AMOS 1:6 - Sura' Madatu

⁶ Inde sia tu kadanNa PUANG Nakua: Belanna tallu tu kapatodo-tintinganna Gaza, ondongpi belanna a’pa’, iamoto natae’ Kula undampai to. Belanna mangkamo narampa tu mintu’ pa’tondokan anna sorongi lako Edom,

AMOS 1:6 ပူးပေါင်းရင်းမြစ်များ

2 OSSORANNA DATU 28:18

Sia iatu to Filistin ullaoi mintu’ kota dio Padang Merrantena sia Padang Rampe sau’ lan lili’na Yehuda; Natalomo tu Bet-Semes, Ayalon, Gederot, Sokho sia mintu’ tondok lan lili’na, Timna sia mintu’ tondok lan lili’na, Gomzo sia mintu’ tondok lan lili’na, anna pa’tondokki dio.

YEREMIA 47:1

Inde sia tu kada sae lako nabi Yeremia, iamotu kadanNa PUANG diona to Filistin, tonna tae’pa nataloi Firaun tu tondok Gaza.

YEHEZKIEL 35:5

Belanna mupatontong bang tu kasiualian sia musorong tu to Israel lako pa’dang ma’kande pu’pu’, tonna lambi’mi attu kasangganganna, tonna ma’katampakannamo diukung tu kakadakeanna,

YOËL 3:4

Sia la siapariKi’, e Tirus sia Sidon sia mintu’ tondok lan lili’na tondok Filistin? La ma’papakkannirokomika lako Kaleku? Apa iake denni la mipapakkanni lako Kaleku, madoi’-doi’ duka la Kupasule tu pa’pakkan langngan ulummi.

YOËL 3:6

Sia iatu to Yehuda sia to Yerusalem mibaluk lako to Yunani, la umpatoyangi tu tau iato mai dio mai lili’na.

AMOS 1:11

Inde sia tu kadanNa PUANG, Nakua: Belanna tallu tu kapatodo-tintinganna Edom, ondongpi belanna a’pa’, iamoto natae’ Kula undampai to. Belanna naula’imo pa’dang lao tu siulu’na sia napa’deimo tu kamamaseanna, sia tete dio kasengkeanna, anna ma’kase’bu-se’bu bang sia unnanna bang kare’dekan ara’na,

AMOS 1:3

Inde sia tu kadanNa PUANG Nakua: Belanna tallu tu kapatodo-tintinganna Damsyik, ondongpi belanna a’pa’, iamoto natae’ Kula undampai to. Belanna mangka napalullu’i panglulluran bassi tu Gilead,

AMOS 1:7

iamoto angKu la umpasae api tama rinding tembo’na Gaza, naurungan unnimbakanni tu mintu’ bentengna.

AMOS 1:9

Inde sia tu kadanNa PUANG, Nakua: Belanna tallu tu kapatodo-tintinganna Tirus, ondongpi belanna a’pa’, iamoto natae’ Kula undampai to. Belanna mangkamo nasorong tu mintu’ pa’tondokan lako Edom sia tae’ nakilalai tu basse kasiuluran,

OBAJA 1:11

Iatu allo munii bendan mentiro-tiro, iamotu allo nanii untingkanni to tama sae tu surodadunna sia tama babanganna to salian lembang, anna loterei tu Yerusalem, attu iato susiko to misa’ solana tau iato mai.

ZAKHARIA 9:5

La natiro Askelon anna mataku’, susi duka tu Gaza anna ma’parondo sia Ekron, belanna iatu apa narannuan la dipakasiri’; attu iato iatu datu la pa’de dio mai Gaza sia iatu Askelon tae’mo tau la untorroi.

PENGGAURANNA RASULU’ 8:26

Denmi misa’ malaeka’Na Puang ma’kada lako Filipus nakua: Ke’de’ko mumale sau’ unnola lalan dao mai Yerusalem rokko Gaza; lalan iato kasalan.

1 SAMUEL 6:17

Iamote tu mintu’ bundang bulaan, tu nasorong to Filistin lako PUANG la ullendokan kasalan, iamotu Asdod sangbatu, Gaza sangbatu, Askelon sangbatu, Gat sangbatu na Ekron sangbatu.