2 TIMOTIUS 4:3 - Sura' Madatu

³ Belanna undinna la sae tu attu nanii tau tang untananni tu pangadaran tongan; belanna kamakattikanna talinganna anna rampunni lako kalena tu mai guru situru’ lalan pa’poraianna,

2 TIMOTIUS 4:3 ပူးပေါင်းရင်းမြစ်များ

1 DATU 18:22

Nakuami tu Elia lako tau buda: Aku mannamo tinampe tu nabinNa PUANG, apa iatu nabinna Baal, a’pa’ ratu’ llimangpulo.

1 DATU 22:18

Ma’kadami tu datu to Israel lako Yosafat nakua: Tang kukuaraka mati’, kumua tae’ napa’nubuaranna’ tu apa melo, sangadinna kadakena manna?

1 DATU 22:8

Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

KATASSURAN 32:33

Ma’kadami tu PUANG lako Musa Nakua: Tau iato tu la Kuputtai lan mai sura’Ku iamotu to umpogau’ kasalan lako Kaleku.

YESAYA 28:12

Tu Napokadamo lako tau iato mai kumua: Iamo kapelayoan te, benni kapelayoan tu to mata’ka’, iamote tu kamanamanan – apa tae’ anna perangii.

YESAYA 30:10

Nakua lako mintu’ to pakita-kita: Da mipakita; sia lako mintu’ to patanda-tandan: Da mipatandangkanni tu tonganna, pokadangkanni tu apa kiporai sia pakitangkanni tu apa unnaran-narankan.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.

YEREMIA 27:9

Iamoto da miperangii tu mintu’ nabimmi sia to pakita-kitammi sia to mangimpimmi sia to pakita dalle’mi sia to balik matammi, tu ma’kada lako kalemi, kumua tae’ mila tontong mengkanorong lako datu Babel.

YEREMIA 29:8

Belanna nakua kadanNa PUANGna mintu’ ma’dandan maritik, Kapenombanna to Israel, kumua: Da napakenakomi mintu’ nabimmi tu misolan sia mintu’ to pakita-kitammi, sia da miperangii tu to mangimpimmi, tu misua mangimpi.

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

MIKHA 2:11

Iake denni misa’ tau ma’kedo tang kebattuan sia ma’kada tang tongan, nakua: La kupa’nubuarangko tu diona uai anggoro’ sia pangiru’ palango –, iamoto tu nabinna bangsa iate.

LUKAS 20:19

Iatonna iato undaka’mi lalan tu mintu’na pandita Sura’ sia pangulu to minaa la undammakki tu Yesu, belanna natandai tu pa’pasusian iato, kumua gau’na narua, apa mataku’i lako to buda.

LUKAS 6:26

Upu’ allomi, ke mintu’i tau umpokada meloi tu gau’mi, apa susimoto tu napogau’ nene’ to dolona lako mintu’ nabi buttok.

YOHANES 8:45

Apa Aku te, belanna umpokadaNa’ tonganna, anna tae’ mipatonganNa’.

PENGGAURANNA RASULU’ 17:21

Mintu’na tu to Atena sia to banga’ inde to dio, tae’ namatean allona lako senga’na, sangadinna umpokadai sia umperangii tu apa ba’ru.

1 KORINTUS 2:1

Susi dukamo’to, tongku sae lako kalemi, e mintu’ siulu’ku, tae’ kurampo umpa’peissanan apa Napamanassa Puang Matua lako kalemi diona kamalutean ma’kada ba’tu diona kakinaan.

1 KORINTUS 2:4

Iatu kadangku sia pangadarangku, tangia diona kada kakinaan tolino umpatilao penaanna tau, sangadinna diona tanda pa’patudunNa PenaanNa sia kamatotoranNa Puang Matua,

GALATIA 4:16

Mipoualimora’ka totemo, tu belanna umpokadana’ tonganna lako kalemi?

1 TIMOTIUS 1:10

to ma’pangngan buni sia to sigau’ sala padanna muane, sia to umboko tau, to buttokan sia to menggata tang tongan, sia apa-apa tu sisalanna pangadaran mepamanaman,

2 TIMOTIUS 1:13

Alai passangkaran dio mai mintu’ kada tongan, tu mangka murangi dio mai kaleku naturu’ kapatonganan sia pa’kaboro’ tete dio Kristus Yesu.

YUDAS 1:18

susitu mangkamokomi napokadan, kumua iake attu undinna la sae ba’tu pira-pira to patelle tu unturu’ kamailuan masuangna.