AMOS 3:2 - Sura' Madatu

² Mintu’na tu pa’rapuan dao kuli’na padang kamu manna tu Kutandai, iamoto angKu ukungkomi belanna mintu’ kakadakeammi.

AMOS 3:2 ပူးပေါင်းရင်းမြစ်များ

KADADIAN 10:32

Iamote tu bati’na anakna Nuh, pantan umposuku-sukunna lan bangsana; iamora te tau iate mai nanii sun tumale’ mintu’ bangsa untorroi kuli’na padang tonna mangka uai saba’.

KADADIAN 18:19

Belanna mangkamo Kuturo ta’ba, dikua anna patudui tu mai anakna sia bati’na, la ungkaritutui lalanNa PUANG, la umpogau’ kamaloloan sia kamalamburan anNa palanda’i PUANG lako kalena tu apa mangka Napokadanni.

PA’PUDIAN 147:19

Mangkamo Napokadan Yakub tu kadanNa, sia Napasanammo Israel tu mai apa Napondok sia mintu’ atoranNa.

KATASSURAN 32:34

Totemo malemoko, solanni te bangsa iato lako inan, tu Kupokadangko; malaeka’Ku la undoloangko, apa ianna allo kapa’balarangKu, la Kupabala’i tu kasalanna tau iato mai.

YESAYA 63:19

Iatu kami susi bang to tae’pa Miparentakan tempon dio mai, sia susi bang to tae’ lenpa nadisa’buran sangamMi.

YEREMIA 1:15

Belanna tonganna Aku untambai tu mai bangsa mintu’ kadatuan daa mai ulunna salu, kadanNa PUANG; la sae tu tau iato mai napantan umpatorro isungan kapayunganna lan babangan Yerusalem sia sitingoan mintu’ rinding tembo’na tiku lao sia sitingoan mintu’ tondok Yehuda.

YEREMIA 10:25

Barrakanni tu kare’dekamMi lako mintu’ bangsa, tu tae’ natandaiKomi, sia lako mintu’ pa’rapuan tu tang metamba ussa’bu’ sangamMi; belanna naampello’mo tau iato mai tu Yakub, ondongpi naampello’ sia nasappii sia napopempadang lo’bang tu tondok natorroi.

YEREMIA 11:22

iamoto nakua kadanNa PUANGna mintu’ ma’dandan maritik: Manassa la Kuukung tu tau iato mai; iatu mintu’ to mangura la mate nakande pa’dang sia iatu mintu’ pia muane sia pia baine la mate karorian,

YEREMIA 13:21

Apara la mupokada, ke Naangkarangko Puang tu misa’ pangulu iamotu tau biasamo musipalakuan pangan? Tang la ramporaka lako kalemu tu saki susito misa’ baine mangurria’?

YEREMIA 14:10

Inde sia tu kadanNa PUANG tu diona bangsa iate, Nakua: lendu’ ia naporainna tu tau iato mai salamba salao sia tae’ napatadangi tu lette’na; iamoto natae’ nakalo’i penaanNa PUANG. Na totemo la Nakilalaimo tu kakadakeanna sia Naukung tu kasalanna tau iato mai.

YEREMIA 9:25

Tonganna la sae tu allo, kadanNa PUANG, ke Kuukungi tu mintu’ to disunna’i, apa butungpa to tang disunna’i;

YEHEZKIEL 5:9

Ia Kupogau’ lako kalemu tu apa tae’ lenpa Kupogau’i sia tae’ lenmo Kula umpogau’i undinna tu susinnato, natumang mintu’ penggauran megalliammu.

YEHEZKIEL 9:6

Iatu mai to matua, pia muane, anak dara, pia’-pia’ sia baine manassa la mipatei sia misanggang; apa moi misa’ tu tau den tandana da mirumbui: manassa la miparanduk dio to’ inan maindanKu. Naparandukmi tau iato mai dio lu muane, iamotu mai pekaamberan, tu dio tingayo Banua Kabusungan.

DANIEL 9:12

Napalanda’mo tu mintu’ kadanNa, tu mangka Napokada diona kami sia diona mintu’ to ma’parentaki, tu umparentakan, belanna Naparampoikan kasanggangan lendu’ kapuana, susitu tae’ bangpa nadadi lan mintu’ nasambo langi’, sangadinna lan manna Yerusalem.

HOSEA 2:13

Iamoto manassa la Kunaran sia la Kusolan tama padang pangallaran sia la ma’kada malamma’Na’ lako kalena.

HOSEA 5:3

Kutandai tu Efraim sia tae’ duka nakarerungan tu Israel dio oloKu. Tonganna totemo ma’gau’ salamoko, e Efraim, sia urruttakkimoko kalemu, e Israel.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

HOSEA 9:9

Lendu’ ia kadakena penggauranna, susi lan allona Gibea: La Nakilalai Puang tu kakadakeanna sia la Naukung tu kasalanna.

AMOS 2:4

Inde sia tu kadanNa PUANG Nakua: Belanna tallu tu kapatodo-tintinganna Yehuda, ondongpi belanna a’pa’, iamoto natae’ Kula umpasalai ukungan. Belanna natumpu tu Sukaran alukNa PUANG sia tae’ nakaritutui tu mintu’ apa Napondok Puang, sangadinna napapusamo deata mo’rangna tu naturu’mo nene’ to dolona,

AMOS 3:3

Ma’dinraka tu tau sola dua lumingka, ke tae’i nasituru’?

AMOS 6:1

Upu’ allona tu to tang matangkin dao Sion sia ussa’ding kalena marampa’ dao buntu Samaria, to la’bi’na bangsa ditonno’ dio lu mintu’ bangsa, tu nanii to Israel rampo mengkanorong.

MIKHA 2:3

Iamoto, inde sia tu kadanNa PUANG, Nakua: Tonganna la Kupasae tu kasanggangan lako bangsa iate, tu tae’ minii umbelai urriu’ barokomi lan mai, ba’tu malolo lumingka lan, belanna iamo misa’ attu kadake.

NAHUM 3:4

Natumang kabudanna gau’ salana baine bualang, tu melo pantarisanna, manarang ma’patama-tamai, tu umbalukan ba’tu pira-pira bangsa tete dio pa’gau’ salana, sia ba’tu pira-pira pa’rapuan tete dio pa’patama-tamainna.

PENGGAURANNA RASULU’ 17:26

Misa’ri Nanii umpabu’tui tu mintu’na bangsana tolino, la untorroi tu mintu’ kuli’na padang, tonna mangka ullampakki tu mintu’ attu tituka’na lino sia katonan pellaoanna,

ROMA 2:9

Parri’ sia kasanggangan urrampoi penaanna mintu’ tolino tu umpogau’na kakadakean, ondonganna to Yahudi sia to Yunani duka;

1 KORINTUS 8:3

Apa iake denni tau ungkamali’ Puang Matua, iamo Natandai Puang Matua.

PA’TOLE 10:15

Sangadinna ia manna tu nene’ to dolomu Naala penaanNa PUANG sia ia manna tu tau iato Nakamasei, sia kamu, tu bati’na, Natonno’ dio mai mintu’ bangsa, susitu a’ganna allo iate.

PA’TOLE 26:18

Allo iate Napasiola PUANG tu kadammu, kumua ikomo tu taunNa, susitu Napokadangko, sia la mukaritutui tu mintu’ pepasanNa.

PA’TOLE 32:9

Belanna iatu taunNa tu Napotaa PUANG, Yakub iamo Napotaa mana’ Puang, tu disukaranni.

PA’TOLE 4:32

Belanna pekutananni tu allo lendu’mo, tu attu dolo na iko, temponna Puang Matua umpadadi tolino dao kuli’na padang; sia mekutanako dio mai randan langi’ sae lako randan langi’, ba’tu la denni dadi misa’ apa susi kapuanna te ba’tu dirangi misa’ apa susite.

PA’TOLE 7:6

Belanna ikomo misa’ bangsa, tu masero dio olona PUANG, Kapenombammu; iatu iko Napileimoko PUANG, Kapenombammu, dio mai mintu’ bangsa dao kuli’na padang la Napotau.

1 PETRUS 4:17

Belanna nalambi’mo attunna tu to lan banuanNa Puang Matua randuk dipaolai salunna, apa iake kita te tu nanii randuk, apara katampakanna tu mintu’ to tang unturu’ Kareba-kaparannuanNa Puang Matua?