kada lan sura’ iate sia tae’ naturu’i tu mintu’ apa Nasurasangki’.

2 DATU 22:20

Manassa la Kupasisolako nene’ to dolomu; la dipatama marampa’ko liangmu, sia tae’ nala untiro lenni matammu tu kasanggangan tu la Kuparampo lako inan iate. Naparampomi tau iato mai lako datu te pebali iate.

2 DATU 6:12

Nakuami tu misa’ to mase’ponna: Tae’ nasusito, puangku datu, sangadinna Elisa nabi dio Israel umpokadanni datu Israel tu mintu’ kada mipokada, moi nalan inan kamammarammi minii umpokadai.

PA’PUDIAN 25:14

Iatu kada rasianNa PUANG lu lako to ungkasiri’I, sia iatu basseNa la dipasombo lako.

YESAYA 18:4

Belanna nakua tu kadanNa PUANG lako kaleku: La mari’piNa’, angKu ma’penunu lan mai inanKu, susi ke mapana’i sarrang allo, sia susi rambu roya ke mapana’i allo lan attu peparean.

YEREMIA 23:22

Belanna iakenna la ma’dioren tu tau iato mai lan kombongangKu, manassa napa’perangian tu kadangKu lako taungKu sia napatibalik dio mai lalan salana sia dio mai penggauran kadakena.

YEHEZKIEL 29:21

Attu iato la Kupamu’kuran misa’ tanduk tu to Israel sia la Kupabaraniko ma’kada dio lu tau iato mai. Anna tandai tau iato mai, kumua Akumo tu PUANG.

DANIEL 10:21

apa moi susito, la kupokadangko tu apa disura’ lan Sura’ Kamanapparan. Tae’ misa’ tau batta’ untunduina’ unneai tu tau iato mai, sangadinna Mikhael, arungmi.

DANIEL 11:2

Totemo la kupokadangko tu kamanapparan. Manassa tallupa tu datu la bendan lan Persia na iatu to ma’penna’pa’na la kapuapa kasugiranna na iatu mintu’ senga’na, sia iake matoto’mi tete dio kasugiranna, la napatiangka’ tu mintu’na ullaoi tu kadatuan Yunani.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

YOHANES 15:15

Tae’mo Kusangakomi kaunan, belanna iatu kaunan tae’ naissanni tu napogau’na puangna; apa Kusangamokomi sangmane, belanna mintu’na tu Kuranginna dio mai Ambe’Ku, iamoto tu Kupokadangkomi.

KADA OMBO’ LAKO RASULU’ YOHANES 1:1

Iamote tu kada ombo’ dio mai Yesu Kristus, tu NakamaseanNi Puang Matua, dikua anNa pakitanni mintu’ taunNa tu mintu’ apa inang manassa la dadi madoi’: Nasuami tu malaeka’Na umpamanassanni Yohanes, taunNa.

KADA OMBO’ LAKO RASULU’ YOHANES 1:19

Iamoto sura’i tu apa mangkamo mutiro sia tu apa denmo totemo te, sia tu apa la dadi undinna.

KADA OMBO’ LAKO RASULU’ YOHANES 10:7

Apa iake oni gamarannami malaeka’ ma’pempitunna, ke la umpannonimi tarompe’ puana, maneri dipalanda’ tu rasianNa Puang Matua, susitu kareba dipa’peissanan lako mintu’ taunNa, iamo mintu’ nabi.

KADA OMBO’ LAKO RASULU’ YOHANES 4:1

Undinnato kutiromi tu misa’ ba’ba tibungka’ dao suruga, na iatu gamara bunga’-bunga’na susito oni tarompe’ pua ma’kada lako kaleku, Nakua: Kendekko mai, angKu pakitangko tu apa tae’ nasalai tang la dadi undinna.

1 SAMUEL 9:15

Sangallo dolona anna kasaeanna Saul inang Napaombo’mo PUANG lako Samuel, Nakua;