AMOS 2:4 - Sura' Madatu

⁴ Inde sia tu kadanNa PUANG Nakua: Belanna tallu tu kapatodo-tintinganna Yehuda, ondongpi belanna a’pa’, iamoto natae’ Kula umpasalai ukungan. Belanna natumpu tu Sukaran alukNa PUANG sia tae’ nakaritutui tu mintu’ apa Napondok Puang, sangadinna napapusamo deata mo’rangna tu naturu’mo nene’ to dolona,

AMOS 2:4 ပူးပေါင်းရင်းမြစ်များ

2 DATU 17:19

Ia duka tu mai to Yehuda tae’ nakaritutui tu pepasanNa PUANG, Kapenombanna, sangadinna unturu’ mintu’ aluk napoaluk to Israel.

2 OSSORANNA DATU 25:14

Iatonna sulemo tu Amazia untalo to Edom, napabendanmi tu rapang-rapang dipodeatanna to Seir, tu nabaa, napodeata, anna tukku menomba dio tingayona sia memala’ lako.

2 OSSORANNA DATU 30:7

Damo misusitu mintu’ nene’ to dolomi sia siulu’mi, tu tang maruru’ lako PUANG, Kapenombanna nene’ to dolona; iamoto Naeloranni tu tau iato mai dadi apa megiangan, susitu mitiro.

NEHEMIA 1:7

Kadake tongan tu gau’ki lako Kalemi, belanna tae’mo kikaritutui tu pepasanMi, apa Mipondok sia atoramMi, tu Mipasan lako Musa, taumMi.

NEHEMIA 9:26

Apa iatu tau iato mai pabali-bali sia naeaKomi sia natibe lako boko’na tu sukaran alukMi sia napatei tu mai nabimMi, tu unnada’i la umpasulei tu tau iato mai lako Kalemi, sia umpogau’ apa tarru’ megi’giran.

YESAYA 28:15

Belanna ma’kada nakua: Sibassemokan kamatean sia unnarra’ kada sola lino tomate, moi anna buda tongan tu peada’ masarrang urrampoi tu mai mintu’ tau, tae’ sia anna la ullambi’kanni, belanna iamotu kamorangan kipopentirerungan sia iamotu kakalando-pa’duan kipembunii.

YESAYA 44:20

Minda-minda manggaraga au, napapusa penaa dipakena naurunganni tang nakulle ungkarimmanni katuoanna sia tae’ nakullei ma’kada kumua: Tae’ siaraka apa pa’pakena lan lima kananku?

YEREMIA 16:11

La mupokada lako tau iato mai, kumua: Belanna natampeMo’ nene’ to dolomi, kadanNa PUANG, sia unturu’mo kapenomban senga’ sia umpengkaolai sia tukku umpenombai sia natampeMo’ sia tae’mo nakaritutui tu Sukaran alukKu.

YEREMIA 16:12

Sia belanna kamu te umpogau’ kakadakean losong anna nene’ to dolomi, iamotu pada unturu’mokomi kamakarrasan penaa kadakemi sia manoka umperangiiNa’,

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

YEREMIA 6:19

Perangii, e lino, manassa iatu kasanggangan Kuparampoan bangsa iate iamotu buanna mintu’ tangnga’na, belanna tang naperangii tu kadangKu sia natampe tu Sukaran alukKu.

YEREMIA 8:2

Anna tale’i dio patu allo sia bulan sia mintu’ ma’dandan maritik dao langi’, tu nakamali’ sia napengkaolai sia naturu’ sia nadaka’, nanii menomba; mintu’ buku iato tang la dirampun ba’tu dilamun, sangadinna la mempangangku’ dio lu padang.

YEREMIA 8:9

Dipakasiri’ sia masussa, ondongpi pussak tu mintu’ to paissan, belanna natumpu tau iato mai tu kadanNa PUANG; kapaissanan apa toda dio kalena?

YEREMIA 9:14

sangadinna unturu’ kamakarrasan penaanna sia umpengkaolai Baal, susitu naadaranni nene’ to dolona.

YEHEZKIEL 13:22

Belanna miparossomo tu penaanna to malambu’ tete dio kamo’rangan, moi natae’ Kupamasussai, sia mipamatoto’ tu limanna to tang mekaaluk, kumua da natibalik dio mai lalan kadakena, anna tuo.

YEHEZKIEL 20:13

Apa pabali-bali tu to Israel lako Kaleku lan padang pangallaran; tae’ naturu’i tu apa Kupondok sia natibe tu atorangKu, tu napotuo tau, ke naturu’i. Napamatuna liu tu allo katorroangKu, Kuurungan untangnga’i la umbarrakanni tu kare’dekan ara’Ku lako tau iato mai lan lu padang pangallaran la ussabu’i.

YEHEZKIEL 20:16

belanna natibe tu atorangKu sia tae’ naturu’i tu apa Kupondok sia umpamatuna allo katorroangKu, belanna iatu penaanna ma’misa lako rapang-rapang dipodeatanna.

YEHEZKIEL 20:18

Ma’kadaMo’ lako mintu’ anakna tau iato mai lan padang pangallaran, Kukua: Da mituru’i tu apa napondok nene’ to dolomi, da mikaritutui tu atoranna sia da miparuttakki rapang-rapang dipodeatanna tu kalemi.

YEHEZKIEL 20:24

belanna tae’ naturu’i tu atorangKu sia natibe tu apa Kupondok, napamatuna tu mintu’ allo katorroangKu sia tae’ napasalai mata tu rapang-rapang dipodeatanna ambe’na.

YEHEZKIEL 20:30

Iamoto ma’kadako lako to Israel kumua: Inde sia tu kadanNa Puangta PUANG: La miruttakkiraka tu kalemi susi napogau’ neme’ to dolomi sia la ma’gau’ salarokomika unturu’i tu apa megallianna tau iato mai?

YEHEZKIEL 22:28

Na iatu mintu’ nabinna ussapu’i kapu’ napomanamanni tau iato mai: natiro patiro mendeata ma’pakena sia ma’nubua’ buttok; nakua: Inde sia tu kadanNa Puangta PUANG, apa tae’ nama’kada tu PUANG.

YEHEZKIEL 22:8

Mintu’ tu apa maindanKu mutapa’ sia allo katorroangKu mupamatuna.

HOSEA 12:2

Iatu Efraim umpodia’ angin sia situ’turan allo unnula’ angin matallo; napapa’i bang tu kamo’rangan sia kasanggangan. Untanan basse sola Asyur na iatu minna’ dibaa lako Mesir.

HOSEA 12:3

Den kara-karaNa tu PUANGna Yehuda: iamoto anNa ukungi tu Yakub sitinaya kedona sia la Napapakkanni sitinaya penggauranna.

HOSEA 6:11

Sia iko duka, e Yehuda, dipasakkarammoko tu bura padang, ke Kupopembalii sule tu dalle’na taungKu.

AMOS 1:3

Inde sia tu kadanNa PUANG Nakua: Belanna tallu tu kapatodo-tintinganna Damsyik, ondongpi belanna a’pa’, iamoto natae’ Kula undampai to. Belanna mangka napalullu’i panglulluran bassi tu Gilead,

AMOS 3:2

Mintu’na tu pa’rapuan dao kuli’na padang kamu manna tu Kutandai, iamoto angKu ukungkomi belanna mintu’ kakadakeammi.

MIKHA 6:12

Iatu mai to sugi’na untambuk kamasa’garan sia iatu pa’tondokanna ma’kada tang tongan sia iatu lilana lan sadangna nanii pa’pakena.

HABAKUK 2:18

Apara gai’na tu rapang-rapang dipodeata dipa’, belanna to ma’pa’ unggaragai? Apara gai’na tu rapang-rapang dipodeata dipati’no’, iamotu misa’ panganda’ tang tongan, moi anna posande’ bangi to unggaragai tu panggaraga limanna? Tae’raka nadeata mamang tu nagaragai?

ROMA 1:25

tu ussondai kabuttokan tu katongananNa Puang Matua sia umpangke’ sia umpenombai tu panampaNa napasondana To manampa, tu sipatu dipudi sae lakona. Amin.

1 TESALONIKA 4:8

Iamoto, iatu to untumpui, tangia kumua tolino natumpu, sangadinna Puang Matua, tu umpa’kamasean Penaa Masallo’Na lako kalemi.

1 PETRUS 1:18

belanna miissan kumua dila’bakmokomi dio mai gau’ tang kebattuammi, tu misiosso’i dio mai nene’ to dolomi, tangia apa la sanggang dila’bakangkomi, susinna salaka ba’tu bulaan,

TO PARENGNGE’ 10:6

Napogau’ pole’omi to Israel tu apa kadake dio pentiroNa PUANG; umpenombai tu mintu’ Baal sia Astoret sia kapenombanna Aram, Sidon sia Moab, sia kapenombanna to Amon sia to Filistin, apa iatu PUANG naboko’imo sia tae’mo napengkaolai.