AMOS 1:7 - Sura' Madatu

⁷ iamoto angKu la umpasae api tama rinding tembo’na Gaza, naurungan unnimbakanni tu mintu’ bentengna.

AMOS 1:7 ပူးပေါင်းရင်းမြစ်များ

2 DATU 18:8

Natalomi tu to Filistin sae lako Gaza sia (Nasanggang) tu mintu’ lili’na, randuk dio mai manara pa’kampan sae lako kota ditambakuku.

2 OSSORANNA DATU 26:6

Tassu’mi tu datu urrarii to Filistin, natuanni tu benteng tembo’na Gat sia Yabne sia Asdod, nabangunmi tu ba’tu pira-pira benteng sikandappi’ Asdod sia lan lili’na to Filistin.

YEREMIA 47:1

Inde sia tu kada sae lako nabi Yeremia, iamotu kadanNa PUANG diona to Filistin, tonna tae’pa nataloi Firaun tu tondok Gaza.

YEREMIA 47:5

Iatu Gaza digalettungimo sia Askelon disanggangmo; e to Enak tu torronapa, la sangapaporoko untori’-tori’ kalemu?

YEHEZKIEL 30:8

Sia anna tandai tau iato mai kumua: Akumo tu PUANG, ke kupadukkui api lan tu Mesir sia disanggang tu mintu’ to untundui.

YEHEZKIEL 39:6

La Kuleba’ api tama tu Magog sia iatu mai to torro manaman dio lu tondok ma’biring tasik, anna tandai, kumua Akumo tu PUANG.

AMOS 1:4

iamoto angKu la umpasae api tama banuanna Hazael naurungan unnimbakanni tu mintu’ bentengna Benhadad.

AMOS 1:6

Inde sia tu kadanNa PUANG Nakua: Belanna tallu tu kapatodo-tintinganna Gaza, ondongpi belanna a’pa’, iamoto natae’ Kula undampai to. Belanna mangkamo narampa tu mintu’ pa’tondokan anna sorongi lako Edom,

AMOS 1:8

Sia la Kusabu’i tu pa’tondokan lan mai Asdod sia iatu tekken kapayungan lan mai Askelon, sia la Kubalik tu limangKu unta’pai Ekron, naurungan iatu mintu’ to Filistin tinampepa la sanggang, kadanNa Puangta PUANG.

ZEFANYA 2:4

Belanna iatu Gaza la ditampe sia iatu Askelon la dipopempadang lo’bang, iatu Asdod la diula’i tu tau lan mai, ke tangngai allo, sia Ekron la didu’dukki.

ROMA 12:19

E pa’kaboro’ku, da anna kamu kalena ma’pasibalaran, sangadinna pakampai kasengkeanNa Puang Matua, belanna den disura’ kumua: Aku umpoissanni tu pepakkan; Akumote tu la umpapakkanni, kadanNa Puang.

PA’TOLE 32:35

Aku puangna tu pa’pabala’ sia pa’papakkan, iake la attunnami tilende’ tu lette’na, belanna iatu allo kasangganganna mandappi’mo, sia madomi’mo mengkareke’ tu apa dipamanassanni.