AMOS 2:6 - Sura' Madatu

⁶ Inde sia tu kadanNa PUANG, Nakua: Belanna tallu tu kapatodo-tintinganna Israel, ondongpi belanna a’pa’, iamoto natae’ Kula undampai umparampoi ukungan. Belanna ungkamorai doi’ anna balukanni tu to malambu’ sia nabalukan tu to bongko sangpasang sepatu.

AMOS 2:6 ပူးပေါင်းရင်းမြစ်များ

2 DATU 18:11

Napali’mi datu Asyur tu to Israel lako Asyur sia nabaa lako Halah, sia lako biring salu Habor, iamotu salu dio Gozan, sia lako tu mai kota to Madai.

2 DATU 18:12

Belanna tae’ naperangii tau iato mai tu PUANG, Kapenombanna, sangadinna natengkai tu basseNa; iamotu mintu’ apa Napepasanan lako Musa, taunNa PUANG; tae’ naperangii sia tae’ napogau’i.

YESAYA 10:2

la umpatoyang to mase-mase dio mai salunna sia urrampa katongananna taungKu tu tang pa’bela, anna ala rampai tu baine balu sia ullo’do’ pia biung.

YESAYA 29:21

Iamotu to umpasala tau diona sangbuku kada, sia iatu to untananni poya to untuntun salunna dio to’ babangan sia to lando pa’du untampun pusa’ kadanna to malambu’.

YEHEZKIEL 22:13

Manassa ussala’paNa’ limangKu diona tu saro bu’tu kadake muala sia diona tu rara mangka dipatibollo lan tangngamu.

YOËL 3:3

Sia naloterei tu taungKu nataa-taa, sia misa’ pia muane napassaroan baine bualang, sia misa’ pia baine nabalukan belanna uai anggoro’, kumua nama’din mangiru’.

YOËL 3:6

Sia iatu to Yehuda sia to Yerusalem mibaluk lako to Yunani, la umpatoyangi tu tau iato mai dio mai lili’na.

ZAKHARIA 11:5

Iatu tau unnallii untunui, apa nasanga tae’ nasala’; iatu tau umbalukanni ma’kada nakua: Mintu’ kadipudian lu lako PUANG, belanna sugi’mo’; iatu mintu’ to mangkambi’na tae’ ungkasayangi.