2 TIMOTIUS 4:2 - Sura' Madatu

² Palolangi tu kada iato, matoto’ko umparampoi, la iake nakamorai la iake nakanokai tau, pakanassanni tu salana tau, ta’tanni, pakilalai situru’ kama’tanan penaa sia situru’ pangadaran.

2 TIMOTIUS 4:2 ပူးပေါင်းရင်းမြစ်များ

PA’PUDIAN 40:9

O Kapenombangku, kuporai umpogau’i tu naalanna penaamMi, sia iatu sukaran alukMi manda’ kupariba’teng.

YUNUS 3:2

Ke’de’ko mumale lako Niniwe, kota kapua iato, ammu pa’peissananni tu pa’pakilala, la Kupokadangko.

LUKAS 7:23

Dadi maupa’ tu to tang umpomatana’Na’.

LUKAS 7:4

Iatonna rampomo tu tau lako Yesu, mengkamoya-moya tonganmi, kumua: Sipatu la Mitulung, Puang,

LUKAS 9:60

Nakuami Yesu lako: Da’ito na to matemora umpeliang to matena, malemoko ria umpatale’ ParentaNa Puang Matua.

PENGGAURANNA RASULU’ 13:5

Iatonna sae lako Salamis umpa’peissanammi kadanNa Puang Matua lan lu banua pa’kombonganna to Yahudi; iatu Yohanes sisola duka tinde tau butung to ma’parakana.

PENGGAURANNA RASULU’ 16:13

Iatonna allo katorroammo sunmokan lan mai babangan tondok kimale urrundunan randan salu, kisanga inang la den inan dinii masambayang inde to dio; angki unno’ko’ ma’ulelean lako tu baine sirampunmo.

PENGGAURANNA RASULU’ 20:7

Iatonna allo bunga’na lan minggu iato, tongki sirampun untepu-tepu roti, ma’uleleammi Paulus lako tu tau, apa nasanga la malemo ke masiangito, iamoto napatarru’i tu pa’uleleanna sae lako ma’tangnga bongi.

PENGGAURANNA RASULU’ 28:16

Iatongki tamamo dio Roma, dielorammi tu Paulus torro misa sisola misa’ surodadu ungkampai.

ROMA 10:15

Sia umba la nakua umpa’peissananni, ke tae’i nadisua? Susi tu disura’ nakua: Tang pada ia melona lentekna tu to umbaa Kareba-kaparannuan diona melona.

ROMA 12:12

Sendekomi diona rannummi, ma’tan penaakomi lan kamaparrisan, sia batta’ lan kapassambayangan.

GALATIA 6:6

Sipatu tu to diada’i kadanNa Puang umbenni kataananna tu to mangada’i.

KOLOSE 1:25

Dialana’ to ma’kamayana kombongan situru’ tu passanan tengko Napatageranna’ Puang Matua belanna kamu, la umparampo sama lele kadanNa Puang Matua,

KOLOSE 4:3

Ammi passambayangan dukakan, anNa bungkarangkan lalan Puang Matua la umpalolang Kareba-kaparannuan, angki pokadai tu rasianNa Kristus, tu kupobannang te dirante bassi.

1 TESALONIKA 1:6

Na kamu te to menturu’ lakomokomi kaleki sia lako Puang; moi anna lambi’komi ba’tu pira-pira kamaparrisan, mangkamo mitarima tu kada iato situru’ kaparannuan lu dio mai Penaa Masallo’,

1 TESALONIKA 5:14

E sangsiulurangku, kipalaku ammi pakilalai tu mai to tang unturu’ parenta, pabatta’i tu mai to ranggang penaanna, tundui tu mai to malamma’, pama’tananni penaa tu mintu’ tau.

1 TESALONIKA 5:20

sia da mitunai tu pa’nubua’.

1 TIMOTIUS 4:13

Karitutuiko kapa’basan sia kapa’pakilalan sia kapa’pangadaran sae lako saeku mati’.

1 TIMOTIUS 5:20

Iatu to umpogau’ kasalan, la mulo’bo dio tingayona sola nasangi, anna mataku’ tu senga’na.

2 TIMOTIUS 2:21

Iamoto, iake den tau umpamasero kalena dio mai tu tang maserona, iamoto tu dadi oongan diangkaran lako mala’bi’na, tu mangka dipamaindan, sipato’ napake puangna, sia sakka’ la diangkaran lako mintu’ pentoean maelo.

2 TIMOTIUS 2:25

sorong inaa unnada’i tu mintu’ to umbalii, kumua sangapaoi Napa’kamaseanni Puang Matua lako tau iato tu kamengkatobaran, naurunganni ullambi’i tu kapaissanan diona tu kamanapparan,

2 TIMOTIUS 3:10

Apa iatu iko unturu’moko pangadarangku sia gau’ku, sia lalan inaangku sia kapatonganangku sia kama’tanan penaangku sia pa’kaboro’ku sia kama’patariangku.

TITUS 1:13

Tonganna tu kada iato. Iamoto, tarru’i tonganni tu tau iato mai, anna mapato lan kapatonganan,

TITUS 2:15

Pamati’tinni mupokada tu mintu’ kada sia pakilalai sia tarru’i sia da naden tau misa’ untapa’ko.

IBRANI 13:22

Apa kupalaku lako kamu, e sangsiulurangku, da misa’dinganni te kada pa’pakilalangku, belanna mangkamo kusura’ kondi’ lako kalemi.

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.