AMOS 1:1 - Sura' Madatu

¹ Inde sia tu kadanna Amos, misa’i tu to umpatuo domba dio mai Tekoa, tu natiro diona to Israel tonna linona Uzia, datu Yehuda sia tonna linona Yerobeam, anakna Yoas, datu Israel, duang taun dolona, namane lino’.

AMOS 1:1 ပူးပေါင်းရင်းမြစ်များ

2 SAMUEL 14:2

mesuami Yoab lako Tekoa, untambai dio mai tu misa’ baine malute, anna ma’kada lako nakua: La muangga’-angga’i ma’pote sia ma’pake sanda bolong, da muma’minna’ busarungngu’, sia la unna’ga susiko kalemu misa’ baine masaimo umpassanda bolongan to mate.

1 DATU 19:19

Ke’de’mi tu Elia dio mai, anna appa’i tu Elisa, anakna Safat, marassan umpa’tengkoan sapi sangpulo dua ayokana naturu’i dio to’ ma’pessangpulo duanna. Iatonna lendu’imi Elia, nabuanganmi bayu lamba’na.

2 DATU 14:21

Iatonna sangpulo annanmo taunna tu Azarya, naangka’mi mintu’ to Yehuda dadi datu ussonda Amazia, ambe’na.

2 DATU 14:23

Iatonna taun ma’pessangpulo lima kadatuanna Amazia, anakna Yoas, datu to Yehuda, dadimi datu tu Yerobeam dio Samaria, anakna Yoas, datu to Israel; ma’parentami patangpulo mmisa taunna.

2 OSSORANNA DATU 11:6

nabangun tu Betlehem sia Etam sia Tekoa.

2 OSSORANNA DATU 20:20

Iatonna masiang melambi’, ke’de’mi tu tau iato mai lako padang pangallaran Tekoa. Iatonna ke’de’, malemi lako tingayo tu Yosafat sia ma’kada nakua: Perangiina’, e to Yehuda sia to untongkonni Yerusalem, katappa’i tu PUANG, Kapenombammi, ammi dipamanda’, katappa’i tu mai nabinNa, ammi maupa’.

KATASSURAN 3:1

Iatu Musa ullaai bembe’ sia dombana Yitro, matusanna, to minaa dio Midian. Den pissan tonna baai tu bembe’ sia dombana ullendu’i padang pangallaran, rampomi lako buntunNa Puang Matua, disanga Horeb.

YESAYA 1:1

Iamote tu patiro mendeatanna Yesaya anakna Amos, tu natiro diona Yehuda sola Yerusalem tonna linona Uzia, Yotam, Ahas sia Hizkia, datunna to Yehuda.

YEREMIA 1:1

Iamote tu kadanna Yeremia, anakna Hilkia, bati’ to minaa, tu torro dio Anatot, lili’na Benyamin.

YEREMIA 28:8

Iatu mintu’ nabi dolo-dolona, tu dolo na aku sia dolo na iko ma’nubua’ diona ba’tu pira-pira tondok matoto’ sia ba’tu pira-pira kadatuan kapua, kumua la narampoi kasirarian sia kamandasan sia ropu.

YEREMIA 6:1

Mallaikomi, e bati’na Benyamin, lan mai Yerusalem. Pannonii tu napiri tanduk lo’ Tekoa sia tutungi tu bia’ naparrang tu dukkunna dao Bet-Kerem! Belanna daa mai ulunna salu mempaan tu misa’ kakadakean sia kasanggangan kapua.

YEREMIA 7:27

Mupokada tu mintu’ kada iate lako tau iato mai, apa tang naperangiiko sia mukambaroan, apa tang napebaliiko.

HOSEA 1:1

Inde sia tu kadanNa PUANG tu rampo lako Hosea, anakna Beeri, tonna linona Uzia, Yotam, Ahas, na Hizkia, datu Yehuda, sia iatonna linona Yerobeam, anakna Yoas, datu Israel.

AMOS 7:14

Mebalimi tu Amos lako Amazia nakua: Tangiana’ nabi sia tangiana’ anak nabi sangadinna misa’na’ to manglaa sia to ungkaduttu’ bua ara pangala’.

MIKHA 1:1

Inde sia tu kadanNa PUANG rampo lako Mikha, to Moresyet, tu natiro diona a’ganna Samaria sia Yerusalem, tonna linona Yotam, Ahas sia Hizkia, datunna Yehuda.

ZAKHARIA 14:5

Attu iato la mallaikomi rokko lombok buntungKu, belanna iatu lombokna buntu iato la sumpu sae lako Azal, ondongpi la mallaikomi, susi kamallaiammi dio mai lino’ tonna linona Uzia, datu Yehuda. Sia iatu PUANG, Kapenombangku, la sae sola mintu’ to masero.

MATIUS 4:18

Iatonna sumalong-malong dio randan tasik Galilea, Nakitami tu Petrus sola siulu’na disanga Andreas, marassan umbuang dalla’ diong tasik, belanna tau iato pa’dalla’.

1 KORINTUS 1:27

apa iatu dipetaainna lan te lino Napilei Puang Matua, kumua anNa pakasiri’i tu to kinaa, sia langga’na lan te lino Napilei Puang Matua, kumua anNa pakasiri’i tu mawatangna,