AMOS 1:5 - Sura' Madatu

⁵ La Kule’to tu salli’na Damsyik sia la Kusabu’i tu pa’tondokan lan mai Bikeat-Awen sia iatu to untoe tekken kapayungan lan mai Bed-Eden, sia iatu pa’tondokanna Aram la dipali’ lako Kir, – kadanNa PUANG.

AMOS 1:5 ပူးပေါင်းရင်းမြစ်များ

2 DATU 14:28

Iatu tang dipokadannapa tu mintu’ tuna’na Yerobeam sia mintu’na apa napogau’ sia penggauran lalongna, sia umba nakua parari sia umba nakua umpasulei tu Damsyik sia Hamat, tu dolona napolili’ Yehuda, lako Israel, tang tisura’moraka lan sura’ ossoranna mintu’ datu to Israel?

2 DATU 16:9

Napasituru’mi datu Asyur tu palakuanna Ahas, anna male tu datu Asyur urrarii tu kota Damsyik, nataloi, anna pali’i tu tau lan lako Kir, sia napatei tu Rezin.

YESAYA 22:6

Belanna naangkarammo Elam tu tambila, sia sakka’mo Aram tu kareta sia tau sia pakkanarang, sia napatassu’ Kir tu mai balulang.

YESAYA 43:14

Nakua kadanNa PUANG, Pela’bakmi, To maserona Israel: Bannang dio kamu, angKu sua misa’ tau lako Babel, angKu ulai’ male tu mintu’ to Kasdim rokko kappala’, tu nanii massattuan sia kumalasi-lasi.

YESAYA 8:4

Belanna iatonna tang unnisanpi tu pia iato umpokada: Ambe’!, ba’tu indo’!, manassa mintu’ ianan makamban lan Damsyik sia pangrampa lan Samaria la disorong lako olona datu Asyur.

YEREMIA 50:36

E pa’dang laoimi tu mai to ma’kada layuk, anna baga tu tau iato mai. E pa’dang laoimi tu mai to lalongna, anna tiramban.

YEREMIA 51:30

Iatu mintu’ pa’baraninna Babel natorroimo parari, sia unno’ko’ tu tau iato mai lan tu tambakuku; tae’mo tu kabaranianna, susimoto baine. Iatu banuanna tappumo diballa sia iatu salli’ ba’bana puramo disanggang-sanggang.

BATING 2:9

Iatu babanganna lamma’ nasang rokko padang, iatu salli’na nasanggangmo sia Natesse-tesse; iatu datunna sia iatu mai arungna mentialla’mo dio lu mintu’ bangsa, iatu pangadaran diona sukaran aluk tae’mo; sia iatu mai nabi tang unnappa’mo patiro mendeata dio mai PUANG.

YEHEZKIEL 27:23

Iatu to Haran, to Kane sia to Eden, to ma’baluk dio mai Syeba, Asyur sia Kilmad musipa’balukanan duka.

YEHEZKIEL 30:17

Iatu mai to manguranna On sia Pi-Beset la tibambang nakande pa’dang sia iatu to lan tondok iato la male dipali’.

HOSEA 10:8

La disanggang tu inan madao dinii memala’ dio Awen, tu napokasalan Israel. La nakabu’ duri sia a’da’ tu inan pemalaranna. Anna ma’kada tu tau iato mai lako buntu, kumua: Samboikan sia lako tanete, kumua: I’pinnikanni!

AMOS 5:5

Apa da midaka’ Betel, sia da mimale lako Gilgal, sia da mike’de lako Bersyeba. Belanna iatu Gilgal inang la male dipali’ sia iatu Betel la diputtai.

AMOS 9:7

Tae’raka mipada to Etiopia lako Kaleku, e to Israel? kadanNa PUANG. Tae’raka kumangkamo ussolanni tu to Israel sun lan mai tondok Mesir sia to Filistin dio mai Kaftor sia to Aram dio mai Kir?

NAHUM 3:13

Manassa iatu mintu’ muane lan lu tangngamu dadimo susi baine; mintu’ tu babangan tondokmu tungangnga’ lako ualimmu, sia mintu’ salli’ babangammu napuraimo api.