AMOS 1:9 - Sura' Madatu

⁹ Inde sia tu kadanNa PUANG, Nakua: Belanna tallu tu kapatodo-tintinganna Tirus, ondongpi belanna a’pa’, iamoto natae’ Kula undampai to. Belanna mangkamo nasorong tu mintu’ pa’tondokan lako Edom sia tae’ nakilalai tu basse kasiuluran,

AMOS 1:9 ပူးပေါင်းရင်းမြစ်များ

2 SAMUEL 5:11

Iatu Hiram, datu Tirus, ussua pesuanna lako Daud umbaa kayu arasi’ sia ba’tu pira-pira pande kayu sia to ma’pa’ batu, anna pabendanan Daud misa’ tongkonan layuk.

PA’PUDIAN 83:7

Iamotu mintu’ to ma’ suku Edom sia to Ismael, Moab sia to Hagar,

YEREMIA 25:22

sia mintu’ datunna Tirus, mintu’ datunna Sidon na mintu’ datunna lebukan lamban lianna tasik;

YEREMIA 47:4

ke saemi tu allo kadisangganganna mintu’ to Filistin sia iake disabu’i tu mintu’ to la untundui Tirus sola Sidon, tu torronapa; belanna PUANG la umpisanni tu to Filistin, iamotu to torropa dio lebukan Kaftor.

YEHEZKIEL 27:1

Rampomi tu kadanNa PUANG lako kaleku Nakua:

YEHEZKIEL 27:27

Iatu kasugirammu, iananmu sia balukammu, iatu pallopimmu sia duru mudimmu, to umpemeloiko sia to ma’baluk, sia mintu’ surodadummu, tu dio kalemu, ondongpi mintu’ to dio kalemu – tau iato mai malabu lan atena tasik, ke allo kamalabuammu.

YEHEZKIEL 28:1

Rampomi tu kadanNa PUANG lako kaleku Nakua:

YEHEZKIEL 28:18

Belanna kabudanna kakadakeammu, sia kakelokammu ma’balili, ammu ruttakki tu inan maindanmu. Iamoto Kupadukkui tu api lan tangngamu anna pura ungkandeko! Kupopendadiko au diong padang dio pentirona mintu’ to untiroko.

AMOS 1:11

Inde sia tu kadanNa PUANG, Nakua: Belanna tallu tu kapatodo-tintinganna Edom, ondongpi belanna a’pa’, iamoto natae’ Kula undampai to. Belanna naula’imo pa’dang lao tu siulu’na sia napa’deimo tu kamamaseanna, sia tete dio kasengkeanna, anna ma’kase’bu-se’bu bang sia unnanna bang kare’dekan ara’na,

AMOS 1:6

Inde sia tu kadanNa PUANG Nakua: Belanna tallu tu kapatodo-tintinganna Gaza, ondongpi belanna a’pa’, iamoto natae’ Kula undampai to. Belanna mangkamo narampa tu mintu’ pa’tondokan anna sorongi lako Edom,

OBAJA 1:11

Iatu allo munii bendan mentiro-tiro, iamotu allo nanii untingkanni to tama sae tu surodadunna sia tama babanganna to salian lembang, anna loterei tu Yerusalem, attu iato susiko to misa’ solana tau iato mai.

ZAKHARIA 9:1

Inde sia tu kada Napa’petanggungan Puang Matua, iamotu kadanNa PUANG. Iatu Puang diomo tondok Hadrakh, sia Damsyik tu inan Nanii torro, belanna PUANG, umpata’pai mata tu mintu’ to senga’, susi dukato tu mintu’ suku Israel;

MATIUS 11:21

Upu’ allomu, E Khorazim! Sumpu sumandakmu, e Betsaida! Belanna iakenna susinna nalan Tirus na Sidon nanni dadi tu mintu’na tanda mangnga mangka dadi lan lili’mi, tae’ natang masaimo ia namangka mengkatoba’ naumpembungku’ karoro’ sia au.

MATIUS 11:22

Apa Kukua mati’: iake allo kadiparessan la maringan ia parri’na Tirus na Sidon na iatu parri’mi.

LUKAS 10:13

Upu’ allomu, e Khorazim, sumpu sumandakmu, e Betsaida, belanna iakenna susinna nalan Tirus na Sidon dinii umpadenni tu tanda mangnga, mangka dipadenangkomi, manassa masaimo namangka mengkatoba’ sia unno’ko’ umpembungku’ karoro’ sia au.

LUKAS 10:14

Apa iake allo kadiparessan, parri’na tondok Tirus na Sidon la maringngan na iatu parri’mi.