2 TIMOTIUS 3:2 - Sura' Madatu

² Belanna buda tau la tuo misa sia ungkailui doi’, untendeng kalena, madao penaa, umpalele beko tau, umbali-bali indo’-ambe’na, tang ma’kurre sumanga’ sia tang mekaaluk;

2 TIMOTIUS 3:2 ပူးပေါင်းရင်းမြစ်များ

PA’PUDIAN 10:3

Belanna iatu to tang mekaaluk ussattuan kalena unturu’ lalan penaanna, sia iatu to mesaro bu’tu kadake untendeng kalena sia umpa’kada solangi PUANG.

PA’PUDIAN 49:6

Apara bannangna angku mataku’ra, ke allo kamaparrisan, ke napatama limbuna’ kakelokanna mintu’ to untananni sura kambutu’ku.

PA’PUDIAN 52:1

Lu lakona pangala sengo. Misa’ gelong bangunan ada’na Daud.

SARAMBU PEADA’ 6:17

Mata tumongnga’, lila kamorang-morang, lima umpatibollo rarana to tang kasalan,

YESAYA 10:15

Denraka tu uase madongnga’ lako to umpemba’tanni? Denraka tu gare’ge’ matampo lako to ussorongi? Butung to pebamba umpopangayo to untoei; butung to tekken unnangka’i tu tangia kayu.

DANIEL 11:36

Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

MATIUS 15:6

tae’mo namanggi’ tau la ungkasiri’opi tu ambe’na ba’tu indo’na. Susimoto tu kaumpa’deimmi bisaranNa Puang Matua, tu belanna aluk panganna to dolomi.

LUKAS 12:15

Nakuami lako tau iato: Kanandai sia kanannangi tu kalemi dio mai kabasisi-inaan, belanna tae’ na ia napotuo tau tu kala’bian ianan.

LUKAS 16:14

Iate mintu’na te narangi nasang to Farisi, to inang ungkaduangi bang doi’, natelle-tellei tu Yesu.

LUKAS 6:35

Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

PENGGAURANNA RASULU’ 5:36

Dolonapa anna bendan Teudas, ussanga kalena to paa; na iatu to unturu’i agi-agi a’pa’ratu’ muane. Anna di patei, natisambo’-sambo’ tu mintu’ to unturu’i, tae’ bangmo apa-apa.

ROMA 11:18

da ammu sattuan kalemu mutapa’i tu tangke iato. Apa iake morongi ammu sattuan kalemu, pengkilalai: tangia iko tu untulakki tu uaka’, sangadinna iatu uaka’ tu untulakko.

2 KORINTUS 5:15

Sia mateMo tu belanna mintu’ tau, kumua anna iatu to tuopa, da anna untuoan kalena, sangadinna la untuoanni tu To mangkamo mate sia malimbangun belanna iatu mai tau iato.

FILIPI 2:21

Belanna pantan kalena manna natiroan, tangia diona Kristus Yesu.

KOLOSE 3:5

Pamatemi tu mintu’ lesoan kale a’gan lino, iamotu: pa’pangngan buni, kamaruttakan, kamoraian, pa’poraian kadake, sia kabasisi-inaan, tu samanna memala’ lako deata;

2 TESALONIKA 2:4

to pabali-bali sia ussanga madao kalena na iatu mintu’na disanganna kapenomban sia dipenombainna, naurunganni unnesung lan banuanNa Puang Matua sia ungganti kalena kumua iamo deata.

1 TIMOTIUS 1:20

Susimo Himeneus sola Aleksander to, tu mangka kusorong lako deata bulituk, kumua anna diada’ da anna ma’kada solang.

1 TIMOTIUS 1:9

sia ke nakanassai kumua iatu Sukaran aluk, tangia dipadenan to malambu’, sangadinna to battuk sia to matoro, to tang mekaaluk, to ponno kasalan, to tang ungkasiri’ kamaindanan sia tang massipa’, to umpatei ambe’na sia indo’na sia mintu’ to papatean,

1 TIMOTIUS 3:3

tang pa’anggoro’, ba’tu passiboboran, sangadinna to sallo’ penaanna, tangia to passite’geran sia tangia to ungkaduangi doi’;

1 TIMOTIUS 6:10

Belanna iatu kabasisi-inaan lako doi’, iamo garonto’na mintu’ kakadakean; na iatu to undaka’nai tu iannato, pusamo diona kapatonganan sia umpatamai bungin lassu kalena.

1 TIMOTIUS 6:4

tau iato matampo, natae’ apa naissan, sangadinna bomboan massita’gen sia massitamben kada, tu naninna bu’tu kamagallian, kasigagan, ma’rupa-rupa pa’palele beko sia pa’kapang-kapang kadake,

2 TIMOTIUS 3:4

patangnga’, masa’ga’, matampo, umpalosong kasendean anna iatu ungkamasei Puang Matua.

YAKOBUS 2:8

Apa iake mituru’i tu parenta ma’iringanna, susitu lan Sura’ Madatu nakua: La mukamasei tu padammu tolino susi batang kalemu, melo dukamo tu penggaurammi.

YAKOBUS 4:16

Apa totemo massattuangkomi diona kamatampoammi ma’kada; mintu’na passattuan susito kadake.

YAKOBUS 4:6

Apa Napa’bengan tu pa’kamasean mandu kapua. Iamo bannangna to anna kua lan Sura’ Madatu: Puang Matua umbali to matampo, apa Napa’kamasean tu pa’kamasean lako to madiongan penaanna.

1 PETRUS 5:5

Susi duka kamu, e to mangura, la tundukkomi lako mintu’ penatua sia la situndu-tunduangkomi sola nasang umpotambeke’ kaumpamadiongan penaa; belanna Nabali Puang Matua tu to matampo, apa Napa’kamasean tu pa’kamasean lako to madiongan penaanna.

2 PETRUS 2:10

ondong polepi tu to umpalolang kalena unturu’ kamoraian pa’kalean lan kamailuan masarepa, sia tang umbilang mintu’ kapaan. Barani sia umpattuan penaanna sia tang magiang ullangdo mintu’ tu mai disanganna mala’bi’,

2 PETRUS 2:12

Apa mintu’ tau iate, susi olo’-olo’ tae’ tangnga’na, dipadadi turu’ lalan biasanna la napotingkanan sia dipatei, untelle apa nakabagai; tae’ anna salai tang la sanggang natumang penggauran pasangganganna,

2 PETRUS 2:18

Belanna umpokada matampo kada tang kebattuan, anna daai pa’poraian pa’kalean sia tang penggauran tu to mane tilendok dio mai to unnolai lalan pusa.

2 PETRUS 2:3

Belanna kabasisi-inaanna nala undaka’ saro dio mai kalemi umpokada kada passede. Masaimo tumaya tu ukungan la urrampoi sia ia duka tu kasangganganna ma’kampa bangmo.

YUDAS 1:16

Tau iamorato mai tu pa’nuku-nukuan sia suma’rok sia unturu’ bang kamoraianna, ma’kada matampo, anna ussede tau belanna untiroan misa kalena.

KADA OMBO’ LAKO RASULU’ YOHANES 13:1

Kutiro pole’omi misa’ olo’-olo’ masuru sun lan mai tasik sangpulo tandukna, sia pitu ulunna; na sangpulo makota dao tandukna, sia dao ulunna, disura’ ba’tu pira-pira sanga pa’kada solang.

KADA OMBO’ LAKO RASULU’ YOHANES 16:11

sia umpa’kada solangi Puang Matua dao suruga belanna kamapa’diranna sia bundangna; anna tae’ duka namengkatoba’ dio mai penggauranna.

KADA OMBO’ LAKO RASULU’ YOHANES 16:21

Saemi tu uran batu kamban unta’pai tolino, agi-agi sangtalenta magasanna ke misa’i, napa’kada solangimi tolino tu Puang Matua belanna kamaparrisan uran batu, apa lendu’ kapuana tu kamaparrisan iato.

KADA OMBO’ LAKO RASULU’ YOHANES 16:9

Na mintu’ tolino namampu’i lassu masang tongan, napa’kada solangimi tu sanganNa Puang Matua, tu ungkuasai mintu’ kamaparrisan iato; tae’ duka anna mengkatoba’ tu tau iato mai la umpangke’ Puang.